PAOLE 15:1 - KITTA' MATANGKASA'

¹ “Ri kala'busanna tunggala' taung makatujua musti nugaukangi nikanaya kalappassang pappinrang.

PAOLE 15:1 ပူးပေါင်းရင်းမြစ်များ

NEHEMIA 10:31

Punna nia' bansa maraeng ero' ambalukangi gandunna yareka barang-barang apa mamo mae ri kambe ri allo Pammari-marianga yareka allo nipakatangkasaka maraengannaya, talanaballiai ikambe. Punna narapi' taung-taung makatujua, talanjamayai ikambe ri kokoa siagang talanasingarai pangnginranganna ikambe.

KALAPPASSANG 21:2

Punna ammalliko sitau ata nabansanu tonji, musti napanjamangko annang taung sallona. Ri makatujuna taung, musti nilappassangi anjo taua siagang tena naparallu a'bayara' apa-apa.

YEREMIA 34:14

Kukana, sikontu ata tu Ibrani le'bakamo allayani annang taung sallona, musti nipakabebasaki ri kala'busanna taung makatujua. Mingka taerokai boe-boenu amparhatikangi yareka ampilangngeri anjo apa Kupaua.

PAOLE 15:2

Kammaminne carana. Sikamma tu Israel niaka doe' pappinranna mae ri tau julu bansana, musti nabilang lappasa'mi anjo pappinranna, lanri situru' katantuang KalenNa Batara anjo inranga nibilang lappasa'mi, jari takkulleami nisingara'.

PAOLE 15:9

Teako appareki alasang angkanaya a'reppese'mi taung kalappassanna inranga, sa'genna tena nuero' ansarei angnginrang. Teako lappassangngi anjo pikkirang ja'dala' kammaya antama' ri pikkirannu. Punna tanusarea angnginrang, anjo taua lakkioki mae ri Batara ampabattui anjo passalaka, nampa ikau lanisalakang.

PAOLE 31:10

Naparentakangi mae ri ke'nanga angkana, “Ri kala'busanna tunggala' taung makatujua, lalang taung nipa'jari lappasa'na sikamma inranga ri allo Lompo Pa'ballakkang Leko'-leko' Kayua,