PAOLE 18:9 - KITTA' MATANGKASA'

⁹ “Punna antama' mako ri pa'rasangang Napassareanga Karaeng Allata'alanu mae ri kau, teako palembai panggaukang-panggaukang ja'dala'na bansa-bansa niaka anjoreng.

PAOLE 18:9 ပူးပေါင်းရင်းမြစ်များ

2 KARAENG-KARAENG 17:11

Attunu tongi ke'nanga dupa ri sikontu tampa' pakkoro'bangnganga untu' rewataya, sangkamma kabiasanna bansa-bansa le'baka Nabongka Batara battu ri butta Kanaan. Anynyombai ke'nanga barhala, manna pole nipisangkai ri Batara. Sikontu anjo panggaukang ja'dala'na ke'nanga ampanaiki larroNa Batara.

2 KARAENG-KARAENG 17:8

siagang naturuki kabiasanna bansa-bansa le'baka Nabongka Batara ri wattunna maju bansa Israel ambunduki anjo bansa-bansaya. Naturuki bansa Israel kabiasang le'baka napattantu karaeng-karaeng Israel,

2 PATTOTTORANG 28:3

nampa attunu dupa ri Ka'bung Lappara' Hinom. Ba'lalo ana' bura'ne kalenna napassareang a'jari koro'bang mae ri barhalaya, situru' kabiasang ja'dala'na tau le'bakamo Nabongka Batara battu ri pa'rasangang Kanaan ri wattunna napantamakki tu Israel anjo pa'rasanganga.

2 PATTOTTORANG 36:14

Pantaranganna anjo, Balla'Na Batara le'baka Natangkasi Batara untu' KalenNa, nira'massi ri pamimping-pamimpinna tu Yehuda, imang-imanga, siagang ra'yaka, lanri amminawang turu'na todong ke'nanga anynyomba barhala siagang naturuki panggaukanna bansa-bansa dorakaya ri tammulilina ke'nanga.

YEREMIA 10:2

Nakana, “Teako turuki kabiasanna bansa-bansa maraenga, siagang teako mallakki anciniki sikamma pammateia irate ri langika, nakamallakkang anjo bansa-bansaya.

KAIMANGNGANG 18:30

Jari Nakanamo Batara, “Turuki parenta-parenta Kupassareanga siagang teako palembai panggaukanna sikamma tau ammantanga ri Kanaan rioloangngannu. Teako ra'massi kalennu lanri nugaukanna anjo panggaukang-panggaukang kammaya. INakkemi Karaeng Allata'alanu.”

PAOLE 20:18

Bunoi ke'nanga, sollanna tena napa'jariko ke'nanga doraka mae ri Karaeng Allata'alanu lanri naajara'nu anggaukangi panggaukang-panggaukang appakaringi'-ringika untu' rewata-rewatana ke'nanga.

PAOLE 9:4

Punna le'baki Karaeng Allata'alanu ambongkai ke'nanga untu' ikau, teako sala pahangngi angkanaya Naerangko mange anjoreng untu' ampatangi anjo buttaya lanri baji'nu siagang nugaukanna ero'Na Karaeng Allata'alanu, sa'gennu siratang antarimai anjo buttaya. Tena sikali nakamma anjo! Nabongkai Batara anjo bansa-bansaya untu' ikau lanri ja'dala'na ke'nanga. Nalappassangko Batara angngallei buttana ke'nanga, lanri ero'Na anrupai janjinNa mae ri boe-boenu iamintu Abraham, Ishak siagang Yakub.