PAOLE 16:16 - KITTA' MATANGKASA'

¹⁶ Sikontu tu bura'ne Israelka musti battui anynyomba ri Karaeng Allata'alanu ri anjo tampa' ibadaya pintallung lalanna sitaung, iamintu ri Allo Lompo Paskaya, ri Allo Lompo Pakkattoanga siagang ri Allo Lompo Pa'ballakang Leko'-leko' Kayua. Tunggala' taua musti angngerangi passare,

PAOLE 16:16 ပူးပေါင်းရင်းမြစ်များ

1 KARAENG-KARAENG 9:25

Pintallungi sitaung Salomo assare koro'bang nitunu siagang koro'bang pappasiamakkang irate ri tampa' pakkoro'bangngang le'baka napaenteng untu' Batara. Attunu tommi dupa untu' Batara. Kammaminjo napa'le'ba'na Salomo pambangunanna Balla'Na Batara.

2 PATTOTTORANG 8:13

Anjo koro'bang-koro'banga nipassareangi situru' hukkung napassareanga Musa untu' tunggala' allo lompoa, kammayami: allo Pammari-marianga, allo lompo Bulang Beru, siagang tallua allo lompo taung-taung iamintu allo lompo Roti Tenaya Nammake Pa'gambang, allo lompo Pakkattoang, siagang allo lompo Pa'balla'-ballakang Leko'-leko'.

EZRA 3:1

Ri bulang tuju, nia'mi tu Israel massing ammantang ri kota-kotana. Ri tanggala' se're anjo bulanga a'rappungammi ke'nanga ri Yerusalem.

NEHEMIA 8:15

Lanri kammana anjo, ri sikontu kota Yerusalem, ri kota-kotaya, siagang ri desa-desaya, napa'la'bammi ke'nanga anne parentaya angkana, “Massing a'lampa ngasengko nai' ri bulu'-buluka nampa angngalleko tangke-tangke leko' kayu camara, zaitun, poko' minynya'-minynya', palma, siagang poko' maraengannaya, untu' appare' balla'-balla' situru' paratorang niaka lalang ri Kitta' Hukkung.”

PAMMUJI 122:4

Anrinnimi suku-suku bansaya battu, suku-suku bansa Napilea Batara, untu' appala' sukkuru' mae ri Ia situru' parentaNa.

PAMMUJI 84:7

Lalang a'jappana ke'nanga numalo ri Ka'bung Baka, napinrai anjo tampaka a'jari timbuseng je'ne', uru bosia angngerang barakka' alla'bi-la'bi.

PAMMUJI 84:8

Pila' katambang kagassinganna ke'nanga, wattu a'jappana mange ri Sion, mange ri tampa' Allata'alana sikontu rewataya ampappicinikangi kalenna.

PAMMUJI 96:8

Pujimi arenNa mala'birika, siagang angngerangko koro'bang antama' ri Balla'Na.

KALAPPASSANG 34:20

mingka ana' keledai bungasa' lassuka musti nupasuluki siagang sikayu ana' gimbala' nupassareang a'jari sambenna. Punna taerokako ampasuluki, musti nutepoki kallonna anjo keledaia. Sikamma ana' bura'ne bungasaka musti nupasuluki. Tena manna sitau akkulle battu mae ri Nakke punna tena nangngerang passare.

KALAPPASSANG 34:24

Punna le'ba'mo Kubongka sikamma bansa-bansaya battu ri dallekannu siagang Kupakaluara' daeranu, tena manna sitau barani langngallei pa'rasangannu ri wattunnu a'lampa untu' ampakalompoi Allo Lompo Passua'-suarrang Roti Tenaya Nammake Pa'gambang, Allo Lompo Pakkattoang, siagang Allo Lompo Pa'ballakang Leko'-leko' Kayua.

YESAYA 23:18

Passawallang siagang gaji nagappaya talanabolikai, mingka lanapassareangi mae ri Batara. Sikamma tau anynyombaya mae ri Batara lanapakei anjo doeka untu' ammalli care-care siagang kanre naparalluanga ke'nanga.

YESAYA 33:20

Ciniki kota Sion, tampatta ampakalompoi pa'gaukang agamaya. Ciniki Yerusalem! Tamaka amanna anjo tampaka untu' nipammantangi, rapang kema le'baka nipalette', tenamo nalanibi'bu' patto'na siagang tenamo nalatappu' otere'na.

YEHEZKIEL 36:38

Kota-kota ancuruka kamma-kamma anne, larassi bonena sallang sangkamma Yerusalem ri allo-allo passua'-suarrang ri allo allaloa, rassi siagang gimbala' eroka nipassareang. Jari nuassemmi angkanaya iNakke Batara.”

HAGAI 1:9

Manrannuangko wassele' jai, mingka kale'bakkanna sike'de' duduji nugappa; nuerangi ammotere', mingka Kutuiki anjo erang polenu, sa'genna cappu' niri'bakang ri anging. Angngapa naKugaukang anjo kammaya? Saba'na iamintu: Lanri anjo BallakKu ammantanginji kamma tambungang loro, nampa a'gassingang ngasengko massing ambangungi balla' kalennu.

MATIUS 2:11

Antama'mi ke'nanga ri pammantanganna anjo Anaka. Nabuntulu'mi anjo Anaka siagang Maria amma'Na. Su'ju'mi ke'nanga anynyomba ri anjo Anaka. Nampa massing nasungke roko'-roko'na ke'nanga, namassing assare koro'bang, iamintu bulaeng, kamanynyang, siagang mur.

MARKUS 12:3

Mingka najakkala'mi pajamaya anjo palayang nisuroa. Nampa naba'ji ke'nanga siagang nasuro ammotere' natena apa-apa nasareangi.

YOHANES 7:2

Anjo wattua a'birimmi narapi' Allo Lompo Pa'ballakang Leko'-leko Kayua.

PAOLE 16:15

Tuju alloi musti nugaukang anjo passua'-suarranga untu' ampakala'biriki Karaeng Allata'alanu ri tampa' ibada le'baka Natantukang. A'rannu-rannu mako, lanri Nabarakkakina Karaeng Allata'alanu wassele' buttanu siagang jama-jamannu.

PAOLE 16:17

situru' pakkullena, situru' jaina dalle' Napassareanga Karaeng Allata'alanu mae ri ia.”

PAOLE 31:11

musti nubacakangi anne hukkung-hukkunga siagang sa'ra lompo mae ri tu Israel battua anynyomba ri Karaeng Allata'alanu ri tampa' ibada le'baka nipattantu.

1 SAMUEL 1:3

Taung-taungi Elkana a'lampa battu ri Rama mange assambayang ri Silo siagang assare koro'bang mae ri Batara Kaminang Koasaya. Ia a'jari imanNa Batara ri Silo, iamintu Hofni siagang Pinehas, ana'na Eli.

1 SAMUEL 6:3

Appialimi ke'nanga angkana, “Anjo Patti ParjanjianNa Allata'alana Israel, teako poterang bawangngi, mingka musti nipirurungi hadia untu' antangkasi dosa-dosanu. Lalang kammana anjo nulanipakabaji' battu ri garrinnu, siagang lanuassemmi angkanaya apa saba'na natuli Nahukkungko Allata'alana Israel.”