PAOLE 10:8 - KITTA' MATANGKASA'

⁸ Anjoreng ri monconga Naallemi Batara tu Lewi nampa Nasa'la' untu' angngurusuki Patti Parjanjianga siagang nalayani Batara, kammayatompa ampabattui kana barakkaka lalang arenNa Batara. Iaminjo tugasa'na ke'nanga sa'genna kamma-kamma anne.

PAOLE 10:8 ပူးပေါင်းရင်းမြစ်များ

1 KARAENG-KARAENG 8:6

Le'baki anjo naerammi sikamma imanga anjo Patti Parjanjianga antama' ri Balla'Na Batara nampa naboli' irawanganna patung-patung malaeka' akka'nyika lalang ri Kamara' Kaminang Matangkasaka.

1 PATTOTTORANG 15:2

Nakanamo Daud, “Tu Lewiji bawang akkulle angngangkaki Patti ParjanjianNa Batara, nasaba' iami ke'nanga nipile ri Batara untu' ampisangi anjo Pattia, siagang allayani mae ri Ia sa'genna satunggu-tungguna.”

1 PATTOTTORANG 15:26

Nia' tuju kayunna sapi laki siagang tuju gimbala' nikoro'bangkang mae ri Allata'ala lanri Natulunna tu Lewi angngangkaki anjo Patti Parjanjianga.

1 PATTOTTORANG 23:13

Amram iami manggena Harun siagang Musa. (Harun siagang sikontu turunganna iami nipa'jari satunggu-tungguna angngurusuki sikamma pakkasa' sambayanga, attunu dupa untu' Batara, allayani Batara, siagang ambarakkaki ra'yaka lalang arenNa Batara.

1 PATTOTTORANG 23:26

Lanri kammana anjo, ia KemaNa Batara siagang sikontu pakkakasa' eroka nipake untu' assambayang tenamo naparallu nipisang ri tu Lewi.”

2 PATTOTTORANG 29:11

Ikau ana'-anakku, teako pammukoangi pole, nasaba' ikau ngasemmi Napile Batara untu' anynyomba siagang a'jari atanNa, kammayatompa attunu dupa siagang ampimpingi ra'yaka untu' anynyomba.”

2 PATTOTTORANG 30:27

Imang-imanga siagang tu Lewi napappalakangi barakka' ra'yaka ri Batara, nampa Napilangngerimo Allata'ala battu ri pammantanganNa ri suruga anjo pappala' doanna ke'nanga na Natarima.

PAMMUJI 134:1

Kelong siara. Umba, pujimi Batara, he sikontu atanNa Batara, sikontu a'gau' ibadaya ri Balla'Na Batara ri wattu bangngi.

PAMMUJI 134:2

Angkaki na nupatara limannu ri tampa' matangkasaka, siagang pujimi Batara!

PAMMUJI 135:2

a'gau' ibadaya ri Balla'Na Batara ri pammantanganNa Allata'alata.

YEREMIA 15:19

Appiali Batara angkana, “Punna ammoterekko, laKutarimako. La'jariko ammotere' atangKu. Punna nukabarrangi apa a'matu-matua siagang teai bicara tena bonena, akkulleko ammotere' a'jari na'biKu. Labattui pole taua mae ri kau, siagang tenamo nuparallu mae ri ke'nanga.

YEHEZKIEL 44:11

Lalang ri BallakKu, poro akkulleji bawang ke'nanga allayaniA' salaku pagawe siagang pajaga pakke'bu' lompo. Akkullei ke'nanga ammolong olo'-olo' untu' koro'bang nitunu siagang passare, siagang musti tuli allayani ke'nanga ri ummaka.

YEHEZKIEL 44:15

Nakana Batara Kaminang Tinggia, “Ri wattungKu nabokoi bansa Israel, imang-imang tu Lewi battua ri jari-jarina Zadok tamamminrayai allayaniA' lalang ri BallakKu. Lanri kammana anjo iami anjo ke'nanga musti allayaniA' siagang battu mae ri dallekangKu untu' angngerang passare janna siagang cera'na sikamma koro'banga.

KAIMANGNGANG 8:9

Nampa napataba soro'banga ri ulunna Harun; anjo soro'banga napatabai belo-belo bulaeng, a'jaria pammatei angkanaya anjo Harun a'jarimi Batara pata. Yangasenna anjo nagaukangi Musa situru' parentaNa Batara mae ri ia.

KAIMANGNGANG 9:22

Le'baki napassareang ngaseng anjo koro'banga, naangka'mi limanna Harun irateanna umma' Israel na nabarakkaki ke'nanga, nampa naung.

