PAOLE 10:5 - KITTA' MATANGKASA'

⁵ Nampa naumma' ammotere' battu ri monconga. Nampa situru' parentaNa Batara, kupantama'mi anjo ruaya batu ri patti le'baka kupare'. Nappakkaramula anjo wattua sa'genna kamma-kamma anne anjo ruaya batu niaka tulisanna tuli nia'na anjoreng.” (

PAOLE 10:5 ပူးပေါင်းရင်းမြစ်များ

KALAPPASSANG 25:16

Nampa musti nupadongkoki lalang ri anjo pattia anjo ruaya batu niaka tattulisi' lalang sikamma parenta Kupassareanga mae ri kau.

KALAPPASSANG 25:21

Padongkoki anjo ruaya batu lalang ri anjo pattia siagang patabai anjo pattongko'na irateanganna.

KALAPPASSANG 32:15

Naummi ammotere' Musa battu ri anjo monconga na naerang anjo ruaya batu niaka tattulisi' lalang sikamma parentaNa Allata'ala.

KALAPPASSANG 34:28

Patampulo allo patampulo bangngi ammantang Musa anjoreng siagang Batara; na lalanna anjo wattua tena nangnganre siagang tena nangnginung. Anjo kana-kana parjanjianga, iamintu Sampulo ParentaNa Allata'ala, nitulisiki ri anjo batua.

KALAPPASSANG 34:29

Ri wattunna naung Musa battu ri Moncong Sinai angngerangi anjo Sampuloa Parenta, accayai rupanna lanri le'ba'na a'bicara siagang Batara; mingka tanaassengai kalenna Musa angkana accayai rupanna.

KALAPPASSANG 40:20

Nampa nipantama' anjo ruaya batu nipannulisi siagang Sampulo ParentaNa Allata'ala ri Patti Parjanjianga. Nampa napataba Musa pa'rangka'na anjo Pattia siagang napantama kayu pa'bulekanga ri pontona.

PAOLE 10:2

LaKutulisiki mae ri anjo batu-batua iamintu kana-kana sangkammaya le'baka Kutulisi' ri anjo batu le'baka nureppe'; nampa musti nupantama anjo batu-batua ri anjo pattia.’

PAOLE 9:15

Nampa kugilimmo kalengku, nampa naumma' battu ri anjo moncong sitabanga a'rinra-rinra, siagang kuerang tommi anjo ruaya batu parjanjiang, kuta'gala' siagang rua limangku.

YOSUA 4:9

Anjoreng ri tangnga-tangngana anjo Binanga Yordan, nasusummi Yosua anjo sampuloa anrua batu, ri tampa' pammentenganna le'ba' sikamma imang ambulekai anjo Patti Parjanjianga. (Anjo batu-batua nia' iji anjoreng sa'genna kamma-kamma anne.)