PAOLE 14:26 - KITTA' MATANGKASA'

²⁶ Balanjai anjo doeka untu' apa-apa nukaerokia, kammaya sapi, bembe yareka gimbala', je'ne' anggoro', yareka inungang terasa', nampa ri anjo tampaka, iamintu ri dallekanNa Karaeng Allata'alanu, ikau siagang kaluarganu musti angnganreko siagang ma'rannu-rannu ngasengko.

PAOLE 14:26 ပူးပေါင်းရင်းမြစ်များ

EZRA 7:22

sa'genna sikamma anne jaina: pera' sa'genna 3.400 kilo battala'na, gandung 10.000 kilo, anggoro' sa'genna 2.000 litere', minynya' zaitun sa'genna 2.000 litere', siagang ce'la sa'genna siapa naparalluanga.

PAMMUJI 106:14

Ri parang lompoa nigodami ke'nanga ri napasuna, na naso'ri Allata'ala.

KATO'BA 9:7

Umba, ningnganremo siagang a'rannu-rannu, inungi anggoro'nu numatte'ne-te'ne pa'mai'. Tena Napappisangkangi Allata'ala, ba'lalo Nakellai.

MATIUS 21:12

Le'baki anjo antama'mi Isa ri Balla'Na Batara. Nabongka ngasemmi sikamma tau niaka anjoreng a'balu'-balu'. Nabulinta' ngasemmi mejang-mejanna pasambe doeka, kammayatompa bangko-bangkona pabalu' jangang-jangang bodobangkenga.

MARKUS 11:15

Battumi ke'nanga mange ri Yerusalem. Na'lampamo pole Isa mange ri Balla'Na Batara. Nabongka ngasemmi tau niaka a'balu'-balu' anjoreng. Nabulintakkang ngasemmi mejang-mejanna pasambe doeka, kammayatompa bangko-bangkona pabalu' jangang-jangang bodobangkenga.

1 KORINTUS 10:6

Yangasemmi anjo a'jari conto mae ri katte, untu' ampakaingakki' sollanna tena nicinna mae ri apa-apa ja'dalaka sangkamma ke'nanga.

PAOLE 12:12

A'rannu-rannuko ri dallekanNa Karaeng Allata'alanu, siagang sikamma ana'-ana'nu, ata-atannu siagang sikamma tu Lewi ammantanga ri kota-kotanu, lanri anjo tu Lewi tena nanggappa pambageang butta ri pa'rasangannu.

PAOLE 12:15

Mingka laluasako ampolongi olo'-olo'nu siagang angkanrei dagenna manna kemaeko ammantang. Akkullei nukanre siapa-siapa jaina Nasareangko Karaeng Allata'alanu. Tunggala' taua, baji' tau tangkasaka kammayatompa tau ra'masaka, akkullei nakanre anjo dagenga, sangkamma akkullenu angnganre dageng kijang yareka dageng jonga.

PAOLE 12:18

Ikau siagang ana'-ana'nu, kammayatompa sikamma ata-atannu, siagang tu Lewi ammantanga ri kotanu, musti nakanrei anjo passarea ri dallekanNa Karaeng Allata'alanu, ri tampa' Napilea Karaeng Allata'alanu. Siagang anjoreng mako ri anjo tampaka musti a'rannu-rannu lanri sikontu wassele' usahanu.

PAOLE 12:7

Anjoreng tommi, ri dallekanNa Karaeng Allata'alanu, ikau ngaseng siagang sikamma kaluarganu musti angnganre siagang a'rannu-rannu lanri nugappana wassele' usahanu lanri nibarakkakinna ri Karaeng Allata'alanu.

PAOLE 14:25

balukangi anjo bageang battua ri wassele' buttanu, nampa nuerang ballinna mange ri tampa' Napilea Karaeng Allata'alanu.

PAOLE 26:11

appala' sukkuru' mako untu' sikontu dalle' le'baka Napassareang Karaeng Allata'alanu mae ri kau siagang kaluarganu. Kioki tu Lewi siagang bansa maraeng ammantanga ri alla'nu untu' amminawang lalang ri anjo passua'-suarranga.