PAOLE 14:29 - KITTA' MATANGKASA'

²⁹ Anjo kanre-kanreanga untu' tu Lewi, lanri tenana buttana ke'nanga, kammayatompa untu' tubattu-battua, untu' ana'-ana' kukanga, siagang untu' sikamma janda niaka ammantang ri kota-kotanu. Akkullei ke'nanga battu angngallei sikamma apa naparalluanga ke'nanga. Punna nugaukang anjo kammaya, laNabarakkaki Karaeng Allata'alanu sikontu usahanu.”

PAOLE 14:29 ပူးပေါင်းရင်းမြစ်များ

PAMMUJI 41:1

Untu' pamimping pakelong. Pammujina Daud.

PAMMUJI 41:2

Mate'nei tau amparhatikangai tau lammaya; lanitulungi ri Batara ri wattu kasukkarrang.

PAMMUJI 94:6

Nabunoi jandaya siagang ana'-ana' kukanga na bansa maraeng ammantanga ri anne pa'rasanganga.

PANGNGEBARANG 11:24

Nia' tau nangai assare, mingka pila' kalumanynyangi, nia' tau gi'giliki, mingka pila' kasi-asi puppusuki.

PANGNGEBARANG 19:17

Annulung tau kasi-asi sanrapangi assare angnginrang ri Batara; Batara sallang lambalasaki.

YESAYA 1:17

appilajara' mako anggaukangi bajika. Paentengi kaadelanga siagang pa'rapusuki tau anjallakkanga; sarei ha'na ana' kukanga siagang alleangangi parkarana sikamma jandaya.”

KAIMANGNGANG 19:34

Pasangkammai batenu appanggaukang mae ri ke'nanga siagang mae ri julu bansanu siagang kamaseangi ke'nanga sangkamma nukamaseanna batangkalennu. U'rangi angkanaya ikau le'ba' tonjako a'jari bansa tubattu-battu ri Mesir. INakke Karaeng Allata'alanu.

PAMMILANGNGANG 18:20

Nakanamo pole Batara mae ri Harun, “Ikau tena nunggappa pambageang warisi' apa-apa. Ri pa'rasangang Kupa'janjianga mae ri kau tena manna sicappi' butta la'jari nupatang. INakke, Batara, a'jari bageang warisi'nu.”

LUKAS 11:41

Anjo bageang lalanganna mangko'nu siagang pirinnu, iaminjo musti nupassareang mae ri tu kasi-asia. Punna kammamo anjo batenu, ma'nassa la'jari tangkasa' ngasemmi ri kalennu.

LUKAS 6:35

Sikontutojenna takammayai anjo! Mingka musti nukamaseangi musunnu, siagang a'gau' bajikko ri ke'nanga. Musti nusarei taua angnginrang, siagang teako attayangi lanipoterangngang. Punna kamma anjo batenu, lompoi pahala lanugappaya, siagang la'jari mako ana'-ana'Na Allata'ala Kaminang Tinggia. Nasaba' baji' pa'maiki Allata'ala mae ri tau tenaya nangngasseng appala' sukkuru', kammayatompa baji' pa'maiki mae ri tau ja'dalaka.

PAOLE 10:9

Lanri kammana minjo natena nanggappa butta suku Lewi sangkamma suku-suku maraenga. Nasaba' Batarami a'jari bageang warisi'na ke'nanga, sangkamma Napaua Karaeng Allata'alanu mae ri ke'nanga.)

PAOLE 12:12

A'rannu-rannuko ri dallekanNa Karaeng Allata'alanu, siagang sikamma ana'-ana'nu, ata-atannu siagang sikamma tu Lewi ammantanga ri kota-kotanu, lanri anjo tu Lewi tena nanggappa pambageang butta ri pa'rasangannu.

PAOLE 14:27

Teako balang parekangi tasilolongang tallasa'na tu Lewi niaka ammantang ri kota-kotanu; u'rangi angkanaya anjo ke'nanga tena butta kalenna.

PAOLE 15:10

Pakasannangi pa'mai'nu na nurella assarei anjo taua, na Nabarakkaki Karaeng Allata'alanu sikontu usahanu.

PAOLE 16:11

A'rannu-rannuko ri dallekanNa Karaeng Allata'alanu, ri anjo tampa' le'baka Napattantu, siagang ngaseng ana'-ana'nu, ata-atannu, kammayatompa tu Lewi, tubattu-battua, ana'-ana' kukanga siagang sikamma janda niaka ammantang ri kota-kotanu.

PAOLE 16:14

A'rannu-rannu mako siagang ana'-ana'nu, ata-atannu, tu Lewi, tubattu-battua, ana'-ana' kukanga siagang sikamma janda niaka ammantang ri kota-kotanu.

PAOLE 23:21

Punna nia' apa-apa nupa'janjiang mae ri Karaeng Allata'alanu, teako pamono'-monoki untu' anrupai anjo janjinnu, lanri tuli Natuntu'na Karaeng Allata'alanu ri kau, siagang dorakako punna tena nanurupai.

PAOLE 28:8

LaNabarakkaki Karaeng Allata'alanu usahanu siagang laNabonei sikamma pammolikannu siagang gandung. LaNabarakkakiko ri pa'rasangang Napassareanga mae ri kau.

PAOLE 6:11

Rassi ngasengi balla'na siagang barang-barang baji', nampa teai ikau ambonei anjo ballaka. Nia' lanugappa siapa jaina bungung, nampa teai ikau angkekei. Langgappako koko-koko anggoro' siagang koko zaitun, nampa teai ikau allamungi. Punna Naerangko Batara mange ri anjo pa'rasanganga, nampa nia' ngaseng kanre-kanreang nukaerokia untu' nukanre,

IBRANI 13:2

Teako battala' pa'maiki antarimai ri balla'nu tau tenayapa nuassengi. Nasaba' lanri nugaukanna anjo kammaya, nale'ba' nia' tau antarimai malaekaka ri balla'na, na tanaassenga angkanaya malaeka' anjo natarimaya.

YAKOBUS 1:27

Tutu situlusu'na siagang sitojennaya ri agamaya situru' paccini'Na Allata'ala, iamintu annulunga ana'-ana' kukang siagang janda-janda kasi-asi, kammayatompa mangngatutui ri kale sollanna tena nanipanraki ri anne linoa.