PAOLE 17:6 - KITTA' MATANGKASA'

⁶ Mingka iapa nakkulle nihukkung mate punna nia' sa'bi rua tau yareka la'bi ri ruaya tau; takkulleai nihukkung taua punna sitauji bawang a'jari sa'bi.

PAOLE 17:6 ပူးပေါင်းရင်းမြစ်များ

PAMMILANGNGANG 35:30

Lalang kara-kara pammunoanga, anjo tau nitudua salaku tau ammuno, iapa nakkulle nikana salai siagang akkulle nihukkung mate punna akkullei nipa'nassa buttina ri rua yareka la'bi tau sa'bi. Punna se'reji sa'bi tanggannakkai untu' a'jari butti angkanaya kammatojengi anjo tuduhanga.

MATIUS 18:16

Mingka punna tena napilangngeriko, akkiokko pole se're yareka rua tau, nu'rurung mange ampauangi pole. Nasaba' nia' tattulisi' lalang ri Kittaka angkanaya, ‘Kaminang kuranna parallui rua yareka tallu tau a'jari sa'bi nampa akkulle se'rea tau nipattantu kasalanna.’

YOHANES 7:51

“Manuru' undang-undanga, takkulleai nihukkung se'rea tau punna tenapa nilangngereki kara-karana siagang punna tenapa nale'ba' niparessa panggaukanna.”

2 KORINTUS 13:1

Iaminne makapintallungku battu angkunjungiko. Nia' tattulisi' lalang ri Kittaka angkanaya, “Punna nia' parkara musti nia' rua yareka tallu tau a'jari sa'bi nampa a'jari assa anjo parkaraya.”

PAOLE 19:15

“Punna sitauji bawang sa'bi tanggannakkapi untu' ampattantui kasalanna se'rea tau nitudu; kaminang kuranna ruapi tau niparalluang untu' a'jari sa'bi ri anjo passalaka.

1 TIMOTIUS 5:19

Teako pilangngeri tuduhanga mae ri pamimping jama'aka, punna tena nangganna' kaminang rawana rua tau a'jari sa'bi.

IBRANI 10:28

Tau tenaya namannuruki ri hukkung napassareanga Musa musti nihukkung matei, punna rua tallumo tau a'jari sa'bi ma'nassana salai.