PAOLE 11:3 - KITTA' MATANGKASA'

³ siagang sikamma gau' appakalannasa' le'baka Nagaukang. Kalennu anciniki apa Nagaukanga mae ri karaeng Mesir siagang sikontu pa'rasanganna.

PAOLE 11:3 ပူးပေါင်းရင်းမြစ်များ

PAMMUJI 135:9

Anjoreng Nagaukangi jai gau' appakalannasa' siagang tanra untu' anghukkungi karaenga siagang sikontu pagawena.

KALAPPASSANG 7:8

Nakana Batara mae ri Musa siagang Harun,

PAOLE 1:30

Karaeng Allata'alanu lampimpingko siagang labarjuang untu' ikau sangkamma le'baka nucini' Nagaukang ri Mesir,

PAOLE 11:4

Nuciniki antekamma bateNa Batara angngancuruki tantarana tu Mesir siagang sikontu jaranna siagang kareta bundu'na ke'nanga. Nitallangngang ngasengi ke'nanga ri Tamparang Alara' ri wattunna naondangko ke'nanga.

PAOLE 4:34

Le'bakika nia' rewata barani angngalle se'reang bansa battu ri bansa-bansaya nampa napa'jari ke'nanga umma' kalenna, sangkamma Nagaukanga Karaeng Allata'alanu untu' ikau ri Mesir? Kalennu anciniki antekamma bateNa Allata'ala appabattu kagassingang lompo, angngeranga bala siagang pa'bundukang, anggaukangai gau'-gau' appakalannasaka siagang apa-apa hebaka.

PAOLE 7:19

U'rangi sikamma bala lompo nucinika kalennu, gau'-gau' appakalannasa', siagang kakoasang lompo Napakea Karaeng Allata'alanu untu' allappassangko. Kamma tomminjo laNagaukanga Karaeng Allata'alanu mae ri sikontu bansa nukamallakkanga.