PAOLE 12:21 - KITTA' MATANGKASA'

²¹ Punna bella dudu battu ri tampa'nu anjo tampa' Napilea Karaeng Allata'alanu, akkulleko ammolong sapi sikayu, yareka gimbala', yareka bembe Napassareanga Batara mae ri kau, siagang nukanre dagenna ri tampa'nu sipangngaina nyawanu, sangkamma le'baka kupau mae ri kau.

PAOLE 12:21 ပူးပေါင်းရင်းမြစ်များ

1 KARAENG-KARAENG 14:21

Ri wattunna Rehabeam, ana'na Salomo, a'jari Karaeng Yehuda, umuru'na patampulo asse're taung. Sampuloi antuju taung sallona ammarenta ri Yerusalem. Battu ri sikontu Israel anjo kotaya Napa'jari tangkasa'mi Batara a'jari tampa' passambayangang mae ri Ia. Amma'na Rehabeam iamintu Naama, battu bansa Amon.

2 PATTOTTORANG 12:13

Anjorengi ri Yerusalem Rehabeam ammarenta, siagang pila' lompoi kakoasanna. Wattuna a'jari karaeng 41 taung umuru'na, siagang 17 taung sallona ammarenta ri Yerusalem, iamintu kota Napilea Batara battu ri alla'na sikontu daera Israel untu' a'jari tampa' panynyombang mae ri KalenNa. Amma'na Rehabeam iamintu Naama battua ri pa'rasangang Amon.

EZRA 6:12

Poro Allata'ala, Ia le'baka ampilei Yerusalem a'jari tampa' untu' manynyomba ri Ia, ampossoki sikamma karaeng yareka bansa barania andakkai anne parentaya na nacoba angngancuruki anjo Balla'Na Batara ri Yerusalem. Inakke, Darius amparentakangi anne. Gaukangi siagang baji'.”

KALAPPASSANG 20:24

Apparekko untu' iNakke se're tampa' pakkoro'bangngang battu ri butta, nampa assare mako anjoreng gimbala' siagang sapi untu' koro'bang tunuang siagang koro'bang untu' passiamakkang. Ri tunggala' tampa' Kupattantua mae ri kau untu' a'jari tampa' ibadanu mae ri Nakke, labattuA' mae ri kau siagang laKubarakkakiko.

PAOLE 12:11

Nampa lammile Karaeng Allata'alanu se're tampa' untu' lanupake anynyomba mae ri Ia. Anjoreng mako musti a'lampa angngerangi sikontu apa kuparentakanga, iamintu koro'bang nitunua siagang sikamma koro'bang maraengannaya, koro'bang bage sampulona panggappannu siagang koro'bang nupa'janjianga mae ri Batara.

PAOLE 12:15

Mingka laluasako ampolongi olo'-olo'nu siagang angkanrei dagenna manna kemaeko ammantang. Akkullei nukanre siapa-siapa jaina Nasareangko Karaeng Allata'alanu. Tunggala' taua, baji' tau tangkasaka kammayatompa tau ra'masaka, akkullei nakanre anjo dagenga, sangkamma akkullenu angnganre dageng kijang yareka dageng jonga.

PAOLE 12:20

Punna le'ba'mo Napakaluara' Karaeng Allata'alanu pa'baeng-baenna pa'rasangannu sangkamma Napa'janjianga, akkulle mako angnganre dageng sipangngaina nyawanu.

PAOLE 12:22

Tunggala' taua, baji' tau tangkasaka kammayatompa tau ra'masaka, akkullei nakanre anjo dagenga, sangkamma akkullena nukanre dageng jongaya yareka dageng kijanga.

PAOLE 12:5

Ri sikontu daerana suku-suku Israel, ammilei Karaeng Allata'alanu se're tampa' sollanna akkulle bansata battu mange ri dallekanNa siagang anynyomba ri Ia.

PAOLE 16:11

A'rannu-rannuko ri dallekanNa Karaeng Allata'alanu, ri anjo tampa' le'baka Napattantu, siagang ngaseng ana'-ana'nu, ata-atannu, kammayatompa tu Lewi, tubattu-battua, ana'-ana' kukanga siagang sikamma janda niaka ammantang ri kota-kotanu.

PAOLE 26:2

musti massing nupantamaki bageang uru-uru panggappannu battu ri pakkattoanga ri se'reang baku', nampa nuerang mange ri tampa' ibada le'baka nitantukang.