PAOLE 17:18 - KITTA' MATANGKASA'

¹⁸ Punna nia' tau nilanti' a'jari karaeng, musti nisarei kitta' niaka lalang nitulisi' hukkung-hukkunNa Allata'ala, ia nipalembaya battu ri kitta' aslia nabolika imang-imang Lewi.

PAOLE 17:18 ပူးပေါင်းရင်းမြစ်များ

1 KARAENG-KARAENG 2:3

Gaukangi apa Naparentakanga Karaeng Allata'alanu mae ri kau. Turuki sikontu hukkung-hukkunNa siagang parenta-parentaNa ia tattulisika lalang Kitta' Musa, sollanna manna kemae lampanu la'wasselekko lalang sikontu usahanu.

2 KARAENG-KARAENG 11:12

Le'baki anjo nierammi Yoas assulu' ri Yoyada, nampa napataba ri ulunna Yoas songko' kakaraenganga, siagang napassareang mae ri ia kitta' HukkunNa Allata'ala. Nilanti'mi Yoas a'jari karaeng, nampa nipa'la'bang anjo passalaka mae ri sikontu ra'yaka. Attempa lima kabusu'mi ke'nanga siagang akkio' rannu angkana, “La'bui umuru'na karaenga!”

2 KARAENG-KARAENG 22:8

Napabattui Safan parentana karaenga ri Hilkia, nampa nacarita Hilkia mae ri Safan angkanaya le'baki nagappa ammotere' kitta' hukkung-hukkunNa Batara ri Balla'Na Batara. Napassareangi Hilkia anjo kittaka mae ri Safan, nampa nabaca Safan.

2 PATTOTTORANG 34:15

Nakanamo Hilkia ri Safan, “Kugappai kitta' HukkunNa Batara, lalang ri Balla'Na Batara,” nampa napassareang anjo Kittaka mae ri Safan.

PAOLE 31:9

Nampa natulisi' Musa hukkunNa Karaeng Allata'ala nampa napassareang mae ri imang-imang Lewi nisarea tugasa' untu' angngurusuki Patti Parjanjianga, siagang mae ri sikamma pamimpinna Israel.

YOSUA 1:8

Anjo kitta' hukkunga musti tuli nubacakangi mae ri ummakKu. Pilajari anjo kittaka allo bangngi, sollanna tuli nugaukang sikontu apa niaka tattulisi' lalang. Punna nugaukang ngaseng sikammaya anjo, lasalewangangko ri tallasa'nu siagang la'jari usahanu.