PAOLE 11:4 - KITTA' MATANGKASA'

⁴ Nuciniki antekamma bateNa Batara angngancuruki tantarana tu Mesir siagang sikontu jaranna siagang kareta bundu'na ke'nanga. Nitallangngang ngasengi ke'nanga ri Tamparang Alara' ri wattunna naondangko ke'nanga.

PAOLE 11:4 ပူးပေါင်းရင်းမြစ်များ

PAMMUJI 106:11

Mingka je'neka natallangngangi balinna ke'nanga; manna sitau tania' ammantang.

KALAPPASSANG 15:19

Ri wattunna a'limbang ri tamparanga tu Israel, a'jappai ke'nanga ri dapara' kalotoro'na tamparanga. Mingka sikamma karetana tu Mesir siagang jaranna kammayatompa tuma'baena, ri wattunna antama' ngaseng ke'nanga ri je'neka, Napa'lo'loro'mi Batara ammotere' anjo je'neka assialle ammotere' sa'genna tallang ngaseng ke'nanga.

KALAPPASSANG 15:4

Tantara Mesir siagang sikontu karetana nipasambilai antama' ri tamparang. Perwira-perwira tantarana kaminang gammaraka tallangi naung ri Tamparang Alara'.

PAOLE 1:40

Mingka ikau ngaseng, ammotere' mako mange ri parang lompoa ammalo ri agang mangea ri biring Tamparanna Akaba.’

PAOLE 11:5

Nuassengi apa Nagaukanga Batara untu' ikau ri parang lompoa ri wattu tenanapa nubattu mae anrinni.

PAOLE 2:1

Kale'bakkanna ammotere' maki' mange ri parang lompoa ammalo ri oloang mangea ri biring Tamparang Akaba, situru' Naparentakanga Batara. Salloki' alla'bang mange-mange ri daera monconna Edom.

IBRANI 11:29

Lanri tappa'na, nakkullemo tu Israelka a'limbang ri Tamparang Ejaya, sangkamma le'ba' angkana irateji ri butta kalotoroka a'jappa ke'nanga. Naia tu Mesirka nia'lu'mi ri anjo tamparanga, ri wattunna nacoba todong ke'nanga a'limbang.