PAOLE 18:18 - KITTA' MATANGKASA'

¹⁸ Battu ri bansana tonji ke'nanga laKukiring sitau na'bi sangkammaya ikau mae ri ke'nanga. LaKupaui mae ri ia apa mustia napau, nampa napabattu mae ri anjo bansaya sikontu apa Kuparentakanga.

PAOLE 18:18 ပူးပေါင်းရင်းမြစ်များ

PAMMUJI 110:4

Assumpai Batara a'janji, tena nalaNakaluppai, Nakana, “Ikaumi imang satunggu-tungguna, sanrapang Melkisedek.”

PAMMUJI 2:6

Nakana, “Ri Sion bulu' matangkasakKu le'ba' Kulanti' karaeng nipileKu.”

KALAPPASSANG 4:12

Kamma-kamma anne a'lampamako, iNakke lantulungko a'bicara siagang langngajarakko apa mustia nupau.”

KALAPPASSANG 4:15

A'bicara mako siagang ia, siagang pauammi apa musti lanapau. INakke lantulungko sipa'rua siagang langngajarakko apa musti nupau siagang musti nugaukang.

YESAYA 50:4

Batara Kaminang Tinggia angngajarakka' a'bicara, sollanna akkulle kanangku ampakajarreki tau la'baya pa'mai'na. Tunggala' bari'basa' Napabangungi erokku untu' ampilangngeri ajaranNa mae ri nakke.

YESAYA 51:16

INakke ampaka'rangi langika siagang ampadongkoki dasara'na buttaya. Kukana mae ri Sion: Ikaumi ummakKu; Kupassareangi ajarangKu mae ri kau na Kula'langiko siagang koasaKu.”

YESAYA 51:4

Parhatikangi sa'rangKu, he bansaKu, pilangngeri kana-kanangKu, he ummakKu. Kupassareangi ajarangKu mae ri bansa-bansaya, hukkung-hukkungKu lansingari ke'nanga.

YEREMIA 1:9

Le'baki anjo Napajonjomi limanNa Batara nampa Najama bawaku na Nakana, “Pilangngeri siagang pa'la'bangi anne kana-kana Kupaua.

HOSEA 12:14

Appabattui Batara sitau na'bi untu' angngerangi tu Israel assulu' battu ri tampa' nipare' atana ke'nanga, iamintu butta Mesir, kammayatompa untu' anjagai ke'nanga.

AMOS 2:11

Le'ba'mi Kupilei siapa are battu ri ana'-ana'nu untu' a'jari na'bi, siagang siapa are turungka untu' a'jari tu Pangawasa'. Sai anjo kammaya annabai, he tu Israel? INakke, Batara, anne akkana.

MALEAKHI 3:1

Appiali Batara Kaminang Koasaya, “LaKukiringi battu tunisuroKu untu' ampasadiai oloangKu. NaKuti'ring lania' battu, iNakke Batara nuboyaya, mae ri BallakKu. Labattui anjo suroKu nukanakkukanga na napa'la'bang parjanjiangKu.”

PAMMILANGNGANG 12:13

Jari ammarrammi Musa mae ri Batara, angkana, “O, Allata'ala, kupalaki, sollanna Kipammollei ammotere' battu ri garrinna!”

PAMMILANGNGANG 23:16

Battumi Batara angngagangi assibuntulu' Bileam nampa Napauang apa mustia napau, nampa Nasuro ammotere' mange ri Balak untu' ampabattui anjo pasanNa Batara.

PAMMILANGNGANG 23:5

Nampa Napabattumo Batara mae ri Bileam apa musti napau, siagang Nasuromi ammotere' mange ri Balak untu' ampabattui pasanNa Batara mae ri ia.

LUKAS 24:19

Akkuta'nammi Isa Nakana, “Kajariang apa?” Appialimi ke'nanga angkana, “Anjo apa kajarianga ri KalenNa Isa, battua ri Nazaret. Ia na'bi. Teai sipato' lompona koasaNa, baji' ri kana-kananNa, kammayatompa ri panggaukanNa – baji' ri dallekanNa Allata'ala, kammayatompa ri dallekanna sikamma rupataua.

