PAOLE 16:3 - KITTA' MATANGKASA'

³ Anjo passare Paskaya musti nupasikanrei siagang roti tenaya nammake pa'gambang. Tuju alloko musti angnganre roti tenaya nammake pa'gambang, sangkamma ri wattu nubokoina butta Mesir siagang akkaro-karo. Kanremi anjo rotia, iamintu roti niarenga roti kasessang, sollanna tuli nuu'ranginna anjo alloa lalang sikontu tallasa'nu, iamintu ri wattunna nubokoi Mesir, tampa' nupammantangngia angkasiaki sessaya.

PAOLE 16:3 ပူးပေါင်းရင်းမြစ်များ

1 KARAENG-KARAENG 22:27

Suroi ke'nanga ampantamaki ri tarungkua, siagang sike'de'mo kanre siagang je'ne' inung sareangi, sa'gengku ammotere' siagang salama'.”

PAMMUJI 102:9

Sila'busu' alloi musua anghina'; napare' pattunrai arengku ri tau larroa mae ri nakke.

PAMMUJI 111:4

Anjo Batara mangngamaseangi siagang manynyayangi, Nagaukang gau'-gau' malompoa, sollanna ikatte tuli niu'rangi.

PAMMUJI 127:2

Tena matu-matunna anjama battalaka a'boya dalle', ambangung bari'basa' siagang attinro lantang bangngi; saba' Napasadiai Batara untu' tau Nakamaseanga, lalang attinrona ke'nanga.

KALAPPASSANG 12:11

Ri wattunnu angnganre musti ammakeang bajikko untu' sadia a'lampa, ammake sandala' siagang takkang ri limannu. Musti akkaro-karoko angnganre. Iaminjo nipakalompona allo Paska untu' ampakalompoA', iNakke anne Bataraya.

KALAPPASSANG 12:17

Anjo alloa laKuerangi sikontu bansanu assulu' battu ri Mesir. Lanri kammana anjo untu' situlusu'na, tunggala' taung, anjo allo kammaya musti nupakalompoi a'jari allo lompo.

KALAPPASSANG 12:39

Attunumi ke'nanga roti tenaya nammake pa'gambang battu ri leokang naeranga ke'nanga battu ri Mesir. Nibongka silalonnami ke'nanga, sa'genna tenamo nasawe appasadia bokong.

KALAPPASSANG 12:8

Anjo memang bangngia musti nulanggai dagenna nampa nupasikanre siagang gangang pai' siagang roti tenaya nammake pa'gambang.

KALAPPASSANG 34:18

Pakalompoi allo Passua'-suarranna Roti Tenaya Nammake Pa'gambang. Kamma le'baka Kuparentakang mae ri kau, musti angnganreko roti tenaya nammake pa'gambang lalang tuju allo sallona lalang ri bulang Abib, lanri lalang iaminjo bulanga nanubokoi butta Mesir.

YESAYA 52:12

Tena nula'lampa karo-karo, siagang tena nusangkamma tau laria. Saba' laNarurungangko Batara; laNajagaiko Allata'alana Israel battu ri tammulilinu.

KAIMANGNGANG 23:6

Ammukona, tanggala' sampulo allima, appakkaramulami Passua'-suarrang Roti Tenaya Nammake Pa'gambang, siagang lalanna tuju alloa takkulleai taua angnganre roti ammakea pa'gambang.

ZAKHARIA 12:10

Nampa jari-jarina Daud siagang pandudu'na Yerusalem laKupa'jari tunangai mangngamaseang pa'mai'na siagang nangai appala' doanga. Lanaciniki ke'nanga anjo tau le'baka nacoka ke'nanga, nampa nakarruki rapang tau angkarruki ana' sitau-tauna matea. Langngarruki ke'nanga pacce pa'mai'na, rapang tau ammoteranga ana' bungasa'na.

PAMMILANGNGANG 28:17

Allo ammukona, tanggala' sampulo allima, appakkaramulami Passua'-suarrang Roti Tenaya Nammake Pa'gambang; na lalang tuju allo, takkulleako angnganre roti ammakea pa'gambang.

PAMMILANGNGANG 9:11

Mingka anjo allo Paskaya musti napakalompoi sibulang ribokoanganna, iamintu ri tanggala' sampulo angngappa' bangngi bulang rua. Pakalompoi anjo alloa siagang angnganre gimbala' Paska nupasiagang roti tenaya nammake pa'gambang kammayatompa gangang pai'.

LUKAS 22:19

Le'baki anjo angngallemi roti Isa. Na le'ba'na appala' sukkuru', Napue-puemi anjo rotia siagang limanNa, nampa Napassareang mae ri ke'nanga, na Nakana, “Iaminne batangkalengKu [nipassareanga untu' ikau ngaseng. Gaukammi anne kammaya, untu' a'jari pangngu'rangi mae ri Nakke.”

1 KORINTUS 5:8

Jari, maeko nanipakalompo anjo passua'-suarranga siagang roti tenaya nammake pa'gambang; iamintu roti a'jaria pangngebarang mae ri apa-apa tenaya callana siagang Nakaerokanga Allata'ala. Teaki' nakipakalompoi anjo passua'-suarrang Paskaya siagang roti niaka pa'gambang sallona, iamintu pa'gambang dosaya siagang kaja'dallanga.

PAOLE 16:2

A'lampako mange ri anjo tampa' ibadaya untu' anynyamballe sikayu gimbala'nu yareka sapinu salaku passare Paska untu' ampakala'biriki Karaeng Allata'alanu.

PAOLE 4:9

Parhatikangi siagang u'rangi baji'-baji', sollanna tena nanukaluppai apa le'baka nucini' kalennu lalang tallasa'nu. Caritai mae ri ana' cucunnu

1 TESALONIKA 1:6

Nucontoimi katallassanna ikambe siagang Batara. Manna teai sipato' pa'risi'na katallassannu, mingka nutarima tonji siagang rannu pa'mai'nu anjo kabara' napabattua ikambe mae ri kau ngaseng. Anjo karannuanga RohNa Allata'ala assareko.

YOSUA 4:7

parallui nupauang ke'nanga angkanaya ammantangi a'lo'loro' je'ne'na Binanga Yordan ri wattunna nierang a'limbang Patti ParjanjianNa Batara ri anjo binangaya. Anjo batu-batua latuli ampiu'rangiangi bansa Israel mae ri apa kajarianga anrinni.”