PAOLE 17:8 - KITTA' MATANGKASA'

⁸ Punna nia' parkara takkullea nitappuki ri haking-hakinga ri se'reang tampa' lanri sukkara' duduna, ebara'na parkara pammunoang tenaya nikunjungi yareka nikunjungia, parkara pa'barang-barangngang yareka assiloko'-lokoki, musti nuerangi mange ri tampa' ibada Napattantua Karaeng Allata'alanu.

PAOLE 17:8 ပူးပေါင်းရင်းမြစ်များ

2 SAMUEL 15:2

Tunggala' alloi Absalom ambangung bari'basa' nampa ammenteng ri biring aganga ri ampi'na pakke'bu' lompona balla' kakaraenganga. Tunggala' tau eroka ampabattui parkarana mae ri karaenga, nakio' kabusuki siagang nikuta'nangi ri Absalom angkana, “Battu ri suku kemaeko?” Na punna appiali anjo taua angkana, “Battu ri suku anne yareka anjo,”

1 PATTOTTORANG 26:29

Turunganna Yizhar, iamintu Kenanya siagang ana'-ana'na, nisarei tugasa' untu' urusanna sura'-sura' negaraya siagang tugasa'-tugasa' pangadelanna Israel.

KALAPPASSANG 18:15

Appialimi Musa angkana, “Anjo taua ngaseng battui mae ri nakke untu' ampakkuta'nangngangi ero'Na Allata'ala.

KALAPPASSANG 18:26

Nagaukammi tugasa'na ke'nanga salaku haking-haking mae ri bansa Israel. Ia parkara-parkara lompoa naerangi ke'nanga mae ri Musa, mingka passisala-salang ca'dia kalenna tonji ke'nanga alle'bakangi.

KALAPPASSANG 21:20

Inai-nai amba'ji atanna bainea yareka bura'nea sa'genna mate silalonna anjo ataya, musti nihukkungi.

KALAPPASSANG 21:22

Punna nia' siapa are tu bura'ne assiba'ji nampa kalase'renna ri ke'nanga napa'risi se'rea baine sitabanga attianang sa'genna nalari cera', mingka tenaja nakapanrakangi ri bageang maraenga ri kalenna anjo taua musti a'bayaraki doe' passala situru' pappala'na bura'nenna anjo bainea siagang nisitujui ri haking-hakinga.

KALAPPASSANG 21:28

“Punna nia' sikayu sapi laki antanruki taua sa'genna mate, anjo sapia musti nibunoi nisambila batu, nampa dagenna takkulleai nikanre, mingka talanihukkungai patanna sapi.

KALAPPASSANG 22:2

Musti nasambei anjo barang nalukkaka. Punna tena apa-apanna, ia kalenna lanibalukang a'jari ata untu' ansambei anjo barang le'baka nalukka'. Punna sapi anjo barang nalukkaka, yareka keledai, yareka gimbala', nampa nipanggappai anjo taua nattallasa' ija anjo baranga, musti nasambei tassikayua olo'-olo' siagang ruang kayu olo'-olo'. Punna ri wattu bangngina nanijakkala' sitaua palukka' lalang balla', nampa nibuno anjo palukkaka, anjo tau ambunoai tena nasala. Mingka punna allo nakajariang anjo passalaka, anjo tau ambunoai salai.

KALAPPASSANG 22:8

Mingka punna tanigappaya anjo palukkaka, anjo tau nipammolikia musti nierangi mae ri tampa' ibadaya, nampa musti assumpai anjoreng angkanaya teai ia allukkaki anjo barang nibolika ri ia.

YEHEZKIEL 44:24

Punna nia' passisala-salang lanri parkara hukkung, musti napakabajiki ke'nanga situru' hukkung-hukkungKu. Musti napakalompoi ke'nanga allo lompo agamaya, situru' atorang-atorangKu siagang hukkung-hukkungKu, kammayatompa napakalompoi allo Pammari-marianga salaku allo nisa'laka untu' iNakke.

HAGAI 2:11

Nakana, “Appalakko kaputusang battu ri sikamma imanga ri anne passalaka:

MALEAKHI 2:7

Memang kawajibanna sikamma imanga untu' ampangngajarrangi apa tojenga ri passala'na inakke, Karaeng Allata'ala Kaminang Tinggia. Iami ke'nanga musti napakkuta'nangngi ra'yaka apa kukaerokia, lanri anjo ke'nanga tunisuroKu.

PAMMILANGNGANG 35:11

musti nupattantui kota-kota palarianga, sollanna punna nia' tau ambunoi paranna tau natena nakunjungi, akkullei lari mange anjoreng.

PAMMILANGNGANG 35:16

Mingka punna nia' tau ammake bassi tarang yareka kayu untu' ambunoi paranna tau, anjo tau kammaya pabuno tau; salai siagang musti nihukkung matei.

PAOLE 1:17

Takkulleai battala' siali kaputusannu; musti nupasangkamma-kamma ngasengi taua punna nuadeli, manna pole inai teako pasimmara'-maraengi. Teako mallakki manna pole ri nai, nasaba' anjo kaputusang nupattantua iamintu kaputusang battu ri Allata'ala. Punna nia' parkara battala' dudui nusa'ring, erangi mae ri nakke, sollanna inakke antappuki.

PAOLE 12:11

Nampa lammile Karaeng Allata'alanu se're tampa' untu' lanupake anynyomba mae ri Ia. Anjoreng mako musti a'lampa angngerangi sikontu apa kuparentakanga, iamintu koro'bang nitunua siagang sikamma koro'bang maraengannaya, koro'bang bage sampulona panggappannu siagang koro'bang nupa'janjianga mae ri Batara.

PAOLE 12:14

mingka musti anjorengko ri tampa' Napilea Batara. Anjoreng jako bawang musti ampassareangi koro'bang nitunua siagang anggaukangi anne apa kupassuroanga mae ri kau.

PAOLE 12:5

Ri sikontu daerana suku-suku Israel, ammilei Karaeng Allata'alanu se're tampa' sollanna akkulle bansata battu mange ri dallekanNa siagang anynyomba ri Ia.

PAOLE 19:17

anjo tau ruaya musti a'lampai mange ri tampa' ibada Napattantua Batara sollanna niadeli ke'nanga ri sikamma imanga siagang haking tugasaka anjo wattua.

PAOLE 21:5

Sikamma imang tu Lewia musti a'lampa tongi mange anjoreng ri tampaka, lanri musti assarei ke'nanga kaputusang lalang sikamma parkara katerassanga. Nipilei ke'nanga ri Karaeng Allata'alanu untu' ampare' atai kalenna mae ri Batara, siagang ampabattui kana-kana barakkaka lalang arenNa Batara.

PAOLE 25:1

Ebara' angkana nia' rua tu Israel a'lampa mange ri pangadelang untu' angngerang parkara, nampa nia' kalase'renna nikana tena nasala, siagang se'reanga sala.