PAOLE 12:5 - KITTA' MATANGKASA'

⁵ Ri sikontu daerana suku-suku Israel, ammilei Karaeng Allata'alanu se're tampa' sollanna akkulle bansata battu mange ri dallekanNa siagang anynyomba ri Ia.

PAOLE 12:5 ပူးပေါင်းရင်းမြစ်များ

1 KARAENG-KARAENG 14:21

Ri wattunna Rehabeam, ana'na Salomo, a'jari Karaeng Yehuda, umuru'na patampulo asse're taung. Sampuloi antuju taung sallona ammarenta ri Yerusalem. Battu ri sikontu Israel anjo kotaya Napa'jari tangkasa'mi Batara a'jari tampa' passambayangang mae ri Ia. Amma'na Rehabeam iamintu Naama, battu bansa Amon.

1 KARAENG-KARAENG 8:20

Kamma-kamma anne Narupaimi janjinNa Batara. A'jari karaemma' ansambeangi manggeku, siagang le'ba' tomma' ambangung balla' untu' tampa' passambayangngang mae ri Batara, Allata'alana Israel.

1 KARAENG-KARAENG 8:27

Mingka, o Allata'ala, maka attojeng-tojengKi' larella ammantang ri anne buttaya? Manna sikontu langika taganna' luara'na untu' iKatte, la'biangampa naanne balla' kubangunga!

1 KARAENG-KARAENG 8:29

Poro allo bangngi Kila'langngi anne ballaka, le'baka Kipile a'jari tampa' passambayangang mae ri Katte. Poro battu ri pammantanganTa ri suruga Kipilangngeri siagang Kipammopporanga' siagang ummatTa, punna battu ikambe ri anne ballaka untu' appala' doang ri Katte.

2 KARAENG-KARAENG 18:22

Nampa nasambungi bicaranna anjo perwirana tantara Asyur angkana, “Yareka nukana lamanrannuangko mae ri Batara, Allata'alanu? Ri wattunna naparentakang Hizkia sollanna tu Yehuda siagang tu Yerusalem poro ri dallekannaji bawang tampa' pakkoro'bangnganga akkulle anynyomba, sai iatonji anjo tampa' pakkoro'bangnganga siagang tampa'-tampa' panynyombanga ri Batara naancuru'?

1 PATTOTTORANG 22:1

Jari nakanamo Daud, “Anrinnimi ri tampaka musti nibangung Balla' untu' Karaeng Allata'ala. Siagang ri iaminne tampa' pakkoro'bangnganga tu Israel musti assare koro'bang nitunu untu' Batara.”

2 PATTOTTORANG 7:12

Napappicinikammi pole KalenNa Batara mae ri Salomo ri se'reang bangngi. Nakana Batara ri ia, “Kulangngere'mi papala'nu siagang Kutarimami anne Ballaka a'jari tampa' matangkasa' untu' assare koro'bang mae ri KalengKu.

EZRA 3:2

Nampa Yesua ana'na Yozadak siagang sikamma agang-aganna sikamma imanga, Zerubabel ana'na Sealtiel siagang sikamma bija pammanakanna, nabangummi ammotere' tampa' pakkoro'bangnganga untu' Allata'alana tu Israel. Lanri kammana akkullemi ke'nanga attunu koro'bang irateanna, situru' sikamma pitunju' niaka tattulisi' lalang ri kitta' hukkunna Musa, atanNa Allata'ala.

EZRA 6:12

Poro Allata'ala, Ia le'baka ampilei Yerusalem a'jari tampa' untu' manynyomba ri Ia, ampossoki sikamma karaeng yareka bansa barania andakkai anne parentaya na nacoba angngancuruki anjo Balla'Na Batara ri Yerusalem. Inakke, Darius amparentakangi anne. Gaukangi siagang baji'.”

EZRA 7:17

Pakemi siagang baji' anjo doeka untu' ammalli sapi laki, gimbala' laki, ana' gimbala', gandung, siagang anggoro'. Passareang ngasemmi anjo irate ri tampa' pakkoro'bangnganga ri Balla'Na Batara ri Yerusalem.

NEHEMIA 1:9

Mingka punna ammotereki pole ikambe mae ri Katte siagang mannuruki ri parentaTa, ikambe le'baka tassa'la'-sa'la' laKipa'rappungi ammotere', manna pole niaki ikambe ri cappa'-cappa'na linoa. Nampa laKipoterang ikambe mange ri tampa' le'baka Kipile untu' a'jari tampa' panynyombang mae ri Katte.

