PAOLE 19:10 - KITTA' MATANGKASA'

¹⁰ Gaukangi anjo kammaya sollanna tena nanudoraka lanri nulappassanna tau tenaya nasala nibuno ri pa'rasangang Napassareanga Karaeng Allata'alanu mae ri kau.”

PAOLE 19:10 ပူးပေါင်းရင်းမြစ်များ

1 KARAENG-KARAENG 2:31

Nalangngere'na karaenga anjo, nakanamo, “A'lampamako siagang gaukammi anjo apa napaua. Bunoi siagang tarawangi, sollanna inakke siagang turunganna manggeku tenamo nakutanggong jawa' mae ri pammunoang nagaukanga Yoab mae ri tau tenaya salana pirangalloang.

2 KARAENG-KARAENG 21:16

Pantaranganna a'gau' dosana tu Yehuda mae ri Batara lanri anynyombana barhala, Manasye sanna' todong jaina tau tena salana nabuno sa'genna tassolommo ceraka ri kere-keremae ri Yerusalem.

2 KARAENG-KARAENG 24:4

la'biangampa lanri sikontu pammunoang nagaukanga mae ri sikamma tau tenaya nasala. Tena Naero' Batara ampamopporangi Manasye lanri anjo panggaukang-panggaukang kammana.

PAMMUJI 94:21

Assikongkoloki ke'nanga ambaliangi tau lambusuka, siagang anghukkung matei tau tenaya salana.

YESAYA 59:7

Tulusu' nurancanakangi ja'dalaka, siagang erokko akkaro-karo anggaukangi. Tena nubata-bata ammuno tau tenaya salana. Kemae-kemae lampanu, tuli ammolikko karuntungang siagang kapanrakang.

YO"EL 3:19

Mesir la'jari parang kalotoroki, Edom la'jari rosoki, tena tau ampammantangngi. Nasaba' le'baki nabunduki tu Yehuda, siagang nabuno pandudu'na pa'rasangang tenaya salana.

YUNUS 1:14

Lanri kammana anjo akkio'mi ke'nanga ri Batara angkana, “O Batara, napalaki ikambe, tea' laloKi' panraki ikambe lanri niallena nyawana tau tenaya gau' salana mae ri kambe. O Batara, Kigaukangi apa Kikaerokia.”

PAMMILANGNGANG 35:33

Punna nugaukangi anjo kammaya, nura'massimi butta nupammantangngia. Anjo pammunoanga nara'massi pa'rasanganga; jari tena cara maraeng untu' antangkasi anjo pa'rasanganga pantaranganna angkanaya musti niallei nyawana anjo tau ammunoa.

PAOLE 19:13

Teako kamaseangngi anjo taua. Pakabebasaki tu Israel battu ri tau pabuno kammaya anjo, sollannu salewangang lalang tallasa'nu.”

PAOLE 26:1

“Punna antama' mako ri pa'rasangang Napassareanga Karaeng Allata'alanu mae ri kau, siagang punna ammantang mako anjoreng,

PAOLE 4:21

Mingka a'jari larromi Karaeng Allata'alanu mae ri nakke passabakkang ikau ngaseng, siagang assumpami angkanaya tena nalakulimbang Binanga Yordan untu' antama' ri butta coppong le'baka Napassareang mae ri kau.

1 SAMUEL 19:5

Le'ba'mi nasaung nyawana wattunna nabuno Goliat, na nisaremo pammetang lompo tu Israel tete ri ia. Kalenta anciniki anjo apa le'baka kajariang, siagang rannumi pa'maitta anjo wattua. Jari angngapa nakiero' kamma-kamma anne ansessai tau tenaya kasalanna siagang ambunoi anjo Daud natena apa-apa saba'na?”