PAMMILANGNGANG 3:31

Iami ke'nanga tanggong jawa' mae ri Patti Parjanjiang, mejang, sikamma tampa' pakkoro'bangnganga, sikamma pakkakasa' napakea sikamma imanga lalang ri Kamara' Matangkasaka, siagang gordeng passimbanna Kamara' Matangkasaka. Iami ke'nanga tanggong jawa' mae ri sikontu anjo barang-barang sikammaya.

PAMMILANGNGANG 3:6

“Suroi suku Lewi battu andallekang, nampa nujo'jo' ke'nanga a'jari palayang-palayanna Harun.

PAMMILANGNGANG 4:15

Nakana Batara mae ri Musa siagang Harun, “Ri wattunna nubongkara' pakkemaanga, Harun siagang ana'na musti antamaki ri KemaKu na narangka' ngaseng sikontu barang-baranga siagang pakkakasa' niaka anjoreng. Nampami punna le'baki anjo, akkullemi tu Kehat battu untu' ambuleki. Mingka takkulleai ke'nanga anciniki, anreppesi yareka anseroi anjo barang-baranga, lanri le'ba'namo nisa'la' anjo barang-baranga untu' iNakke. Punna nagaukangi ke'nanga anjo kammaya, mattantu matei ke'nanga. Jari, sollanna natena nacappu' anjo tu Kehat battu ri suku Lewi, Harun siagang ana'-ana'na musti ansarei tugasa' ke'nanga angkanaya apa massing naerang anjo ke'nanga. Iaminjo tugasa'na tu Kehat ri wattunna nipalette' KemaKu. Eleazar, ana'na Harun tanggong jawa' mae ri sikontu KemaKu, minynya' lampua, dupaya, koro'bang gandung tuli nipatalaya, minynya' upacara siagang sikontu apa niaka ilalang ri anjo KemaKu.”

YOHANES 15:16

Teai ikau ngaseng ampileA'. Mingka iNakke ampile ngasengko, siagang assuro ngasengko a'lampa sollannu akkulle a'rappo jai – natalapanraka anjo rapponnu. Na apa-apa mamo nupala' lalang arengKu, laNasareko Manggea.

LAMPA-LAMPANA 13:2

Ri wattunna assambayang mae ri Batara siagang appuasa ke'nanga, Nakanamo RohNa Allata'ala mae ri ke'nanga, “Pilei nanusa'lakkangA' Barnabas siagang Saulus, sollanna Kusuro anjamai jama-jamang le'baka Kupattantuangi ke'nanga.”

ROMA 1:1

Natarimai sikamma sari'battangku niaka ri Roma, nikamaseanga ri Allata'ala, siagang le'baka nikio' a'jari umma'Na Allata'ala. Le'ba'ma' nipile siagang niangka' untu' poro ambirittakangi Kabara' Baji' battua ri Allata'ala.

ROMA 12:7

Tau niaka pakkullena untu' antulungi paranna tau, musti natulung tojeng-tojengi paranna tau. Tau niaka pakkullena untu' angngajara', musti angngajara' tojeng-tojengi.

2 KORINTUS 6:17

Lanri kammana, bokoimi anjo tau tenaya namangngasseng ri Allata'ala, siagang pakabellami kalennu battu ri ke'nanga. Tea' laloko sikarapiki siagang apa-apa ra'masaka, nampa Kutarimako mae ri KalengKu.

GALATIA 1:15

Mingka lanri baji' atiNa Allata'ala, Napile memamma' ri wattu tenanapa nakunilassukang. Siagang Nakio'ma' untu' a'jari palayang mae ri Ia.

PAOLE 17:12

Manna inai punna barani angngewai hakinga yareka imang tugasaka, musti nihukkung matei; kammaminjo nanupaccappu'mo kaja'dallang kammaya anjo ri Israel.

PAOLE 18:5

Battu ri sikontu suku Israel, le'ba'mi Napilei Karaeng Allata'ala anjo suku Lewi untu' a'jari imang sa'genna satunggu-tungguna.

PAOLE 21:3

Nampa sikamma tau-tau toana anjo kota kaminang a'reppeseka, musti ammilei sikayu sapi rungka ia tenayapa nale'ba' nipake anjama.

PAOLE 21:5

Sikamma imang tu Lewia musti a'lampa tongi mange anjoreng ri tampaka, lanri musti assarei ke'nanga kaputusang lalang sikamma parkara katerassanga. Nipilei ke'nanga ri Karaeng Allata'alanu untu' ampare' atai kalenna mae ri Batara, siagang ampabattui kana-kana barakkaka lalang arenNa Batara.

PAOLE 31:9

Nampa natulisi' Musa hukkunNa Karaeng Allata'ala nampa napassareang mae ri imang-imang Lewi nisarea tugasa' untu' angngurusuki Patti Parjanjianga, siagang mae ri sikamma pamimpinna Israel.