PAOLE 15:11 - KITTA' MATANGKASA'

¹¹ Ri alla'na bansa Israel tuli lania'na siapa are tu kasi-asi siagang kakurangang. Lanri kammana anjo nakuparentakangko sollannu lammoro' pa'mai' mae ri ke'nanga.”

PAOLE 15:11 ပူးပေါင်းရင်းမြစ်များ

KALAPPASSANG 23:11

Mingka ri taung makatujua anjo buttaya musti nuboliki bawang. Lalanna anjo taunga takkulleako angngallei apa attimbo kale-kalea ri kokonnu. Boli'mi kamma anjo nanaalle tu kasi-asia, nampa sesanna untu' olo'-olo' liaraka. Kamma tomminjo nugaukang mae ri koko anggoro'nu siagang poko'-poko' zaitunnu.

PANGNGEBARANG 19:17

Annulung tau kasi-asi sanrapangi assare angnginrang ri Batara; Batara sallang lambalasaki.

PANGNGEBARANG 22:2

Tau kalumanynyanga siagang tu kasi-asia nia' sangkammanna: Batara ngaseng ampa'jari ke'nanga.

PANGNGEBARANG 31:20

Tena nagi'gili' mae ri tau kakuranganga; baji' pa'maiki mae ri parallua nitulung.

YEHEZKIEL 18:7

Tale'bakai annipu yareka angngella'. Barang-barang napappita'gallanga taua mae ri ia tuli napoterangi. Tau cipuruka nasarei kanre na tau tenaya bajunna nasarei baju.

MATIUS 26:11

Ia tau kasi-asia tuli lania'na ri ampi'nu, mingka iNakke tena Kutuli lania' ri ampi'nu.

MATIUS 5:42

Punna nia' tau appala' apa-apa ri kau, sare laloi. Siagang teako pattenangi tau eroka angnginrang apa-apa ri kau punna nia'ja ri kau.”

MARKUS 14:7

Tu kasi-asia tuli nia'na ri tangnga-tangnganu ngaseng. Punna erokko tena masala wattu nakkulle nutulung ke'nanga. Mingka iNakke, tena Kutuli lania' angngagangko.

LUKAS 12:33

Balukammi barang-barannu, nampa nupassareang ballinna mae ri tu kasi-asia. Appare' mako pammoneang doe' tenaya nalatoa, iamintu barang-barang lanibolika ri suruga. Anjo barang-baranga takkulleai tappela', nasaba' takkulleai nilukka' ri palukkaka, siagang takkulleai nipanraki ri kacoaka.

YOHANES 12:8

Tau kasi-asia tuli lania'ji ri tangnga-tangnganu ngaseng, mingka iNakke tena.”

LAMPA-LAMPANA 2:45

Nabalukammi apa-apanna siagang pa'barang-baranganna ke'nanga, nampa nabage-bage ballinna ke'nanga situru' massing kaparalluanna ke'nanga.

PAOLE 15:7

Punna ammantang mako sallang ri pa'rasangang Napassareanga Karaeng Allata'alanu mae ri kau, nampa ri kalase'renna kotanu nia' julu bansanu kakurangang, teako kabajikang kalennu bawang nuparhatikang siagang taerokako ambantui.

PAOLE 15:8

Mingka, musti lammoro' pa'maikko mae ri anjo taua siagang sarei angnginrang siapa-siapa jaina naparalluang.