PAOLE 17:2 - KITTA' MATANGKASA'

² Ebara' angkana nulangngere' kabaraki angkanaya ri kalase'renna kotanu nia' tau doraka lanri nadakkaina parjanjiang

PAOLE 17:2 ပူးပေါင်းရင်းမြစ်များ

2 KARAENG-KARAENG 18:12

Tu'guruki Samaria lanri tena namannuruki tu Israel ri Batara, Allata'alana ke'nanga. Nasassali ke'nanga parjanjiang le'baka Napare' Batara siagang ke'nanga, kammayatompa nadakkai sikontu parenta napabattua atanNa, Musa. Taerokai ke'nanga mappilangngeri siagang taerokai mannuruki.

2 KARAENG-KARAENG 21:3

Tampa'-tampa' panynyombanga mae ri rewataya iamintu le'baka naputta Hizkia manggena, nabangungi ammotere'. Ambangungi tampa'-tampa' pakkoro'bangngang untu' anynyomba mae ri Baal, kammayatompa appareki patung Dewi Asyera, sangkamma todong nagaukang Ahab karaeng Israel. Anynyomba tongi Manasye mae ri bintoeng-bintoenga.

AYUB 31:28

Dosa kammaya anjo siratangi anggappa hukkungang mate; lanri nasassali Allata'ala Kaminang Koasaya.

KALAPPASSANG 22:19

Tau a'gau' bawanga siagang olo'-oloka musti nibunoi.

KALAPPASSANG 22:20

Inai-nai assare koro'bang mae ri rewata-rewata maraenga pantaranganna mae ri Nakke, Batara, musti nihukkung matei.

YEREMIA 31:32

Mingka anjo parjanjianga tena nasangkamma parjanjiang Kupareka siagang boe-boena ke'nanga ri wattunna Kururungang assulu' ke'nanga battu ri Mesir. Manna pole Kurapang bura'nenna ke'nanga, mingka nadakkai ke'nanga parjanjiangKu siagang ke'nanga.

YEHEZKIEL 16:38

LaKuhukkungko lanri passundallang siagang pammunoang le'baka nugaukang. Lalang nassuKu siagang larroKu laKuhukkung mateko.

HOSEA 6:7

Mingka sangkamma Adam, nudakkai janjinnu mae ri Nakke.

HOSEA 8:1

Nakana Batara, “Pasa'rai tanra bahayaya! Niaki musua ambunduki pa'rasangangKu rapang balangkoa' antamberoai apa lanakanrea! UmmakKu nadakkai parjanjiangKu siagang ke'nanga, siagang nabaliangi ajarang-ajarangKu.

KAIMANGNGANG 20:2

ampabattui anne passalaka mae ri bansa Israel angkanaya, “Inai-nai ri kau yareka bansa maraeng niaka ammantang tuli ri alla'nu angkoro'bangkangi ana'na mae ri Rewata Molokh, musti nisambilai batu ri tau jaia sa'genna mate.

KAIMANGNGANG 26:15

punna nudakkai parjanjiang Kupareka siagang ikau kammayatompa taerokako anturuki sikamma apa le'baka Kupattantu siagang parenta-parentaKu,

KAIMANGNGANG 26:25

Lappa'niakKa' pa'bundukang ri tangnga-tangnganu lanri nudakkaina parjanjiangKu siagang ikau. Siagang punna asse'reko ri kotanu untu' a'boya pa'la'langngang, lappabattuA' garring tenaya nakkulle niballei, sa'gennu tarpassa manyara mae ri musunnu.

PAOLE 17:5

anjo tau salaya musti nierangi assulukang ri pantaranna kotaya nampa nisambila batu sa'genna mate.

PAOLE 29:18

Jari, katutui sollanna tena lalo battu ri kau, bura'ne yareka baine, kaluarga yareka suku, ia niaka ammenteng anrinni, ta'giling battu ri Karaeng Allata'alata untu' anynyomba mae ri rewata-rewatana bansa maraenga. Anjo panggaukang kammaya rapangi aka' attimboa battu ri lamung-lamung paika siagang niaka racunna.

PAOLE 29:25

Na pialinna iamintu, ‘Lanri takkaluppana ke'nanga ri parjanjianNa Batara, Allata'alana boe-boena ke'nanga; parjanjiang Napareka siagang ke'nanga ri wattunna nierang ke'nanga assulu' battu ri Mesir.

PAOLE 31:20

LaKuerangi ke'nanga mange ri anjo pa'rasangang kalumanynyanga siagang copponga buttana, sangkamma Kupa'janjianga mae ri boe-boena ke'nanga. Anjorengi ke'nanga lattallasa' siagang sannang siagang anggappai sikamma kanre-kanreang naparalluanga ke'nanga. Mingka kale'bakkanna lata'gilingi ke'nanga nampa anynyomba mae ri rewata-rewata maraenga. LanasorongbokoA' ke'nanga siagang takkaluppai ri parjanjiangKu,

PAOLE 4:23

U'rangi baji'-baji'! Teako takkaluppai ri parjanjiang Napareka Karaeng Allata'alanu siagang ikau ngaseng! Turuki parentaNa; tea' laloko appareki patung manna pole antekammaya tanja'na untu' nusomba,

IBRANI 10:28

Tau tenaya namannuruki ri hukkung napassareanga Musa musti nihukkung matei, punna rua tallumo tau a'jari sa'bi ma'nassana salai.

YOSUA 23:16

Punna nudakkai parjanjiang le'baka Naparentakang Karaeng Allata'alanu mae ri kau sollanna nuturuki, siagang a'lampako anggaukangi ibadaya kammayatompa anynyomba mae ri rewata-rewataya, tena talarroNa Batara, siagang tena taNahukkunnu ngaseng. Lalang wattu sinampe' duduji naNapa'lanynya' ngasengko battu anrinni ri pa'rasangang bajika anne, Napassareanga Batara mae ri kau.”

YOSUA 7:11

A'gau' dosami tu Israel. Le'ba'mi Kuparentakang mae ri ke'nanga sollanna naturuki parjanjiangKu siagang ke'nanga, mingka nadakkaimi ke'nanga anjo parentaKu! Sikamma barang-barang mustia niancuru', naallei ke'nanga. Nalukkaki ke'nanga siagang nacokkoi ri alla'na barang-baranna ke'nanga sollanna tena nakaassengang.

YOSUA 7:15

Nampa anjo tau nijo'joka siagang a'nyatami angkanaya ammoliki barang-barang anjo nipappisangkanga, musti nitunui sa'genna cappu' siagang sikamma kaluargana kammayatompa sikontu barang-barang napatanga; nasaba' iami anjo taua andakkai parjanjianga siagang le'baka anggaukangi kaja'dallang lompoa ri tangnga-tangngana umma' Israel.”

HAKING-HAKING 2:20

Iaminjo saba'na nasanna'mo larroNa Batara mae ri umma' Israel. Angkanami, “Le'ba'mi Kupassuroang ri boe-boena anne ke'nanga sollanna nata'gala' jarre' anjo parjanjiangKu siagang ke'nanga. Mingka natappu'mi anne bansaya passikko'na anjo parjanjianga, nadakkaimi ke'nanga parentaKu.

HAKING-HAKING 6:31

Mingka angkanami Yoas mae ri ke'nanga, “Apaka agang maeko ri Baalka na nuero' angngalle-alleangi? Inai-nai agang mae ri Baal iami lanibuno anne alloa! Punna ma'nassa Allata'ala anjo Baal, lappassammi naia tommo kalenna larro, lanri nibongkara'na tampa' pakkoro'bangnganna.”