PAOLE 14:3 - KITTA' MATANGKASA'

³ “Teako angnganrei olo'-olo' nipattantua angkana harangi ri Batara.

PAOLE 14:3 ပူးပေါင်းရင်းမြစ်များ

PA'JARIANG 7:2

Erang tongi tuju pasang sikamma jangang-jangang siagang olo'-olo' maraengannaya, ia hallalaka. Naia tenaya nahallala' tassipasammo bawang sirupa. Gaukammi anjo kammaya sollanna nia' tassesa massing tassirupa olo'-olo' tenaya naancuru' nakkulle pole a'bija-bija ri lino.

YESAYA 65:4

Punna bangngi a'lampai ke'nanga mange ri kali'bong-kali'bong batua siagang sikamma kuburuka untu' appala' tangara' mae roh-rohna alusuka. Angnganrei ke'nanga dageng bawi siagang angnginungi je'ne' dageng haranga.

YEHEZKIEL 4:14

Mingka appialia' angkana, “Aduh, Batara Kaminang Tinggia! Battu ri ca'diku sa'genna kamma-kamma anne, tale'bakai kura'massi kalengku siagang kanre battua ri olo'-olo' matea yareka sesanna olo'-olo' sekkeka. Tale'baka' angnganre kanre nikanaya harang.”

KAIMANGNGANG 11:2

untu' bansa Israel. Sikontu olo'-olo' attallasaka ri bontoa ia a'mamaya siagang ampangkaya kanukunna hallalaki siagang akkullei nikanre.

KAIMANGNGANG 11:43

Teako ra'massi kalennu lanri nukanrena olo'-olo' kammaya anjo.

KAIMANGNGANG 20:25

Lanri kammana anjo musti nuasseng bajiki nubatei angkanaya kereanga olo'-olo' haranga siagang tenaya naharang. Teako angnganrei olo'-olo' harang. Anjo olo'-olo' kammaya le'ba'mi Kupattantu angkanaya harangi, jari punna nukanrei ikau kalennu a'jari ra'masa'.

ROMA 14:14

Lanri assileo'na katallassangku siagang Batara Isa, tappa' sikalima' angkanaya sikontutojenna tena apa-apa harang ri passala'na sikontu apa-apa nikanrea; mingka harangi anjo apa-apaya mae ri se'reang tau, punna niharangngangi ri anjo taua.

1 KORINTUS 10:28

Mingka punna nia' angkana mae ri kau, “Anne kanrea le'ba'mi nipassareang mae ri barhalaya,” tea' mako kanrei anjo kanrea, lanri paralluna nuparhatikang kaparalluanna anjo taua, kammayatompa lanri batami lalang nyawanu.

TITUS 1:15

Sikontu apa-apaya tangkasa' ngasengi mae ri tau tangkasaka. Mingka mae ri tau ra'masaka pikkiranna siagang tau tenaya natappa' tena sikali apa-apa matangkasa', nasaba' ra'masa'namo pikkiranna siagang ati mailalanna ke'nanga!