PAOLE 12:7 - KITTA' MATANGKASA'

⁷ Anjoreng tommi, ri dallekanNa Karaeng Allata'alanu, ikau ngaseng siagang sikamma kaluarganu musti angnganre siagang a'rannu-rannu lanri nugappana wassele' usahanu lanri nibarakkakinna ri Karaeng Allata'alanu.

PAOLE 12:7 ပူးပေါင်းရင်းမြစ်များ

1 PATTOTTORANG 29:22

Anjo alloa angnganre angnginummi ke'nanga siagang rannu pa'mai' ri dallekanNa Batara. Nampa untu' makapinruanna nipa'la'bammi nipappiassengang angkanaya Salomo a'jari karaeng. Lalang arenNa Batara, napattantumi ke'nanga angkana Salomo a'jari karaenna ke'nanga siagang Zadok a'jari imang.

NEHEMIA 8:9

Nalangngere'na ke'nanga nibaca anjo Hukkunga, a'jari dinging-dingimmi pa'mai'na ra'yaka allangngereki, nampa angngarru' ke'nanga. Jari nakanamo guburnur Nehemia siagang Imang Ezra kammayatompa sikamma anjo tu Lewi ampakasingarakai anjo Hukkunga ri sikontu anjo ra'yaka, “Anne alloa, allo nipakatangkasa' untu' Karaeng Allata'alanu ngaseng, jari teako si'nai siagang teako angngarruki.

KATO'BA 3:12

Kuassengi angkanaya untu' ikatte, tenamo bajikangngang nikanaya a'rannu-rannu siagang nipikasiakki tallasaka lalang siapa jaina umurutta.

KATO'BA 3:13

Bajikangngangi angnganre ngasengki' siagang angnginung kammayatompa nipikasiakki wassele' jama-jamanta. Anjo passareNa ngaseng Allata'ala.

KATO'BA 5:18

Punna nia' sitau annarima kakalumanynyangngang siagang barang-barang battu ri Allata'ala, nampa nisare ising untu' ampinyamangngi anjo kakalumanynyangnganna, musti appala' sukkuruki siagang nakasia' baji' sikontu wassele' jama-jamanna. Anjo kammaya passareNa tonji bawang Allata'ala.

YESAYA 23:18

Passawallang siagang gaji nagappaya talanabolikai, mingka lanapassareangi mae ri Batara. Sikamma tau anynyombaya mae ri Batara lanapakei anjo doeka untu' ammalli care-care siagang kanre naparalluanga ke'nanga.

YESAYA 62:9

Mingka ikau appasse'rea kattoang, lanukanrei wassele'na numammuji ri Batara; na nualle rappo anggoro'nu, lanuinung je'ne'na lalang ri parang lakkenna BallakKu.”

YEHEZKIEL 44:3

Mingka pamarenta anna'galaka koasa akkullei a'lampa mange ri anjo pakke'bu' lompoa untu' angkanrei kanre matangkasaka ri dallekangKu. Musti antamaki angngolo ri kamara' lompoa siagang punna ammotereki ia todong anjo naolo.”

YO"EL 1:16

Panra'mi kanre-kanreanga ri dallekanta ngaseng ri Balla'Na Allata'alata tenamo sa'ra lompo lanri rannu.

YO"EL 2:26

Lagannakko ri kanre-kanreang siagang labassoroki nusa'ring. Lanupakala'biriki Karaeng Allata'alanu, nasaba' Nagaukangi mae ri kau jai gau' malompo. UmmakKu tenamo nalanicau-cau!

KAIMANGNGANG 23:40

Ri allo makase'rea musti nuallei rappo-rappoang kaminang bajika battu ri kokonnu, kammayatompa leko'-leko' pandanga siagang tangke-tangke battua ri poko' kayu copponga leko'na, nampa nupakaramulai passua'-suarrang karannuanga untu' ampakalompoi Karaeng Allata'alanu.

MALEAKHI 2:13

Siagang anne pole paggaukannu maraenga. Tampa' pakkoro'bangnganNa Batara nupirassi je'ne' mata; angngarrukko siagang appiraungko lanri taerokami Batara antarimai koro'bang-koro'bannu.

LAMPA-LAMPANA 2:46

Allo-allona ke'nanga tuli a'rappungang ri Balla'Na Batara; kammayatompa a'le'ba'-le'basaki ke'nanga assama-sama angnganre ri balla'na. Na rannu pa'mai' siagang tuna pa'mai' ngasengi ke'nanga.

PAOLE 12:12

A'rannu-rannuko ri dallekanNa Karaeng Allata'alanu, siagang sikamma ana'-ana'nu, ata-atannu siagang sikamma tu Lewi ammantanga ri kota-kotanu, lanri anjo tu Lewi tena nanggappa pambageang butta ri pa'rasangannu.

PAOLE 12:18

Ikau siagang ana'-ana'nu, kammayatompa sikamma ata-atannu, siagang tu Lewi ammantanga ri kotanu, musti nakanrei anjo passarea ri dallekanNa Karaeng Allata'alanu, ri tampa' Napilea Karaeng Allata'alanu. Siagang anjoreng mako ri anjo tampaka musti a'rannu-rannu lanri sikontu wassele' usahanu.

PAOLE 12:8

Punna narapi'mo wattua anjo, tea' mako appanggaukang kammai pole anne ri kamma-kammaya anne. Sa'genna kamma-kamma anne nugaukangi ibadanu situru' pangngaina nyawanu,

PAOLE 14:23

Ri dallekanNa Karaeng Allata'alanu, ri tampa' le'baka Napile, untu' tampa' panynyombang musti nukanrei passare bage sampulona gandunnu, je'ne' anggoro'nu, minynya' zaitunnu, kammayatompa ana' sapi, ana' gimbala' siagang ana' bembenu bungasa' lassuka. Gaukangi anjo kammaya sollannu tuli akkulle appilajara' ampakala'biriki Karaeng Allata'alanu satunggu-tungguna.

PAOLE 14:26

Balanjai anjo doeka untu' apa-apa nukaerokia, kammaya sapi, bembe yareka gimbala', je'ne' anggoro', yareka inungang terasa', nampa ri anjo tampaka, iamintu ri dallekanNa Karaeng Allata'alanu, ikau siagang kaluarganu musti angnganreko siagang ma'rannu-rannu ngasengko.

PAOLE 15:20

Tunggala' taung ikau siagang sikontu kaluarganu musti nukanrei dagenna ri dallekanNa Karaeng Allata'ala, ri tampa' ibada Napattantua.

PAOLE 26:11

appala' sukkuru' mako untu' sikontu dalle' le'baka Napassareang Karaeng Allata'alanu mae ri kau siagang kaluarganu. Kioki tu Lewi siagang bansa maraeng ammantanga ri alla'nu untu' amminawang lalang ri anjo passua'-suarranga.

PAOLE 27:7

Passareang tongi koro'bang passiamakkannu siagang kanremi anjoreng kammayatompa a'rannu-rannu mako ri dallekanNa Karaeng Allata'alanu.

PAOLE 28:47

Le'ba' mako nibarakkaki ri Karaeng Allata'alanu lalang ri sikontu passala', mingka tena nuero' ampa'jari atai kalennu mae ri Ia siagang ati matulusu'nu kammayatompa rannu nyawanu.

FILIPI 4:4

Poro tuli rannu ngasengi pa'mai'nu, lanri le'ba'numo asse're siagang Batara. Sikalipi pole kukana: rannu mako!