PAOLE 12:32 - KITTA' MATANGKASA'

³² Gaukang ngasengi sikontu apa kuparentakanga mae ri kau; teako tambai yareka teako kurangngi.

PAOLE 12:32 ပူးပေါင်းရင်းမြစ်များ

2 KARAENG-KARAENG 17:37

Tuli mannurukiko ri hukkung-hukkungKu siagang parenta-parenta le'baka Kutulisi' untu' ikau. Teako anynyombai mae ri rewata-rewata maraenga,

PANGNGEBARANG 30:6

Punna nutambai apa napaua, lanapasaileko siagang lanapa'nyatai angkana ikau paballe-balleko.”

YEHEZKIEL 44:5

siagang Nakanamo Batara ri nakke, “He tau, parhatikangi baji'-baji' apa nucinika siagang nulangngereka. LaKupauangko sikamma paratoranna siagang hukkunna ri passala'na anne BallakKu. Cataki baji'-baji' inai-nai nipa'biang antama ri BallakKu siagang inai-nai takkullea.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

PAOLE 13:18

assala' nuturuki sikamma parentaNa kupabattua mae ri kau anne alloa, siagang nugaukang sikontu apa Nakaerokia.”

PAOLE 19:9

musti ammileko pole tallu kota palariang. (Anjo pa'rasanganga nipassareangi mae ri kau punna nugaukangi sikontu apa-apa kuparentakanga mae ri kau anne alloa, siagang punna mangngamaseangko mae ri Karaeng Allata'alanu kammayatompa mannurukiko ri pangngajara'na lalang tallasa'nu.)

PAOLE 4:2

Anjo apa kuparentakanga, teako tambai yareka teako kurangngi manna sike'de'. Turuki sikamma parentaNa Karaeng Allata'alanu kupassareanga mae ri kau.

YOSUA 1:7

Iaji bawang, paralluko tappa' tojeng-tojeng siagang barani. Musti nujagai sollanna tuli nuturuki sikontu hukkung napassareanga anjo atangKu Musa mae ri kau; teako kaluppai manna sike'de', sollanna a'jari usahanu.