PAOLE 18:21 - KITTA' MATANGKASA'

²¹ Nakulle kapang erokko angngassengi angkanaya, ‘Apaka anjo pasanna se'rea na'bi pappasang battu ri Batara yareka tena.’

PAOLE 18:21 ပူးပေါင်းရင်းမြစ်များ

YEREMIA 28:9

Mingka na'bi a'botoa ri kaamangngang, iapa nakkulle niakui salaku na'bi tojeng-tojeng nisuro ri Batara, punna a'rupa tojenja anjo sikontu apa nabotoa.”

ZAKHARIA 2:13

A'mereki ngaseng mako ri dallekanNa Batara! Nasaba' ammentemmi battu ri tampa' pammantanganNa ri suruga.

PAOLE 18:20

Mingka punna nia' sitau na'bi barani appabattu pasang lalang arengKu, nampa teai iNakke ansuroi anggaukangi anjo kammaya, musti matei lanri anjo panggaukanna; kammayatompa sikamma na'bi a'bicaraya lalang arenna rewata-rewata maraenga musti matei.’

PAOLE 18:22

Punna nia' sitau na'bi a'bicara lalang arenNa Batara, mingka tena na'rupa anjo apa napaua, anjo napabattua teai battu ri Batara. Anjo na'bia bicara kalenna napabattu, siagang tena nuparallu malla' mae ri ia.”

1 TESALONIKA 5:24

Allata'ala, Ia le'baka angkio' ngasengko, langgaukangi anjo sikammaya mae ri kau, lanri tena lanreNa mae ri kau ngaseng.

PAPPICINI' 2:2

Kuassengi apa nugaukanga ngaseng: anjama terasakko, siagang teai sipato' sa'bara'nu. Kuassengi angkanaya taerokako assarei pa'mai' tau ja'dalaka. Na anjo sikamma tau nakanaya kalenna tunisuroNa Allata'ala, nasikontutojenna teai, le'ba'mi nuparessa baji'; na nuasseng ngasemmo angkanaya anjo ke'nanga sangnging tau paballe-balle.

1 SAMUEL 3:20

Iaminjo saba'na na sikontu umma' Israel battua ri sikontu anjo pa'rasanganga namangakuimi angkanaya anjo Samuel na'biNa Batara. Kere-kere wattu na'bicara Samuel, sikontu bansa Israel mappilangngeri ngasengi. Tuli Napappicikikang iji KalenNa Batara ri Silo, ri tampa' uru NapappicinikanNa KalenNa mae ri Samuel Na'bicara siagang ia.