PAOLE 12:10 - KITTA' MATANGKASA'

¹⁰ Punna le'ba' mako a'limbang ri Binanga Yordan, laNatulungko Karaeng Allata'alanu untu' ampantamakki siagang ampammantangngi anjo butta niaka ri ba'leanna anjo binangaya. LaNajagaiko battu ri sikontu musua, siagang laamangko siagang salewangangko lalang tallasa'nu.

PAOLE 12:10 ပူးပေါင်းရင်းမြစ်များ

1 KARAENG-KARAENG 8:56

“Nipujimi Batara ia assareai kaamangngang umma'Na sangkamma le'baka Napa'janjiang tete ri Musa atanNa. Sikontu apa-apa baji' le'baka Napa'janjiang le'ba'mi Narupai.

1 PATTOTTORANG 22:18

Nakana, “Le'ba' mako Natulung Karaeng Allata'alanu, siagang Nasareko kasiamakkang kammayatompa kasannangngang ri sikontu pa'rasangang. Nasarema' pakkulle untu' ambetai sikontu bansa niaka riolo ammantang ri anne pa'rasanganga. Kamma-kamma anne tundu'mi ke'nanga ri kau siagang mae ri Batara.

PAMMUJI 4:8

Kipa'jari la'bi rannu pa'maikku natau la'bi jaia kattoanna.

KALAPPASSANG 33:14

Nakanamo Batara, “LaKujagaiko sollanna akkulle nupatang butta le'baka Kupa'janjiang.”

PANGNGEBARANG 1:33

Mingka tau mappilangngeria ri nakke laniparakai. Laamangi lalang tallasa'na siagang tena naparallu malla'.”

YEREMIA 23:6

Punna ammarentai, lasalamaki tu Yehuda, siagang tu Israel lattallasaki siagang amang. Anjo karaenga lanigallaraki ‘Batara Kasalamakkanta’.

YEREMIA 32:37

LaKupasse'rei anne bansaya battu ri sikontu pa'rasangang tampa'na ke'nanga Kupasisa'la'-sa'la' lanri larroKu siagang lussakKu mae ri ke'nanga. LaKuerangi ke'nanga ammotere' mae anrinni siagang Kukellai ammantang anrinni siagang amang.

YEREMIA 33:11

Mingka anjoreng ri tampaka lania' pole kalangngerang sa'ra karannuang siagang kalompoang pa'mai' kammayatompa sa'ra passua'-suarrang pa'gaukang pa'buntingang. Lania' todong kalangngerang kelong-kelong tau angngerang koro'bang kasukkurang mange ri BallakKu. Lanakana ke'nanga, ‘Appala' sukkurukko mae ri Batara Kaminang Koasaya, lanri Ia bajiki siagang pangngamaseanNa sa'genna satunggu-tungguna.’ Anne pa'rasanganga laKupa'jari kalumanynyangi sangkamma riolo. INakke, Batara, anne akkana.”

YEHEZKIEL 28:26

Lattallasaki ke'nanga siagang amang anjoreng, siagang ambangung balla' siagang appareki koko-koko anggoro'. LaKuhukkungi sikamma bansa singngampi'na ke'nanga le'baka anghinai ke'nanga sa'genna a'jari amang Israel. Na naassemmi ke'nanga angkanaya iNakke Batara.”

YEHEZKIEL 34:25

LapparekKa' parjanjiang siagang ke'nanga, ampattantui kaamangnganna ke'nanga. LaKubongkai sikontu olo'-olo' sekkeka battu ri sikontu pa'rasanganga, sa'genna akkulle sikamma gimbalakKu ammantang siagang amang ri sikamma paranga siagang attinro ri romanga.

YEHEZKIEL 34:28

Tenamo nalaniella' ke'nanga ri bansa-bansa tenaya natappa' ri Nakke, yareka nikokko' ri olo'-olo' sekke'. Lattallasa' salewangangi ke'nanga, siagang tenamo manna sitau lampakamallaki ke'nanga.

YEHEZKIEL 38:11

Lanupattantui untu' ambunduki anjo pa'rasangang tenaya pattahanganna, pandudu' attallasaka siagang amang na sannang ri kota-kota tenaya nammake tembo' siagang tenaya nammake pattahangngang.

YEHEZKIEL 38:8

Tena siapa taung sallona naKusuro maju ambunduki se'reang pa'rasangang siagang pandudu' le'baka nipa'rappung ammotere' battu ri alla'na bansa-bansaya nampa ammantang ri anjo pa'rasanganga siagang amang. Lanaempoi Gog daera monconna Israel, iamintu salloamo sino siagang a'jari loro, mingka kamma-kamma anne nipammantangngimi ri ra'ya' amanga katallassanna.

PAOLE 11:31

Tassalloami nanu'limbang ri Binanga Yordan siagang nupammantangngi butta Napassareanga Karaeng Allata'alanu mae ri kau. Punna le'baki nualle anjo buttaya siagang punna ammantang mako anjoreng,

PAOLE 3:27

A'lampa mako mange ri Moncong Pisga siagang accini' mako wara' siagang timboro', anrai' siagang kalau'. Parhatikangi baji'-baji' anjo apa nucinika, nasaba' ikau tena nalanulimbang Binanga Yordan.

PAOLE 33:12

Ri sesena suku Benyamin nakana: “Iaminne suku Nakarimangngia Batara. Nala'langngi allo bangngi; ammantangi Batara ri tangnga-tangngana ke'nanga.”

PAOLE 33:28

Jari-jarina Yakub laamangi tallasa'na, salewangang ri pa'rasangang ga'gaya alla'bi gandunga siagang je'ne' anggoroka allung battu ri langi' ambasai buttaya.

PAOLE 4:22

Tasalloami nula'limbang siagang nupammantangngi anjo butta copponga; mingka inakke tena kumminawang, nasaba' lamatea' anrinni.

PAOLE 9:1

“Pilangngeri sikamma sari'battangku ngaseng! Anne alloa a'limbangko untu' ampantamakki daerana bansa-bansa la'bi lompoanganga siagang la'bi kassakkangnganga naikau. Kota-kotana ke'nanga lompo-lompo ngasengi, siagang tinggi tembo' pattahanganna sanrapang tinggina langika.

YOSUA 11:23

Sikontu anjo pa'rasanganga naallei Yosua situru' parentaNa Batara mae ri Musa, nampa nipassareang mae ri bansa Israel untu' napatang ke'nanga. Nibage-bagei anjo pa'rasanganga, na massing-massing sukua anggappai tasse're bageang. Ammarimi bansa Israel a'bundu' siagang amammi nasalewang pa'rasanganna.

YOSUA 14:1

Iaminne carita ri passala'na antekamma batena nibage-bage pa'rasangang Kanaan niaka ri laukanna Binanga Yordan mae ri umma' Israel. Ambage-bageai anjo buttaya mae ri umma' Israel iamintu Imang Eleazar, Yosua ana'na Nun, siagang kapala-kapala kaluarga niaka lalang ri suku-suku bansa Israel.

YOSUA 4:12

Situru' siagang apa naparentakanga Musa, nipariolomi a'limbang tantarana suku Ruben, Gad siagang bageruanna suku Manasye.

1 SAMUEL 7:12

Le'baki anjo appaentemmi Samuel se're batu, ri pa'baeng-baenna Mizpa siagang Sen. Nakanamo, “Natulung maki' Batara siganna'na.” Nampa naareng anjo batua “Batu Pannulungang”.