PAOLE 17:17 - KITTA' MATANGKASA'

¹⁷ Se'rea karaeng takkulleai jai bainenna, sollanna tena naNabokoi Batara. Tena todong nakkulle napa'jari kalumanynyang kalenna siagang pera' siagang bulaeng.

PAOLE 17:17 ပူးပေါင်းရင်းမြစ်များ

PA'JARIANG 2:24

Iaminjo saba'na nanabokoi bura'nea anrong manggena, nampa a'jari se're siagang bainenna, na'jari se'remo anjo ruaya tau.

2 SAMUEL 12:11

Assumpa' angkanaya laKupitujuiko bala, iamintu battua ri kaluarga kalennu. LaKuallei sikamma bainennu ri dallekang matannu siagang Kupassareangi mae ri tau maraenga assikatinroanga siagang ke'nanga ri tangngana alloa.

2 SAMUEL 5:13

Le'ba'namo a'lette' Daud battu ri Hebron mange ri Yerusalem, a'bainemi pole siapa are tubaine siagang angngalle tommi siapa are baine piara; jari pila' katambammi ana'-ana' bura'nena siagang ana'-ana' bainena.

1 KARAENG-KARAENG 10:21

Yangasenna pakkakasa' pangnginunganna Salomo sangnging bulaeng nipare', kammayatompa sikontu pakkakasa' ri Kamara' Romang Libanon, sangnging bulaeng ti'no' todong nipare'. Tena nania' nipare' battu ri pera', nasaba' ri jammanna Salomo tena anggaranna peraka.

1 KARAENG-KARAENG 10:27

Lalang jammang pamarentahanna Salomo, ri Yerusalem anjo peraka sangkammaji barang-barang biasa sangkamma batua. Siagang kayu camara Libanon alla'bi-la'bi jaina sangkamma kayu ara biasaya.

1 PATTOTTORANG 14:3

Ri Yerusalem angngallemi pole siapa are baine na nabaineang, sa'genna anggappamo pole siapa are ana'.

2 PATTOTTORANG 1:15

Ri wattu pamarentahanna Salomo, anjo bulaenga siagang peraka sanrapanji barang biasa ri Yerusalem, sangkamma batu; siagang kayu camaraya ri Libanon teai sipato' jaina sangkamma kayu ara biasaya.

2 PATTOTTORANG 11:21

Nia' 18 bainenna Rehabeam siagang 60 baine piarana, 28 ana' bura'ne siagang 60 ana' baine. Battu ri anjo sikontu bainenna siagang baine piarana, ia kaminang nangaia iamintu Maakha.

NEHEMIA 13:26

Kukana, “Sai iatommi anne dosa kammaya nagaukang Karaeng Salomo? Tena karaeng lompoangngang naia ri anne linoa. Nikamaseangi ri Allata'ala siagang nipa'jari karaeng ri sikontu bansa Israel. Mingka manna nakamma, ninyonyo'mi ri bai'-baine bansa maraeng untu' a'gau' dosa.

PAMMUJI 62:10

Rupataua sanrapanji bawang sipa'maikang nappasa', lompo yareka ca'di para tena anggaranna. Punna nitimbangi, a'nassami angkana ringannaja ke'nanga, la'bi ringangi na sipa'maikanga nappasa'.

PANGNGEBARANG 31:3

Teako pa'laboangi kagassingannu yareka nupela' bawang-bawang kakassakannu mae ri bainea. Jaimi karaeng a'jari panra' lanri baine.

MALEAKHI 2:15

Sai Allata'ala tenaya ruanna ampa'jari se'reko tubu siagang se're nyawa siagang anjo bainea? Apa ero'Na Batara lalang kammaya anjo? Tena maraeng sollannu anggappa ana'-ana' untu' a'jari umma'Na Allata'ala sitojennaya. Jari katutui kalennu, gassingka nia' ri alla'nu tamajarreka mae ri bainenna.

MATIUS 13:22

Naia bine takkioroka ri alla'na ruku'-ruku' akkatintinga, iaminjo pangngebarang mae ri tau allangngerekami anjo kabaraka, mingka ranggasela iji atinna ke'nanga, siagang ero' dudui kalumanynyang lalang ri katallassanna. Lanri kammana, rapang kasepekammi lalang ri atinna ke'nanga anjo Kabara' battua ri Allata'ala, sa'genna takkullea a'rappo.

MATIUS 19:5

Na le'ba'na Napare' Nakanamo, ‘Iaminjo saba'na nanabokoi anrong-manggena bura'-bura'nea namange a'jari se're siagang bainenna, sa'genna a'jari se'remi sipa'rua.’

LUKAS 12:15

Nampa Nakana Isa ri sikamma tau niaka anjoreng, “Tutuko siagang jaga-jagako, gassingka a'jariko tau mangngoa. Nasaba' teai battu ri kakalumanynyanganna nattallasa' rupataua, manna pole sanna' jaina pa'barang-baranganna.”

1 TIMOTIUS 6:17

Sikamma tau kalumanynyanga ri anne linoa, parallui nupakainga' sollanna tena na'jari tampo ke'nanga. Kammayatompa tena namanrannuang mae ri barang-barang latappelaka, kammayami kakalumanynyanganga. Musti manrannuang mangei ke'nanga ri Allata'ala assareaki' alla'bi-la'bi sikontu-kontuna niparalluia, sa'genta a'jari sannang.

1 TIMOTIUS 6:9

Mingka inai-nai ero' a'jari kalumanynyang, nigodami siagang nijarro'mi ri a'rupa-rupa kacinnang dongoka siagang ammanrakia. Iaminjo sikammaya kacinnanna ke'nanga ampa'jari ancuruki siagang ampa'jari cilakai ke'nanga.