PAOLE 15:15 - KITTA' MATANGKASA'

¹⁵ U'rangi angkanaya ikau ata tonjako riolo ri Mesir nampa nipakabebasakko ri Karaeng Allata'alanu; iaminjo saba'na nakupassareang anne parentaya mae ri kau.

PAOLE 15:15 ပူးပေါင်းရင်းမြစ်များ

2 SAMUEL 7:23

Ri sikontu linoa tena nia' bansa sangkamma Israel. Tena ruanna bansa Israel le'ba' Kilappassang battu ri tunipare' ataya untu' Kipa'jari umma' kalenTa. Sikontu gau' malompoa siagang appakalannasaka Kigaukanga mae ri ke'nanga, ampa'jari masahoroki arenTa ri sikontu linoa. Bansa-bansa maraenga siagang rewata-rewatana le'ba'mi Kibongka ri wattunna maju ummatTa a'bundu'.

KALAPPASSANG 20:2

“INakkemi Karaeng Allata'alanu, angngerangako assulu' battu ri Mesir, tampa'nu nipare' ata.

YESAYA 51:1

Nakana Batara: “PilangngeriA', he ikau ngaseng tau eroka nipasalama' siagang battua mae ri Nakke appala' pannulung. U'rangi angkanaya battu ri moncong batu kemaeko nipa', siagang battu ri pangngekeang batu kemaeko nikeke.

YEREMIA 16:14

Nakana Batara, “Lanarapiki sallang wattunna natenamo nassumpa taua lalang arengKu, Allata'ala mattallasaka, le'baka angngerangi umma' Israel assulu' battu ri Mesir;

EFESUS 1:7

Nasaba', nilappassang maki' ri Allata'ala, lanri kamateanNa Almasi; battuanna le'ba'mi nipammopporang dosa-dosata.

EFESUS 2:12

Anjo wattua tena nusse're siagang Almasi; a'jariko tau maraeng, tenaya nantama' ri umma' Napilea Allata'ala. Tena nuntama' ri janji le'baka Napare' Allata'ala siagang umma'Na. Tena panrannuannu siagang tena Allata'alanu ammantang ri anne linoa.

EFESUS 4:32

Paralluko baji' ati siagang tuna pa'mai' mae ri massing para ikau; kammayatompa massing sipammopporangko, sangkamma todong Napammopporangko Allata'ala tete ri Almasi.

PAOLE 15:14

Sarei siagang lammoro' pa'mai'nu apa Napassareanga Karaeng Allata'alanu mae ri kau, iamintu: gimbala', gandung siagang anggoro'.

PAOLE 15:16

Mingka punna taeroka anjo ataya a'lampa lanri mangngaina mae ri kau siagang mae ri kaluarganu, siagang sannangi ero' ammantang siagang ikau,

PAOLE 16:12

Turuki sikontu parentaNa siagang pa'mai' tamamminranu, siagang teako kaluppai angkanaya ikau riolo ata tonjako ri butta Mesir.”

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

1 YOHANES 3:16

Battu ri kammanami anne naniassemmo antekamma bateta angkamaseangi paranta tau. Le'ba'mi Napassareang katallassanNa Almasi untu' ikatte. Lanri kammana, musti nipassareang tongi katallassanta untu' sikamma paranta tau!