PAOLE 11:19 - KITTA' MATANGKASA'

¹⁹ Pangngajarrangi mae ri ana'-ana'nu. Bicarakangi lalang ri balla'nu siagang ri pantaranganna balla'nu, wattunnu ammari-mari siagang ri wattunnu anjama.

PAOLE 11:19 ပူးပေါင်းရင်းမြစ်များ

AYUB 8:10

Pilangngeri kana-kananna tau cara'deka riolo, nasareko anne pappilajaranga, angkanaya,

PAMMUJI 34:11

Cipuru' tommi singa-singaya lanri kakurangang ri kanre; mingka tau anynyombaya ri Batara tena nakakurangang.

PAMMUJI 78:4

Taerokai ikambe anrahasiakangi mae ri ana'-ana'na ikambe; eroki ikambe angkabarrangi mae ri ana'-ana' ri bokoa ri passala' koasaNa Batara siagang bate pare' malompoNa, sikamma gau'-gau' appakalannasa'Na.

PANGNGEBARANG 2:1

Ana', tarima laloi ajarang-ajarangku, siagang tuli u'rangi laloi sikamma pappakaingakku mae ri kau.

PANGNGEBARANG 22:6

Ajaraki se'rea ana' antekamma batena siratang attallasa', na sa'genna toa tuli lakammana batena attallasa'.

YESAYA 38:19

Tuttallasa' bawang akkulle mammuji ri Katte, kamma kugaukanga anne alloa. Tutoa ancaritai ri ana'na ri tamaka tamamminraTa, o Batara.

EFESUS 6:4

Ikau ngaseng a'jari manggea! Teako pakanassu-nassui pa'mai'na ana'nu. Mingka pakalompoi pa'mai'na siagang ajara' bajiki ke'nanga situru' pangngajaranNa Batara.

PAOLE 32:46

nakanamo Musa, “Katutui sollannu mannuruki ri sikontu parenta kupassareanga mae ri kau anne alloa. Pangngajarrangi mae ri ana'-ana'nu, sollanna akkulle mannuruki ke'nanga ri sikontu hukkunNa Batara siagang pa'mai' tamamminra.

PAOLE 6:7

Pangngajarrangi mae ri ana'-ana'nu. Parallui nucaritakang ilalang ri balla'nu siagang ri pantarang balla'nu, wattunnu ammari-mari siagang ri wattunnu anjama.