PAOLE 17:12 - KITTA' MATANGKASA'

¹² Manna inai punna barani angngewai hakinga yareka imang tugasaka, musti nihukkung matei; kammaminjo nanupaccappu'mo kaja'dallang kammaya anjo ri Israel.

PAOLE 17:12 ပူးပေါင်းရင်းမြစ်များ

EZRA 10:8

Inai-nai tena nabattu lalanna tallungalloa, lanialleang ngasengi sikontu barang-baranna siagang tenamo nanibilangi anggota masaraka'. Anjo apa nipa'la'banga nipabattu nitekengi ri sikamma pamimpinna ra'yaka.

PAMMUJI 19:13

Tena akkulle mangngu'rangi ri kalinguanna; o, Batara Kilappassanga' battu ri kasalang taccokkoa.

PANGNGEBARANG 21:11

Hukkunganna tau pacau-caua a'jari pappilajarangi mae ri tau tenaya pangalamanna. Punna nipasaile tau bajika akkala'na, lapila' katambangi kacara'dekanna.

HOSEA 4:4

Nakana Batara, “He sikamma imanga, teako nia' ansalakangi yareka angkalarroi ummakKu, nasaba' ikau ngaseng Kusalakang!

ZAKHARIA 3:7

“Punna mannurukiko ri hukkung-hukkungKu siagang nugakang sikamma tugasa' Kupassareanga mae ri kau, situlusu'nu lakkulle a'jari pamimping ilalang ri Ballakku siagang angngurusuki paranglakkenna. LaKupilangngeri sikamma pappala' doannu, sangkamma Kupilangngerinna pappala' doanna sikamma malaeka' niaka ri ampikKu.

PAMMILANGNGANG 15:30

Mingka punna nia' tu Israel yareka bansa maraeng nakunjungi anggaukangi anjo dosaya, nabawang-bawangngangi Batara. Anjo tau kammaya musti nihukkung matei,

PAMMILANGNGANG 15:31

lanri naewai Batara siagang nakunjungi andakkai parentaNa Batara. Anjo tau kammaya matei lanri kasalanna tonji.

MATIUS 10:14

Punna nia' tau ri se'reang balla' yareka ri se'reang kota taeroka antarimako, yareka taerokai ampilangngeri kana-kanannu, bokoimi anjo tampaka na nube'besang limbu'bu' niaka ri pala' bangkennu.

LUKAS 10:16

Nampa Nakana Isa mae ri ana'-ana' gurunNa, “Inai-nai ampilangngeri kanannu, iNakke mintu napilangngeri. Inai-nai ansorongbokoko, iNakke mintu nasorongboko. Na inai-nai ansorongbokoA', nasorongboko tommi Allata'ala assuroA'.”

YOHANES 12:48

Inai-nai ansorongbokoA' siagang tanapilangngeriai kanangKu, nia'mo angngadeli anjo taua. Iaminjo kana-kanangKu Kupabattua langngadeli sallang ri Allo Kiamaka.

YOHANES 20:23

Punna nupammopporang dosana se'rea tau, nipammopporang tommi ri Allata'ala. Punna tanupammopporanga dosana se'rea tau tena todong nanipammopporangi ri Allata'ala.”

PAOLE 1:43

Kupabattumi anjo kananNa Batara mae ri kau ngaseng, mingka tena nanujampangi. Nutumpaki parentaNa Batara; attampo-tampo mako a'lampa mange ri anjo daera buluka.

PAOLE 10:8

Anjoreng ri monconga Naallemi Batara tu Lewi nampa Nasa'la' untu' angngurusuki Patti Parjanjianga siagang nalayani Batara, kammayatompa ampabattui kana barakkaka lalang arenNa Batara. Iaminjo tugasa'na ke'nanga sa'genna kamma-kamma anne.

PAOLE 13:11

Jari sikontu bansa Israel lanalangngere'mi anjo kabara' pammunoanga siagang a'jari malla'mi, sa'genna manna sitau tenamo barani lappanggaukang kammaya anjo ja'dala'na.

PAOLE 13:6

Punna nia' sari'battannu, yareka ana' bura'nenu yareka ana' bainenu yareka bainennu nukamaseanga, yareka agang baji'nu anynyonyo' cokko-cokkoko untu' anynyomba mae ri rewata-rewata maraeng tenaya nuassengi siagang tenaya naassengi boe-boenu, rewata-rewata battua ri bansa-bansa ambania siagang bellaya ammantang,

PAOLE 17:13

Sikamma taua lanalangngereki anjo kajarianga sa'genna a'jari malla', sa'genna tenamo tau maraeng barani appanggaukang kamma anjo.”

PAOLE 17:7

Anjo rolong sikamma a'jari sa'bia appakkaramula ansambilai batu anjo taua, nampa nipinawang ri sikontu ra'yaka. Kammaminjo caranu ampaccappuki anjo kaja'dallanga.

PAOLE 18:20

Mingka punna nia' sitau na'bi barani appabattu pasang lalang arengKu, nampa teai iNakke ansuroi anggaukangi anjo kammaya, musti matei lanri anjo panggaukanna; kammayatompa sikamma na'bi a'bicaraya lalang arenna rewata-rewata maraenga musti matei.’

PAOLE 18:5

Battu ri sikontu suku Israel, le'ba'mi Napilei Karaeng Allata'ala anjo suku Lewi untu' a'jari imang sa'genna satunggu-tungguna.

PAOLE 18:7

akkullei nalayani Karaeng Allata'alana salaku imang, sangkamma tu Lewi maraenga, ia tugasaka ri anjo tampa' ibadaya.

1 TESALONIKA 4:2

Nasaba' nuassemmi anjo pitunju'-pitunju' le'bakamo kipassareang mae ri kau ngaseng lalang koasaNa Batara Isa.

1 TESALONIKA 4:8

Lanri kammana, inai-nai taeroka antarimai anne pangngajaranga, teai rupataua tanatarimaya, passangalinna Allata'ala ampassareangai Roh matangkasa'Na mae ri kau ngaseng.

1 TIMOTIUS 5:20

Inai-nai a'gau' dosa, musti nipakaingaki ri dallekanna sikontu jama'aka, sollanna a'jari malla' maraengannaya.

YOSUA 1:18

Inai-nai taeroka mannuruki ri kakoasannu, yareka taeroka mannuruki ri parentanu, lanihukkung matei. Paralluko tappa' siagang barani!”

HAKING-HAKING 20:13

Passareangi anjo sikamma tau banna' battua ri Gibea mae ri kambe sollanna napaccappu' ikambe kaja'dallang kammaya anjo ri tangnga-tangngana Israel.” Mingka tanajampangiai tu Benyamin anjo kananna tu Israel maraenganga.

1 SAMUEL 3:13

Le'ba'mi Kupau mae ri ia angkanaya laKuhukkungi kaluargana sa'genna satunggu-tungguna, lanri le'ba'Ma nahina ana'-ana'na. Naassengi Eli dosa-dosana ke'nanga, mingka tena nakalarroi ke'nanga.