PAOLE 15:10 - KITTA' MATANGKASA'

¹⁰ Pakasannangi pa'mai'nu na nurella assarei anjo taua, na Nabarakkaki Karaeng Allata'alanu sikontu usahanu.

PAOLE 15:10 ပူးပေါင်းရင်းမြစ်များ

PANGNGEBARANG 22:9

Tau baji' pa'maika nibarakkaki ri Batara, lanri nabagei dalleka siagang tau kakuranganga.

KATO'BA 11:1

Pantamaki doe' modala'nu ri usaha pantarang pa'rasangang. Mattantu anggappako passawallang ri allo ri boko.

YESAYA 32:8

Mingka tau la'birika akkala' baji'na, la'biriki apa-apa narancanakanga siagang la'biri' tongi tindakanna.

YESAYA 58:10

Sarei kanre tau cipuruka siagang tulungi sikamma tau nijallakkanga. Punna nugaukang anjo kammaya, la'jari singara'mi sikamma sassanga ri tammulilinu, rapang singara'na alloa.

MATIUS 25:40

Lappiali Karaenga Nakana, ‘Asseng laloi anne: ri wattu nugaukanna sikammaya anjo mae ri kalase'renna sari'battangKu kaminang tunaya, ilalang kammana minjo nanugaukammo ri Nakke!’

LAMPA-LAMPANA 20:35

Lalang ri kammana anjo, nakusare mako conto, angkanaya paralluki' anjama terasa', sollanna akkulle nitulung tu tenaya pakkullena. Nasaba' parallui niu'rangi apa le'baka Napau Isa, angkanaya, ‘La'bi te'neangangi nikanaya assare naia nikanaya annarima.’ ”

ROMA 12:8

Tau niaka pakkullena untu' ampakajarreki paranna tau, musti napakajarre' tojeng-tojengi paranna tau. Tau niaka pakkullena untu' assarei apa-apanna paranna tau, musti lammoro' pa'maiki, situru' siratannaya assare ri paranna tau. Tau niaka pakkullena untu' ammimping, musti ammimping tojeng-tojengi. Tau niaka pakkullena untu' ampappicinikangi pangngamaseanna mae ri paranna tau, musti napappicinikangi anjo pangngamaseanna situlusu' pa'mai'na mae ri paranna tau.

PAOLE 14:19

Sikamma a'rupa kaluara akka'nyika harangi, jari takkulleai nikanre.

PAOLE 14:29

Anjo kanre-kanreanga untu' tu Lewi, lanri tenana buttana ke'nanga, kammayatompa untu' tubattu-battua, untu' ana'-ana' kukanga, siagang untu' sikamma janda niaka ammantang ri kota-kotanu. Akkullei ke'nanga battu angngallei sikamma apa naparalluanga ke'nanga. Punna nugaukang anjo kammaya, laNabarakkaki Karaeng Allata'alanu sikontu usahanu.”

PAOLE 15:18

Punna nia' ata ero' nupakabebasa', teako lussakki pa'mai'nu, nasaba' annang taummi le'ba' anjama ri kau siagang gaji bageruanna gajina se'rea palayang. Gaukangi anjo parentaya, na Nabarakkaki Karaeng Allata'ala sikontu usahanu.

PAOLE 15:4

LaNabarakkakiko Karaeng Allata'alanu ri pa'rasangang Napassareanga mae ri kau. Jari latena tu kasi-asi ri tangnga-tangngana bansanu,

PAOLE 24:19

Punna nupasse're wassele' kattoannu, teako ammotereki untu' angngallei kawarrang gandunnu ammantanga. Anjo gandunga niboli'mi untu' tubattu-battua, ana'-ana' kukanga siagang sikamma jandaya, sollannu nibarakkaki ri Karaeng Allata'alanu lalang sikontu usahanu.

PAOLE 28:8

LaNabarakkaki Karaeng Allata'alanu usahanu siagang laNabonei sikamma pammolikannu siagang gandung. LaNabarakkakiko ri pa'rasangang Napassareanga mae ri kau.

IBRANI 13:16

Teako takkaluppai a'gau' baji' siagang situlung-tulung, nasaba' iaminne kammaya koro'bang-koro'bang ampakasannangai atinNa Allata'ala.

1 PETRUS 4:11

Inai-nai appabattu biritta, musti napabattui biritta battua ri Allata'ala; inai allayani ri paranna tau, musti allayani situru' kagassingang battua ri Allata'ala; sollanna ilalang yangaseng-ngasenna, akkullemi nipakala'biri' Allata'ala tete ri Isa Almasi. Iami Makoasa siagang siratanga nipakala'biri' sa'genna satunggu-tungguna. Aming.