PAOLE 2:10 - KITTA' MATANGKASA'

¹⁰ Anjo Ar riolo tu Emim ampammantangngi. Lompoi pakkaleanna ke'nanga, sangkammai tu Enak, kamma tongi ke'nanga bansa rassasa.

PAOLE 2:10 ပူးပေါင်းရင်းမြစ်များ

PA'JARIANG 14:5

Ri taung makasampulona angngappa', battumi Karaeng Kedorlaomer siagang aganna ngaseng angngerangi tantarana ke'nanga. Nampa nabetamo ke'nanga tu Refaim ri Asyterot-Karnaim, tu Zuzim ri Ham, tu Emim ri Syawe-Kiryataim,

2 SAMUEL 21:16

Nia'mo se're tu lompo kalenna niarenga Yisbi-Benob. Ia pokena tambaga nipare', battala'na kira-kira nia' tallu sitangnga kilo. Angngerang tongi pa'dang beru, siagang napattantumi angkanaya akkullei nabuno Daud.

PAMMILANGNGANG 13:22

Uru-uruna a'lampai ke'nanga ri bageang timboranna anjo pa'rasanganga nampa battu mange ri kota Hebron, tampa' napammantangia tu Ahiman, Sesai siagang Talmai, jari-jarina Enak. Anjo kota Hebron tuju taungi le'ba'na nibangung nampa nibangung kota Zoan ri Mesir.

PAOLE 1:28

Jari apa matu-matunta mange anjoreng? Anjo tau nikiringa mange anjoreng napakamalla' maki' lanri nalaporo'na ke'nanga angkana anjo bansa niaka anjoreng la'bi kassakangngangi siagang la'bi baraniangngangi na ikatte, kammayatompa lalangi ke'nanga ammantang ri kota-kota nikallika tembo' kammaya langi' tinggina. Acciniki ke'nanga rassasa anjoreng!’

PAOLE 2:11

Sangkamma tu Enak, anjo ke'nanga nikana tongi tu Refaim; mingka niarengi ke'nanga ri tu Moab: Tu Emim.