PAOLE 11:13 - KITTA' MATANGKASA'

¹³ Jari turuki lalomi parenta-parenta kupabattua mae ri kau anne alloa; kamaseangi Karaeng Allata'alanu siagang gaukangi ibadanu mae ri Ia lalang sikontu batangkalennu siagang nyawanu.

PAOLE 11:13 ပူးပေါင်းရင်းမြစ်များ

1 KARAENG-KARAENG 3:3

Salomo mangngamaseangi ri Batara siagang mannuruki ri pitunju'-pitunju' battua ri manggena. Mingka tuli anynyamballe iji siagang assare iji koro'bang olo'-olo' ri tampa' a'rupa-rupaya.

PAMMUJI 119:2

Mate'nei tau anturukiai parentaNa, siagang sibatu pa'mai'na usaha angngassengi Batara.

PAMMUJI 119:4

Kisarei ikambe hukkunTa, o, Batara, sollanna nagaukang ikambe siagang pa'mai' tamamminra.

YEREMIA 17:24

Turuki sikontu parentaKu. Teako angngangkaki manna barang-barang apa mamo allalo ri pakke'bu' lompona anne kotaya ri allo Pammari-marianga. Sa'laki allo Pammari-marianga untu' iNakke, siagang teako anjamai apa-apa mamo ri anjo alloa.

YEHEZKIEL 34:26

LaKubarakkaki ke'nanga siagang Kupa'biangi ammantang ke'nanga ri tammulilina bulu' matangkasakKu. LaKusarei ke'nanga bosi punna parallui.

KAIMANGNGANG 26:3

Punna nuturuki paratorang-paratorangKu siagang parenta-parentaKu lalang tallasa'nu,

KAIMANGNGANG 26:4

lappaturungA' bosi punna narapi' wattunna, sa'genna angngerang wassele' buttaya siagang a'rappo poko' kayu rappo-rappoanga.

PAOLE 10:12

“Kamma-kamma anne sari'battangku ngaseng, parhatikang lalomi apa Natuntuka Karaeng Allata'alanu battu ri kau, angkanaya: Pakala'biriki Karaeng Allata'alanu siagang gaukang laloi sikontu Naparentakanga. Mangngamaseangko mae ri Ia, siagang gaukang laloi ibadanu mae ri Ia ilalang sikontu batangkalennu siagang nyawanu.

PAOLE 11:1

“Kamaseangi Karaeng Allata'alanu, siagang tuli mannurukiko ri sikontu parentaNa.

PAOLE 11:22

Turuki siagang pa'mai' tamamminra sikontu hukkung kupabattua mae ri kau, iamintu: Kamaseangi Karaeng Allata'alanu, gaukangi sikontu apa Naparentakanga mae ri kau, siagang paralluko tuli tamamminra pa'mai' mae ri Ia.

PAOLE 11:8

“Turuki sikontu hukkung kupabattua mae ri kau anne alloa, sollanna nukkulle allimbangi binangaya siagang antama' ri pa'rasangang tenayamo nasallo nanupammantangngi.

PAOLE 28:1

“Punna mannurukiko ri Karaeng Allata'alanu siagang tamamminrayai pa'mai'nu anggaukangi sikontu parenta kupassareanga mae ri kau anne alloa, laNapa'jariko Batara bansa masahoro' ri anne linoa.

PAOLE 4:29

Nampa lanuboya Karaeng Allata'alanu; siagang punna attojeng-tojengko ri pa'mai'nu amboyai, lanugappai.

PAOLE 6:17

Turuki sikontu hukkung Napassareanga Karaeng Allata'alanu mae ri kau.

PAOLE 7:12

“Punna nuparhatikang anjo parenta-parentaya, siagang nugaukang tamattappu', tena todong namamminra pa'mai'Na Karaeng Allata'alanu mae ri parjanjiang Napareka siagang ikau ngaseng. LaNapappicinikangi pangngamaseang tamattappu'Na mae ri kau, sangkamma Napa'janjianga mae ri boe-boenu.