PAOLE 17:16 - KITTA' MATANGKASA'

¹⁶ Se'rea karaeng takkulleai ammallaki jai jarang untu' tantarana siagang takkulleai nasuro anne bansaya ammotere' mange ri Mesir untu' ammalli jarang, lanri le'baki Napau Batara angkanaya takkulleai ammotere' umma'Na mange ri anjo pa'rasanganga.

PAOLE 17:16 ပူးပေါင်းရင်းမြစ်များ

2 SAMUEL 8:4

Natahangi Daud nia' 1.700 tau tantara a'jarang siagang 20.000 tau tantara a'jappa bangkeng. Napesoki kabusu'mi sikontu jaranga, pantaranganna siapa are jaina, anggannaka untu' sibilangngang kareta pa'bundukang.

1 KARAENG-KARAENG 1:5

Nasaba' matemi Absalom, jari Adonia, ana' bura'nena Daud makaruaya a'jari kaminang toa. Amma'na niarengi Hagit. Adonia iamintu ana' gammara'. Tale'bakai manggena angkalarroi punna ampanggaukang sala. Adonia ero' dudui a'jari karaeng. Jari napasadiakammi untu' kalenna siapa are jaina kareta pa'bundukang siagang tantara a'jarang kammayatompa limampulo tau untu' pangawala' ri kalenna.

1 KARAENG-KARAENG 4:26

Salomo nia' 12.000 tantarana a'jaranga siagang 40.000 bara jarang untu' sikamma jarang pabeso' kareta-karetana.

1 KARAENG-KARAENG 5:6

Naassemmi Karaeng Allata'ala angkanaya ri tangnga-tangngana ra'yakku tena tau cara'de' anna'bang poko' kayu sangkamma ra'yatta. Lanri kammana anjo, kupalaki ri katte poro akkullei kisuro ra'yatta ampa'na'bangnganga' poko'-poko' camara ri Libanon. Lakusuroji ra'yakku ambantui ke'nanga, siagang manna siapa gaji kipattantua untu' ke'nanga anjo taunta, lakubayaraki.”

2 PATTOTTORANG 1:16

Tete ri padanggang-padanggang ambantuai karaenga, nierangi jaranga battu ri Mesir siagang Kewe,

2 PATTOTTORANG 9:25

Nia' todong napatang Karaeng Salomo 4.000 bara jarang siagang karetana. Jarang bundu'na nia' 12.000 kayu. Nia' sipa'gang naboli' ri Yerusalem, na sipa'gang naboliki ri kota-kota pammolikang kareta-kareta bundu'na.

PAMMUJI 20:7

Anne kamma kuassemmi angkana Batara assarei pammetang mae ri karaeng nipileNa. Nipiali ri Batara battu ri suruga matangkasa'na; lanri koasaNa Batara, nanggappa pammetang lompo.

KALAPPASSANG 13:17

Le'ba'na nalappassang Karaeng Mesir a'lampa bansa Israel, tena nanierangi ke'nanga ri Allata'ala allalo ri oloang allaloa ri pa'rasangang Filistin, manna naia kaminang ambani anjo oloanga. Napikkiriki Allata'ala angkana, “Gassingka assesse' lalanji anne bansaya punna nacini' angkanaya musti a'bunduki ke'nanga, nampa ammotere' mange ri Mesir.”

KALAPPASSANG 13:18

Lanri kammana anjo Naerammi Allata'ala ke'nanga allalo ri oloang akkaluka ri parang lompoa mange ri Tamparang Alara'. Ri wattunna nabokoi Mesir, sikamma tu bura'ne Israel angngerangi sanjata kamma tau la'bunduka.

KALAPPASSANG 14:13

Appialimi Musa angkana, “Teako mallakki! Attahangko! Lanuciniki apa Nagaukanga Batara untu' ampasalamakko. Anjo tu Mesir niaka nucini' kamma-kamma anne, tenamo nalanucini' pole.

YESAYA 2:7

Pa'rasanganna rassi pera' siagang bulaeng, na barang-baranna teai sipato' jaina. Sanna' jaina jaranna, karetana tanila'busai nirekeng napakamma jaina.

YEREMIA 42:19

Nampa kukana pole, “Le'ba'mi Naparentakang Batara sollanna ikau niaka ija tassesa ri Yehuda tena nu'lampa mange ri Mesir. Lanri kammanami anjo nakupakaingakko kamma-kamma anne,

YEHEZKIEL 17:15

Mingka karaeng Yehuda angngewai siagang akkiringi tau mange ri Mesir untu' appala' jarang siagang tantara jai. Maka lania' wassele'na anjo usahana? Maka lanilappassangi ta'lappasa'? Tena olona lanadakkai parjanjianga natena nanihukkungi!

HOSEA 11:5

Mingka taerokai tu Israel ammotere' mae ri Nakke; lanri kammana anjo musti ammotereki ke'nanga mange ri Mesir, siagang bansa Asyur lamparentai ke'nanga.

HOSEA 14:3

Ammotere' mako mae ri Batara, pabattumi anne pappala' doang salaku panynyombannu ri Ia angkana, “O Batara, pammopporangi dosana ikambe, siagang Kitarima laloi anne pappala' doanna ikambe, namammuji ikambe mae ri Katte situru' kana janjinna ikambe.

MIKHA 5:10

Kota-kota niaka pattahanganna ri pa'rasangannu laKuancuruki, siagang sikontu pattahangannu laKuruntungi.

PAOLE 28:68

LaNakiringko ammotere' Batara mange ri Mesir siagang kappala', manna pole nale'ba'mo angkana angkanaya tenamo nulammotere' mange anjoreng. Anjoreng lanubalukangi kalennu a'jari ata mae ri musunnu, mingka manna sitau tania' ero' amballiko.”

1 SAMUEL 8:11

“Kamma anne sallang batena karaenga anggaukang mae ri kau. Lanapassai ana'-ana'nu antama' tantara; sipa'gang ke'nanga a'jari tantara ri karetaya, sipa'gang a'jari tantara a'jarang, na maraengannaya a'jari tantara a'jappa bangkeng.