PAOLE 16:4 - KITTA' MATANGKASA'

⁴ Lalanna anjo tujua allo, ri sikontu pa'rasangannu tena manna sitau akkulle ammoli' pa'gambang ri balla'na. Dageng olo'-olo' nipolonga ri bangnginna allo makase'rea musti nikanrei sa'genna la'busu' anjo memang bangngia.

PAOLE 16:4 ပူးပေါင်းရင်းမြစ်များ

KALAPPASSANG 12:10

Teako niakki nuboli' manna pole sike'de' anjo dagenga sa'genna bari'basa'; punna nia' sesanna, musti nitunui sa'genna la'busu'.

KALAPPASSANG 12:15

Nakana Batara, “Tuju allo sallona takkulleako angnganre roti ammake pa'gambang. Ri allo makase'rea sikontu pa'gambanga musti nipasuluki battu ri balla'nu, nasaba' punna lalanna anjo tuju alloa nia' sitau angnganre roti ammake pa'gambang, tenamo nakkulle nikana anggota ummakKu.

KALAPPASSANG 12:6

Musti nuboliki sa'genna tanggala' sampulo angngappa'. Anjo alloa, ri karuenna, sikontu umma' Israel musti napolongi anjo ana' gimbalaka.

KALAPPASSANG 12:8

Anjo memang bangngia musti nulanggai dagenna nampa nupasikanre siagang gangang pai' siagang roti tenaya nammake pa'gambang.

KALAPPASSANG 13:7

Lalanna tuju alloa takkulleako angnganre roti ammakea pa'gambang, siagang takkulleai nia' pa'gambang ri sikontu pa'rasangannu yareka manna apa-apa mamo ammakea pa'gambang.

KALAPPASSANG 23:18

Teako assarei roti ammakea pa'gambang ri wattunnu assare koro'bang olo'-olo' mae ri Nakke. Jannana anjo olo'-olo' nikoro'bangkanga mae ri Nakke lalang nigaukanna anjo sikamma passua'-suarranga takkulleai nuboli' sa'genna ammuko bari'basa'.

KALAPPASSANG 34:25

Ri wattunnu assare koro'bang olo'-olo' polongang, teako assarei apa-apa ammakea pa'gambang. Olo'-olo' nipolonga untu' koro'bang ri passua'-suarrang Paska musti nipila'busi memangi anjo bangngia; takkulleai nia' tassesa sa'genna ammuko.

MATIUS 13:33

Nia' pole se're pangngebarang maraeng Nacarita Isa mae ri anjo tau jaia. Nakana, “Punna ammarenta Allata'ala, sanrapangi pa'gambang niallea ri sitau baine, nampa napasileo' siagang patampulo litere' labu'. Sa'genna pila' a'bakka' jaina anjo labuka!”

PAOLE 16:5

Olo'-olo' untu' Allo Lompo Paskaya musti nipolongi ri tampa' ibada le'baka nipattantu, siagang takkulleai ri tampa' maraeng ri sikontu pa'rasangang Napassareanga Batara mae ri kau. Anjo kammaya musti nugaukangi ri wattu labuna alloa, sangkamma ri wattunna nubokoi butta Mesir.