PAMMUJI 78:68

Mingka Napilei suku Yehuda, siagang Bulu' Sion Nangaia.

KALAPPASSANG 15:2

Batara angngalleia', Ia makkassa'; Iami ampasalamakka'. Ia Allata'alaku, erokka' mammuji mae ri Ia, Allata'alana boe-boeku, kupakkelongangi kala'biranNa.

KALAPPASSANG 20:24

Apparekko untu' iNakke se're tampa' pakkoro'bangngang battu ri butta, nampa assare mako anjoreng gimbala' siagang sapi untu' koro'bang tunuang siagang koro'bang untu' passiamakkang. Ri tunggala' tampa' Kupattantua mae ri kau untu' a'jari tampa' ibadanu mae ri Nakke, labattuA' mae ri kau siagang laKubarakkakiko.

KALAPPASSANG 25:22

AnjorengA' ri tampaka lasibuntulu' siagang ikau; siagang battu rate ri pattongko'na, ri alla'na anjo ruaya malaeka' akka'nyi', laKusareko hukkung-hukkungKu untu' bansa Israel.”

YEREMIA 26:2

Nakanamo Batara ri nakke, “A'lampako mange ammenteng ri paranglakkeng luara'na BallakKu nampa a'bicara mako mae ri pandudu'na Yehuda battua anynyomba anjoreng. Pabattui mae ri ke'nanga sikontu apa Kuparentakanga mae ri kau untu' nupabattu mae ri ke'nanga. Teako kurangngi manna sike'de'.

YEREMIA 7:12

A'lampako mange ri Silo, iamintu kota le'baka riolo Kupile a'jari tampa' panynyombang mae ri Nakke. Ciniki apa le'baka Kugaukang mae ri anjo tampaka lanri dosana ummakKu Israel.

YEREMIA 7:14

Jari, anne BallakKu nupattoanga, siagang anne tampa' Kupassareanga mae ri boe-boenu siagang mae ri kau, laKupakamma tongi kota Silo riolo.

PAMMILANGNGANG 7:89

Sampang antamaki Musa ri KemaNa Batara untu' a'bicara siagang Batara, nalangngere'mi sa'ranNa Batara a'bicara mae ri ia battu rate ri pa'rangka'na Patti Parjanjianga ri alla'na anjo ruaya patung malaeka' akka'nyi'.

PAOLE 12:11

Nampa lammile Karaeng Allata'alanu se're tampa' untu' lanupake anynyomba mae ri Ia. Anjoreng mako musti a'lampa angngerangi sikontu apa kuparentakanga, iamintu koro'bang nitunua siagang sikamma koro'bang maraengannaya, koro'bang bage sampulona panggappannu siagang koro'bang nupa'janjianga mae ri Batara.

PAOLE 12:13

Takkulleako ampassareangi koro'bannu ri tampa' nupilea kalennu situru' pangngainnu,

PAOLE 12:18

Ikau siagang ana'-ana'nu, kammayatompa sikamma ata-atannu, siagang tu Lewi ammantanga ri kotanu, musti nakanrei anjo passarea ri dallekanNa Karaeng Allata'alanu, ri tampa' Napilea Karaeng Allata'alanu. Siagang anjoreng mako ri anjo tampaka musti a'rannu-rannu lanri sikontu wassele' usahanu.

PAOLE 12:4

Ri wattunnu anynyomba mae ri Karaeng Allata'alanu, teako palembai carana sikamma anjo taua anynyomba ri rewata-rewatana ke'nanga.

PAOLE 14:23

Ri dallekanNa Karaeng Allata'alanu, ri tampa' le'baka Napile, untu' tampa' panynyombang musti nukanrei passare bage sampulona gandunnu, je'ne' anggoro'nu, minynya' zaitunnu, kammayatompa ana' sapi, ana' gimbala' siagang ana' bembenu bungasa' lassuka. Gaukangi anjo kammaya sollannu tuli akkulle appilajara' ampakala'biriki Karaeng Allata'alanu satunggu-tungguna.

