PAOLE 12:30 - KITTA' MATANGKASA'

³⁰ Punna le'baki niancuru' anjo bansa-bansaya, tutu laloko, gassingka nuturuki ke'nanga anynyomba ri rewata-rewata maraenga, nasaba' anjo panggaukang kammaya angngerangi bala.

PAOLE 12:30 ပူးပေါင်းရင်းမြစ်များ

2 KARAENG-KARAENG 16:10

Ri wattunna a'lampa Karaeng Ahas mange ri Damsyik untu' ambuntuli karaeng Tiglat-Pileser, nia' nacini' tampa' pakkoro'bangngang anjoreng. Nampa nakiring contona anjo tampa' pakkoro'bangnganga mange ri Imang Uria ri Yerusalem, siagang sikontu ukkurang-ukkuranna.

2 KARAENG-KARAENG 17:15

Taerokai tu Israel siagang tu Yehuda anturuki parenta-parentaNa Batara siagang tena namajarre' ri parjanjiang le'baka napare' siagang boe-boena ke'nanga. Tena najampangi sikamma pappakainga'Na, passangalinna anynyombai ke'nanga mae ri barhala-barhala tenaya matu-matunna, sa'genna manna kalenna ke'nanga tena tommo matu-matunna. Naturuki ke'nanga panggaukanna bansa-bansa niaka ri ampi'na ke'nanga, manna pole nale'ba'mo nipisangkai ke'nanga ri Batara.

KALAPPASSANG 23:24

Teako anynyombai ri sikamma patung-patung pa'la'langanna ke'nanga siagang teako palembai carana ke'nanga anggaukangi ibadana. Ancuru' ngasengi anjo sikamma patung-patung pa'la'langanna ke'nanga, siagang tepoki sikamma benteng-bentenna batu napakea ke'nanga untu' anggaukangi ibadana.

YEREMIA 10:2

Nakana, “Teako turuki kabiasanna bansa-bansa maraenga, siagang teako mallakki anciniki sikamma pammateia irate ri langika, nakamallakkang anjo bansa-bansaya.

YEHEZKIEL 11:12

Na nuassemmo angkanaya iNakke Batara siagang Kuhukkungko lanri le'ba'na nudakkai paratorang-paratorangKu siagang nubalang parekangi parenta-parentaKu lanri nuturukinna hukkung-hukkung bansa maraenga ri tammulilinu.”

YEHEZKIEL 20:28

Kuerangi ke'nanga mange ri butta le'baka Kupa'janjiang mae ri ke'nanga. Ri wattunna nacini' ke'nanga bulu'-bulu' tinggia siagang poko'-poko' kayu copponga leko'na, assaremi ke'nanga koro'bang anjoreng ri sikamma anjo tampaka. NapakanassuA' ke'nanga lanri assarena ke'nanga koro'bang-koro'bang nitunu siagang anggoro'.

YEHEZKIEL 20:32

Erokko ampasangkammai bansa-bansa maraenga siagang pandudu'na pa'rasangang-pa'rasangang maraenga anynyomba poko' kayu siagang batu. Mingka anjo ero'nu tena nala'rupa.’ ”

KAIMANGNGANG 18:3

Tea' laloko turuki panggaukanna bansa Mesirka, iamintu pammantangannu le'ba'ka, yareka tau niaka ri Kanaan iamintu tampa' lanumangeia Kupimping kamma-kamma anne.

KAIMANGNGANG 18:30

Jari Nakanamo Batara, “Turuki parenta-parenta Kupassareanga siagang teako palembai panggaukanna sikamma tau ammantanga ri Kanaan rioloangngannu. Teako ra'massi kalennu lanri nugaukanna anjo panggaukang-panggaukang kammaya. INakkemi Karaeng Allata'alanu.”

PAMMILANGNGANG 33:52

musti nubongkai sikontu pandudu'na anjo pa'rasanganga. Ancuru' ngasengi sikontu barhalana ke'nanga battua ri batu siagang bassi-bassiang kammayatompa tampa'-tampa' ibadana ke'nanga.

ROMA 12:2

Teako amminawangngi ri atorang-atoranna anne linoa. Boli'mi kamma na Allata'ala ampa'jari berui sipa'-sipa' niaka ri kalennu, sollannu akkulle tappinra. Lanri kammanapi anjo nampa akkulle nuasseng apa Nakaerokanga Allata'ala – iamintu apa nikanaya baji', siagang sukkuka ganna'na, kammayatompa nikarannuanga ri atinNa Allata'ala.

EFESUS 4:17

Lanri kammana, nasaba' arenNa Batara, iaminne lakupaua siagang lakupattantua: tea' mako attallasa' sangkammai pole tau tenayapa natappa' ri Allata'ala, siagang tau tenaya nannaba-naba pikkiranna.

PAOLE 11:16

Teako erokki nipakabella battu ri Batara untu' anynyomba siagang ampare' atai kalennu mae ri rewata-rewata maraenga.

PAOLE 12:29

“Laniancuruki ri Karaeng Allata'alanu sikamma bansa niaka ammantang ri anjo pa'rasanganga, sa'gennu akkulle ampantamakki siagang ampammantangngi.

PAOLE 12:31

Tea' laloko palembai carana anjo bansa-bansaya anynyomba ri rewata-rewatana ke'nanga untu' anynyomba ri Karaeng Allata'alanu, nasaba' anjo ke'nanga punna anynyombai nagaukangi apa-apa pallaka siagang Nakabirisia Batara. Ba'lalo manna ana'na ke'nanga natunui ke'nanga irate ri tampa' pakkoro'bangnganga salaku koro'bang untu' rewata-rewatana ke'nanga.

PAOLE 18:9

“Punna antama' mako ri pa'rasangang Napassareanga Karaeng Allata'alanu mae ri kau, teako palembai panggaukang-panggaukang ja'dala'na bansa-bansa niaka anjoreng.

PAOLE 20:18

Bunoi ke'nanga, sollanna tena napa'jariko ke'nanga doraka mae ri Karaeng Allata'alanu lanri naajara'nu anggaukangi panggaukang-panggaukang appakaringi'-ringika untu' rewata-rewatana ke'nanga.

PAOLE 7:16

Sikamma bansa Napassareanga Karaeng Allata'alanu ri kakoasannu musti nuancuruki; teako kamaseangngi ke'nanga. Teako anynyombai ri rewata-rewatana ke'nanga, lanri anjo panggaukang kammaya napangngerangangko bala.