PAOLE 16:15 - KITTA' MATANGKASA'

¹⁵ Tuju alloi musti nugaukang anjo passua'-suarranga untu' ampakala'biriki Karaeng Allata'alanu ri tampa' ibada le'baka Natantukang. A'rannu-rannu mako, lanri Nabarakkakina Karaeng Allata'alanu wassele' buttanu siagang jama-jamannu.

PAOLE 16:15 ပူးပေါင်းရင်းမြစ်များ

NEHEMIA 8:17

Sikontu anjo ra'ya' ammotereka battu ri pa'rasangang pammelakkanga appare' ngasengi anjo balla'-ballaka, nampa ammantang ke'nanga anjoreng. Iaminne uru-uruna nigaukang appakkaramula ri jammanna Yosua ana'na Nun, nasanna' ngasemmo sungguna siagang sannanna nyawana ke'nanga.

ESTER 9:22

Nasaba' ri wattu iaminjo alloa nanabeta musu-musunna ke'nanga, sa'genna anjo si'nana siagang paccena ke'nanga amminrami a'jari karannuang siagang kasungguang. Lanri kammanami anjo namusti napakalompo ke'nanga anjo allo-alloa, iamintu assua'-suara', appare' parjamuang, kammayatompa massing sisarei ke'nanga kanre-kanreang siagang assarei ke'nanga passidakka ri tu kasi-asia.

PAOLE 12:5

Ri sikontu daerana suku-suku Israel, ammilei Karaeng Allata'alanu se're tampa' sollanna akkulle bansata battu mange ri dallekanNa siagang anynyomba ri Ia.

PAOLE 16:10

nampa pakalompoi Allo Lompo Pakkattoanga untu' ampakala'biriki Karaeng Allata'alanu. Ri anjo alloa angngerangko passare ero' kalennu mae ri Ia, situru' jaina dalle' Napassareanga mae ri kau.

PAOLE 16:14

A'rannu-rannu mako siagang ana'-ana'nu, ata-atannu, tu Lewi, tubattu-battua, ana'-ana' kukanga siagang sikamma janda niaka ammantang ri kota-kotanu.

PAOLE 16:16

Sikontu tu bura'ne Israelka musti battui anynyomba ri Karaeng Allata'alanu ri anjo tampa' ibadaya pintallung lalanna sitaung, iamintu ri Allo Lompo Paskaya, ri Allo Lompo Pakkattoanga siagang ri Allo Lompo Pa'ballakang Leko'-leko' Kayua. Tunggala' taua musti angngerangi passare,

PAOLE 30:16

Anne alloa kuparentakangko sollanna nukamaseang Karaeng Allata'alanu, mappilangngeriko ri Ia, kammayatompa gaukangi sikontu hukkung-hukkunNa siagang parentaNa sollana baji' pattallassannu siagang a'jariko bansa lompo. LaNabarakkakiko Karaeng Allata'alanu ri pa'rasangang tenayamo nasallo nanupammantangngi.

PAOLE 7:13

LaNakamaseangko siagang laNabarakkakiko, sa'genna a'jari jai ana'nu na pila' katambang jainu. LaNabarakkaki sikamma kokonnu, sa'genna angngerang wassele' gandung, anggoro' siagang minynya' zaitun. LaNabarakkakiko sa'genna a'jari jai sapinu, bembenu siagang gimbala'nu. Sikontu anjo barakkaka lanutarimai ri pa'rasangang Napassareanga Batara mae ri kau, situru' janjinNa mae ri boe-boenu.