PAOLE 14:24

Punna anjo tampa' Napilea Karaeng Allata'alanu bella dudui battu ri balla'nu, sa'genna takkullea nuerang mange anjoreng bage sampulona wassele' buttanu Napassareanga Karaeng Allata'alanu mae ri kau,

PAOLE 15:20

Tunggala' taung ikau siagang sikontu kaluarganu musti nukanrei dagenna ri dallekanNa Karaeng Allata'ala, ri tampa' ibada Napattantua.

PAOLE 16:11

A'rannu-rannuko ri dallekanNa Karaeng Allata'alanu, ri anjo tampa' le'baka Napattantu, siagang ngaseng ana'-ana'nu, ata-atannu, kammayatompa tu Lewi, tubattu-battua, ana'-ana' kukanga siagang sikamma janda niaka ammantang ri kota-kotanu.

PAOLE 16:15

Tuju alloi musti nugaukang anjo passua'-suarranga untu' ampakala'biriki Karaeng Allata'alanu ri tampa' ibada le'baka Natantukang. A'rannu-rannu mako, lanri Nabarakkakina Karaeng Allata'alanu wassele' buttanu siagang jama-jamannu.

PAOLE 16:2

A'lampako mange ri anjo tampa' ibadaya untu' anynyamballe sikayu gimbala'nu yareka sapinu salaku passare Paska untu' ampakala'biriki Karaeng Allata'alanu.

PAOLE 16:7

Pallui anjo dagenga, siagang kanrei ri tampa' ibadaya, nampa ammoterekko mae ri balla'nu ammukona bari'basa'.

PAOLE 17:8

Punna nia' parkara takkullea nitappuki ri haking-hakinga ri se'reang tampa' lanri sukkara' duduna, ebara'na parkara pammunoang tenaya nikunjungi yareka nikunjungia, parkara pa'barang-barangngang yareka assiloko'-lokoki, musti nuerangi mange ri tampa' ibada Napattantua Karaeng Allata'alanu.

PAOLE 18:6

Punna nia' tu Lewi battu ri kalase'renna kotaya ri Israel battu mange ri tampa' ibada le'baka Napattantu Batara nampa ero' ammantang ri anjo tampaka,

PAOLE 26:2

musti massing nupantamaki bageang uru-uru panggappannu battu ri pakkattoanga ri se'reang baku', nampa nuerang mange ri tampa' ibada le'baka nitantukang.

PAOLE 31:11

musti nubacakangi anne hukkung-hukkunga siagang sa'ra lompo mae ri tu Israel battua anynyomba ri Karaeng Allata'alanu ri tampa' ibada le'baka nipattantu.

KOLOSE 2:9

Nasaba' sikontu batangkalenNa Allata'ala nia'mi lalang ri KalenNa Almasi, iamintu lalang ri ma'rupataua.

IBRANI 12:22

Mingka ikau, battu mako ri Bulu' Sion siagang kotaNa Allata'ala assarea katallassang, iamintu kota Yerusalem niaka ri suruga siagang assa'bu-sa'bu malaeka'na.

YOSUA 18:1

Le'baki nabeta tu Israel anjo pa'rasangang Napa'janjianga Batara, asse'remi ke'nanga ri Silo, nampa nabangung ke'nanga Kema KahaderanNa Batara.

YOSUA 22:11

Nalangngere'mi tu Israel maraenga akkana julu bansana, “Le'ba'mi suku Ruben, Gad, siagang Manasye bageang irayaya ambangung se're tampa' pakkoro'bangngang ri Gelilot ri ampi'na Binanga Yordan lalang daerata.” Jari asse'remi ke'nanga ri Silo, ero' ambunduki suku-suku Israel ammantanga ri bageang rayanganna anjo Binanga Yordan.

YOSUA 9:27

Mingka napa'jari atami anjo ke'nanga, iamintu a'jari pabisa' kayu siagang papisang je'ne' mae ri tu Israel siagang untu' tampa' pakkoro'bangnganNa Batara. Sa'genna kamma-kamma anne tuli nagaukanna ke'nanga anjo jama-jamang kammaya ri tampa' le'baka Napile Batara a'jari tampa' ibada mae ri Ia.

PAPPICINI' 14:1

Nampa kuciniki, nakucini'mo anjo Ana' Gimbalaka ammenteng rate ri Bulu' Sion. Nia' Naagang tau 144.000 jaina, niaka ngaseng ri tompo' kanynyinna ke'nanga tattulisi' arenNa siagang arenNa ManggeNa.