PAOLE 19:13 - KITTA' MATANGKASA'

¹³ Teako kamaseangngi anjo taua. Pakabebasaki tu Israel battu ri tau pabuno kammaya anjo, sollannu salewangang lalang tallasa'nu.”

PAOLE 19:13 ပူးပေါင်းရင်းမြစ်များ

PA'JARIANG 9:6

Anjo rupataua nipa'jari sangkamma iNakke; lanri kammana anjo, inai-nai ammuno rupatau, kalenna lanibuno tongi ri rupataua.

2 SAMUEL 14:7

Na kamma-kamma anne, sikontu kaluargana atanta namusui atanta siagang natuntuki atanta sollanna napassareang anjo ana'na atanta ammunoa mae ri ke'nanga, sollanna nahukkung mate ke'nanga anjo anaka, lanri le'ba'na nabuno sari'battanna. Punna napassareangi atanta anjo anaka, amantang mami atanta akkale-kale. Lanaancuruki ke'nanga se're-se'rea panrannuanna atanta. Nampa tenamo sitau ana' bura'ne untu' bura'nenna atanta ampannarrusuki jari-jarina.”

2 SAMUEL 21:1

Ri wattu ammarentana Daud, le'baki naalle cipuru' lompo taua tallun taung sallona. Nampa appala'mo pangngunju' Daud mae ri Batara lanri anjo passalaka, na Nakanamo Batara, “Anjo bala kacipuranga passabakkang kasalanna Saul siagang kaluargana, iamintu lanri nabunona tu Gibeon.”

2 SAMUEL 21:14

Nampa nitarawang anjo buku-bukunna Saul siagang Yonatan kammayatompa buku-bukunna anjo tujua tau lalang ri jera'na Kish manggena Saul ri Zela ri daerana suku Benyamin. Ri le'ba'na ngasemmo nigaukang situru' parentana karaenga, niturukiammi pappala' doanna ke'nanga ri Allata'ala untu' anjo pa'rasanganga.

1 KARAENG-KARAENG 2:31

Nalangngere'na karaenga anjo, nakanamo, “A'lampamako siagang gaukammi anjo apa napaua. Bunoi siagang tarawangi, sollanna inakke siagang turunganna manggeku tenamo nakutanggong jawa' mae ri pammunoang nagaukanga Yoab mae ri tau tenaya salana pirangalloang.

YEHEZKIEL 16:5

Tena manna sitau mangngamaseang ri kau sa'genna ero' anggaukangi anjo sikammaya passala' mae ri kau. Ri wattunnu lassu', tena nia' ansayangko, ba'lalo nipelakko mae ri kokoa.

KAIMANGNGANG 24:17

Inai-nai ambunoi paranna tau musti nihukkung matei.

KAIMANGNGANG 24:21

Inai-nai ammuno olo'-olo'na paranna tau, musti nasambei; mingka inai-nai ambunoi paranna tau musti nihukkung matei.

PAMMILANGNGANG 35:31

Tau ammunoa musti nihukkung matei. Tena nakkulle nasambei anjo hukkunganga siagang doe'.

PAOLE 13:8

teako pilangngeri siagang teako erokki ninyonyo' ri ia. Tea tongko kamaseangngi yareka la'langngi anjo taua.

PAOLE 19:12

Punna kamma anjo, sikamma pamimping kotana musti nakioki anjo taua nampa napassareang mae ri kaluargana anjo tau nibunoa sollanna napa'balassang anjo tau nibunoa na nabuno anjo taua.

PAOLE 19:21

Teako mangngamaseangngi lalang ri parkara-parkara kammaya anjo. Ia hukkunganna iamintu: Nyawa nisambei nyawa, mata nisambei mata, gigi nisambei gigi, lima nisambei lima, siagang bangkeng nisambei bangkeng.”

PAOLE 21:9

Jari, lanri nugaukanna apa Natuntuka Batara, teaimi ikau nibattalli ri passala'na anjo pammunoanga.”

PAOLE 25:12

polongi limanna anjo bainea, siagang teako kamaseangngi.

PAOLE 7:16

Sikamma bansa Napassareanga Karaeng Allata'alanu ri kakoasannu musti nuancuruki; teako kamaseangngi ke'nanga. Teako anynyombai ri rewata-rewatana ke'nanga, lanri anjo panggaukang kammaya napangngerangangko bala.

PAOLE 7:2

Punna Napassareang Karaeng Allata'alanu anjo bansa-bansaya antama ri kakoasannu siagang nubeta ke'nanga, buno ngasengi anjo ke'nanga. Teako kamaseangi ke'nanga siagang teako appareki parjanjiang siagang ke'nanga.