PAOLE 17:20 - KITTA' MATANGKASA'

²⁰ Punna rajengi ambacai, tenamo nalanakana kalenna la'bi bajikangngangi na julu bansana maraenganga, siagang manna antekamma tenamo nalanadakkai parentaNa Batara. Nampa iami siagang jari-jarina tuli lammarenta ri bansana.”

PAOLE 17:20 ပူးပေါင်းရင်းမြစ်များ

2 SAMUEL 22:23

Sikontu hukkunNa kuparhatikangi, tena kubalang parekangi sikamma parentaNa.

1 KARAENG-KARAENG 11:34

Mingka manna nakamma tena nalaKualle ngaseng sikontu anjo kakaraenganga battu ri ia. LaKulappassangi koasa lalang tallasa'na. Kugaukangi anjo kammaya lanri atangKu Daud, le'baka Kupile, siagang mannurukia ri hukkung-hukkungKu siagang parenta-parentaKu.

1 KARAENG-KARAENG 11:36

Mingka se're suku laKulappassangi ri ia, sollanna tuli nia' sitau battu ri turunganna atangKu Daud ammarenta untu' iNakke ri Yerusalem, kota le'baka Kupile a'jari tampa' passambayangang mae ri Nakke.

1 KARAENG-KARAENG 15:3

Sangkamma manggena, Abiam jai dosa nagaukang. Tena natulusu' majarre' pa'mai'na mae ri Karaeng Allata'alana, tasangkammayai siagang Daud, boe-boena.

1 KARAENG-KARAENG 15:5

Kammaminjo Nagaukang Batara lanri nipakasannangi atinNa ri Daud. Tena nale'ba' Daud ambalang parekangi parenta-parentaNa Batara, pantaranganna ri parkarana Uria, anjo tau battua ri Het.

1 KARAENG-KARAENG 2:3

Gaukangi apa Naparentakanga Karaeng Allata'alanu mae ri kau. Turuki sikontu hukkung-hukkunNa siagang parenta-parentaNa ia tattulisika lalang Kitta' Musa, sollanna manna kemae lampanu la'wasselekko lalang sikontu usahanu.

2 KARAENG-KARAENG 14:10

Ikau Amazia, a'jari tampomako, lanri le'ba'namo nubeta tu Edom. Jari, sai jaimi anjo pammetannu? Bajikangngang boli'mi ri balla' anjo pammetannu! Apa matu-matunnu a'boya pa'bettesang lanri ero'nu bawang ancilakai kalennu siagang ra'ya'nu?”

2 PATTOTTORANG 25:19

Ikau Amazia, lompomi je'ne' bawanu angkanaya le'ba'mi nubeta tu Edom, mingka bajikangngang ammantang mako ri balla'. Apa matu-matunnu a'boya pa'bettesang lanri poro ero'nu bawang ancilakai kalennu siagang ra'ya'nu?”

2 PATTOTTORANG 26:16

Ri wattunna kassa'mo Uzia, a'jari tampomi, siagang iami anjo a'jari saba' naancuru'. Nadakkai parentaNa Karaeng Allata'alana lanri antamaki ri Balla'Na Batara untu' attunu dupa irate ri tampa' pakkoro'bangngang dupaya.

2 PATTOTTORANG 33:12

Lalang nakasia'namo anjo sessaya napakatunami kalenna ri dallekanNa Karaeng Allata'alana, nampa appala' doang appala' pannulung.

2 PATTOTTORANG 33:19

Lalang ri kitta' Pau-pauanna Na'bi-na'bia nia' tongi nicata' pappala' doanna Manasye siagang papialinNa Allata'ala mae ri anjo pappala'na, kammayatompa carita ri passala'na dosa-dosa nagaukanga lalang tenanapa natoba', tampa'-tampa' panynyombang barhala siagang patung-patung Dewi Asyera napareka, siagang barhala-barhala nasombaya.

2 PATTOTTORANG 33:23

Mingka tena nasangkamma manggena anne Amon, lanri tena naero' ampakatunai kalenna siagang taerokai ammotere' mae ri Batara; ba'lalo la'bi lompoangngangi dosana na dosana manggena.

2 PATTOTTORANG 34:27

assesse' lalang mako siagang nupakatunami kalennu ri dallekangKu. Le'ba'mi Kupau angkanaya laKuhukkungi Yerusalem siagang sikontu pandudu'na, mingka ri wattu nulangngere'na anjo kanangKu angngarru' mako siagang nukae-kaemi pakeannu tanra si'nana nyawanu. Kulangngere'mi pappala' doannu,

PAMMUJI 119:102

Tena kubalang parekangi hukkunTa, saba' iKatte angngajarakka'.