YOHANES 1:21

Akkuta'nammi pole ke'nanga angkana, “Jari punna kamma, inaiko antu padeng? Ikau kutadeng Elia?” Appialimi Yohanes nakana, “Teai.” Akkuta'nammi pole ke'nanga angkana, “Maka Na'biko kapang?” Appialimi pole Yohanes nakana, “Teai.”

YOHANES 1:25

angkana, “Punna teaiko Karaeng Mappasalamaka, teaiko Elia, teai tongko Na'bi, apa saba'na nuje'ne' tau?”

YOHANES 1:45

Assibuntulu'mi Filipus siagang Natanael, na nakana ri ia, “Ikambe nibuntulu'mi anjo tau le'baka nasero kana Na'bi Musa lalang Kitta' HukkunNa Allata'ala, siagang le'baka nakabarrang na'bi-na'bia. Anjo taua nikanai Isa tu battua ri Nazaret, ana'na Yusuf.”

YOHANES 12:48

Inai-nai ansorongbokoA' siagang tanapilangngeriai kanangKu, nia'mo angngadeli anjo taua. Iaminjo kana-kanangKu Kupabattua langngadeli sallang ri Allo Kiamaka.

YOHANES 15:15

Tenamo naKukio' atako nasaba' se'rea ata tanaassengai apa nagaukanga karaenna. Kukio' sari'battang mako, nasaba' sikontu apa Kulangngereka battu ri Manggea Kupabattui mae ri kau.

YOHANES 17:18

Sangkamma KisuroKu antama' ri lino, kammaminjo naKusuro todong ke'nanga mange ri linoa.

YOHANES 17:8

Le'ba'mi Kupabattu ri ke'nanga kana-kana Kipabattua mae ri Nakke, nanatarimamo ke'nanga. Naassemmi ke'nanga, angkanaya iNakke ma'nassa iKatte Kukabattui, siagang tappa'mi ke'nanga angkanaya iKatte assuroA' battu ri linoa.

YOHANES 4:25

Nakanamo anjo bainea ri Isa, “Kuassengi angkanaya labattui Karaeng Mappasalamaka (nigallaraka Almasi). Punna niaki battu, Iami lampauang ngasengki' sikontu apa-apa tenaya nipahangi.”

YOHANES 8:28

Jari Nakanamo Isa ri ke'nanga, “Punna nipakatinggimi sallang Ana' Ma'rupataua, lanuasseng ngasemmi angkanaya, ‘INakkeminne nikanaya INAKKE NIA'.’ Siagang lanuassemmi angkanaya tena manna sirupa apa Kugaukang lanri ero' KalengKu. Mingka poro apa battuaji bawang ri Manggea Kupangngajarrang.

LAMPA-LAMPANA 3:22

Le'baki Musa angkana, ‘Lania' sitau na'bi Nasuro Allata'ala battu mae ri kau, sangkammaya todong inakke Nasuroa' battu mae ri kau. Anjo na'bia tu battu tonji ri bansanu. Musti nupilangngeri ngasengi sikontu apa napaua anjo na'bia mae ri kau.

LAMPA-LAMPANA 7:37

Ia tomminjo Musa angkanaya ri bansa Israel, ‘LaNasareko Allata'ala sitau na'bi nipilea battu ri tangnga-tangnganu, sangkammaya bateku Napilei.’

PAOLE 18:15

Kabalekanna lakkiringi tau battu ri bansata tonji sitau na'bi kammaya anne inakke battu mae ri kau, siagang musti mannurukiko mae ri ia.

PAOLE 33:5

Ri wattu asse'rena Israel siagang pamimpinna, Batara a'jari Karaeng mae ri umma'Na.”

PAOLE 34:10

Ri Israel tenamo na'bi sangkamma Musa a'bicaraya sidallekang rupa siagang Batara.

PAOLE 5:5

Mingka lanri mallakko ri pepeka siagang tena nubarani angngambi' ri monconga, jari anjo wattua ammentenga' ri alla'nu siagang Batara untu' ampabattui kananNa Batara mae ri kau ngaseng.

1 TIMOTIUS 2:5

Nasaba' se'reji bawang Allata'ala, kammayatompa se're tonji bawang akkullea a'jari tetena rupataua mae ri Allata'ala, iamintu Isa Almasi.

IBRANI 7:22

Lanri iatommi anne na'jarimo Isa panjarreki ri janji la'bi bajikanganga.