PAOLE 12:20 - KITTA' MATANGKASA'

²⁰ Punna le'ba'mo Napakaluara' Karaeng Allata'alanu pa'baeng-baenna pa'rasangannu sangkamma Napa'janjianga, akkulle mako angnganre dageng sipangngaina nyawanu.

PAOLE 12:20 ပူးပေါင်းရင်းမြစ်များ

PA'JARIANG 28:14

Turungannu lasangkammai limbu'buka ri lino jaina. Lanapakaluaraki daerana ke'nanga mange ri kere-kere mae. Siagang tete ri kau siagang turungannu nalaKubarakkaki sikontu bansaya ri lino.

PA'JARIANG 31:30

Kuassengi angkanaya a'lampako lanri ero' duduko ammotere'. Mingka angngapa nulukkaki patung pajaga kaluargaku?”

2 SAMUEL 13:39

mingka ri tenanamo nasi'na nyawana Daud, sanna'mi nakku'na mae ri Absalom.

2 SAMUEL 23:15

Nakkuki nasa'ring Daud mae ri anjo pa'rasanganna; nakanamo, “Ka'de' nia' kulleanna nakunisare je'ne' inung battu ri bungung niaka ri ampi'na pakke'bu' lompona Betlehem!”

1 PATTOTTORANG 4:10

Mingka appala' doangi Yabes mae ri Allata'ala nisombaya ri tu Israel, angkana, “O Allata'ala, Kibarakkakia', naKitambai luara'na daera kuparentaya. La'langia' siagang Kipakabella' battu ri balaya, sollanna tena nakusessa.” Na niturukiang pappala'na ri Allata'ala.

PAMMUJI 107:9

Saba' Napassaui turerena tau turerea, napila'bi-la'bi tau cipuruka siagang sikontu apa bajika.

PAMMUJI 119:174

Nakkuki pa'maikku mae ri kasalamakkang battua ri Katte, hukkunTa ampakarannui pa'maikku.

PAMMUJI 119:20

Pa'risiki pa'maikku napakamma nakku', sikontuna wattu erokka' angngassengi hukkunTa.

PAMMUJI 119:40

Kisarea' katallassang beru, saba' iKatte adelekKi', inakke cinna' mannuruki ri sikamma kaputusanTa.

PAMMUJI 63:1

Pammujina Daud, ri wattunna nia' ri parang lompona Yehuda.

PAMMUJI 84:2

Tamaka appakasannanna tampa' pammantanganTa, o, Allata'ala Kaminang Koasaya!

KALAPPASSANG 23:31

Sikamma pa'baeng-baenna pa'rasangannu laKupattantui battu ri Tamparang Akaba sa'genna mae ri Binanga Efrat, kammayatompa battu ri Tamparang Tangngaya sa'genna mae ri parang lompoa. LaKusareko koasa mae ri pandudu'na anjo pa'rasanganga, sa'genna akkulle nubongka ke'nanga ri wattunnu maju untu' angngallei anjo buttaya.

KALAPPASSANG 34:24

Punna le'ba'mo Kubongka sikamma bansa-bansaya battu ri dallekannu siagang Kupakaluara' daeranu, tena manna sitau barani langngallei pa'rasangannu ri wattunnu a'lampa untu' ampakalompoi Allo Lompo Passua'-suarrang Roti Tenaya Nammake Pa'gambang, Allo Lompo Pakkattoang, siagang Allo Lompo Pa'ballakang Leko'-leko' Kayua.

PAMMILANGNGANG 11:20

mingka sibulangi lanukanre turus, sa'gennu a'jari garring siagang ta'langnge-langnge napakamma. Kammaminjo kajarianna lanri nutolla'na Batara niaka ri tangnga-tangnganu. Kammayatompa lanri angngarru'nu siagang akkunrarennu ri dallekanNa angkanaya nubokoimi Mesir.”

PAMMILANGNGANG 11:34

Jari niaremmi anjo tampaka “Jera' Kabalalang”, lanri anjoremmi nitarawang sikamma tau matea napakamma balala.

PAMMILANGNGANG 11:4

Lalang pa'jappanna anjo tu Israel nia' todong bansa maraeng amminawang. Ero' dudui anjo ke'nanga angnganre dageng, nampa appakkaramula tommo tu Israel akkunrareng. Nakanamo ke'nanga, “Ah, coba nania' mamo dageng untu' nikanre-kanre!

2 KORINTUS 9:14

Na lanapappala' doangangko siagang pa'mai' mangngarimangngi mae ri kau, lanri sanna' baji'Na Allata'ala mae ri kau.

PAOLE 11:24

Sikontu daera naonjoka bangkennu la'jari nupatangi. Ia daeranu iamintu battu ri parang lompo bageang timboro' sa'genna mange ri Moncong Libanon bageang wara', kammayatompa battu ri Binanga Efrat ri bageang iraya sa'genna mange ri Tamparang Tangngaya ri bageang ilau'.

PAOLE 12:15

Mingka laluasako ampolongi olo'-olo'nu siagang angkanrei dagenna manna kemaeko ammantang. Akkullei nukanre siapa-siapa jaina Nasareangko Karaeng Allata'alanu. Tunggala' taua, baji' tau tangkasaka kammayatompa tau ra'masaka, akkullei nakanre anjo dagenga, sangkamma akkullenu angnganre dageng kijang yareka dageng jonga.

PAOLE 12:21

Punna bella dudu battu ri tampa'nu anjo tampa' Napilea Karaeng Allata'alanu, akkulleko ammolong sapi sikayu, yareka gimbala', yareka bembe Napassareanga Batara mae ri kau, siagang nukanre dagenna ri tampa'nu sipangngaina nyawanu, sangkamma le'baka kupau mae ri kau.

PAOLE 19:8

Punna le'ba'mi Napakaluara' Karaeng Allata'alanu daeranu, sangkamma Napa'janjianga mae ri boe-boenu, siagang le'ba'mi nipassareang anjo sikontu pa'rasanganga mae ri kau,

FILIPI 1:8

Naassengi Allata'ala angkanaya teai sipato' nakkukku mae ri kau ngaseng; nakkuka' lanri pangngamaseang majarre' battua ri KalenNa Isa Almasi.

FILIPI 2:26

Sanna' nakku'na mae ri kau ngaseng; siagang sanna' lussa'na lanri nugappana kabara'na angkana garringi anrinni.