PAMMUJI 132:12

Punna tamamminraya ana'-ana'nu mae ri parjanjiangKu, siagang mannuruki ri sikamma parentaKu, jari untu' satunggu-tungguna turunganna ke'nanga lansambeangko a'jari karaeng.”

PAMMUJI 19:11

Lompoangangi anggaranna HukkunNa Batara na bulaeng ti'no', te'neangangi naje'ne' bani tenaya bengkoro'na.

PANGNGEBARANG 10:27

Pakalompoi Batara, nanusallo lattallasa'; tau ja'dalaka mate taria'jala'nai.

PANGNGEBARANG 27:24

lanri kakalumanynyangnganga poro sinampe'ji, ba'lalo koasa untu' ammarenta tena natuli satunggu-tungguna.

KATO'BA 8:13

Kabalekanna, tau ja'dalaka anggappai jai kasukkarrang. Lintaki allalo tallasa'na rapang bayang-bayang. Lamatei ri wattu rungkana lanri tena namannuruki mae ri Batarana.

YESAYA 2:12

Ri anjo alloa laNapakatunai Batara Kaminang Koasaya sikamma tau ampakatinggiai kalenna, na nahukkung tau borroa siagang tau tampoa.

HABAKUK 2:4

Siagang u'rangi: Tau ja'dalaka tena nalalasalama', mingka tau anggaukangai ero'Na Allata'ala lattallasaki lanri majarre'na mae ri Allata'ala.”

2 KORINTUS 12:7

Mingka sollanna tena nakua'jari tampo dudu lanri ri anjo pappicini' lompoa, le'baka kucini', nisarema' sirupa garring antama' ri kalengku. Anjo garringa akkullei napake Billisika. Nisarea' anjo garringa a'jari pa'ba'bala' ri kalengku, sollanna tena nakua'jari tampo.

PAOLE 12:25

Punna nuturuki anjo parentaya, lasannangi pa'mai'Na Batara, siagang ikau kammayatompa jari-jarinu lasalewangangko.

PAOLE 12:28

Parhatikang bajiki sikontu apa le'baka kuparentakang mae ri kau, nampa nugaukang apa bajika siagang Napangngellaia Karaeng Allata'alanu, sa'genna ikau siagang jari-jarinu salamakko siagang salewangangko sa'genna satunggu-tungguna.”

PAOLE 12:32

Gaukang ngasengi sikontu apa kuparentakanga mae ri kau; teako tambai yareka teako kurangngi.

PAOLE 17:11

Tarimami anjo kaputusanna ke'nanga siagang gaukangi apa le'baka napattantu ke'nanga sa'genna ri passala' kaminang ca'dia.

PAOLE 4:2

Anjo apa kuparentakanga, teako tambai yareka teako kurangngi manna sike'de'. Turuki sikamma parentaNa Karaeng Allata'alanu kupassareanga mae ri kau.

PAOLE 5:32

Sikamma sari'battangku, turuki siagang pa'mai' tamamminra sikontu apa Naparentakanga Karaeng Allata'alanu mae ri kau ngaseng. Teako dakkai manna se're sikamma anjo parentaya.

PAOLE 8:2

U'rangi! Patampulo taungko Napimping Karaeng Allata'alanu lalang pa'jappang bella ammalo ri parang lompoa. Erokko Naso'ri Batara ilalang ri anjo pa'jappanga, sollanna akkulle Nacini' apa niaka lalang ri atinnu, siagang apaka lanuturukiji parenta-parentaNa yareka tena.

1 PETRUS 5:5

Kammayatompa ikau sikamma tau rungkaya. Mappilangngeriko mae ri tau toaya. Musti nupakatunai kalennu; siagang musti silayaniko siagang tuna pa'mai'nu. Nasaba' nia' tattulisi' lalang ri Kittaka angkanaya, “Nabaliangi Allata'ala tau tampoa, mingka Nakamaseangi tau tunaya pa'mai'na.”

1 SAMUEL 10:25

Nampa napakasingara' Samuel mae ri anjo bansaya antekamma ha'na siagang kawajibanna karaenga, nampa natulisi' lalang ri se'reang kitta', nampa naboli' ri tampa' matangkasaka. Le'baki anjo nasuromi Samuel anjo sikontu bansaya massing ammotere' mange ri balla'na.

1 SAMUEL 15:23

Nasaba' tamappilangngeria mae ri Batara sangkammai ja'dala'na anggaukanga bale'-bale' mata, siagang nyawa tampoa sangkammai ja'dala'na anynyomabaya ri rewata. Nasaba' kiewami parentaNa Batara, natena tommo Naakuiki' Batara salaku karaeng.”