PAOLE 10:15 - KITTA' MATANGKASA'

¹⁵ Mingka teai sipato' lompona pangngamaseanNa Batara mae ri boe-boenu, sa'genna ikaumi Napile battu ri alla'na sikontua bansa, siagang sa'genna kamma-kamma anne ikauji umma'Na Napilea.

PAOLE 10:15 ပူးပေါင်းရင်းမြစ်များ

PAMMUJI 135:4

Napilei Yakub untu' KalenNa, umma' Israel Napa'jari Ia ampatangi.

PAMMUJI 44:3

IKatte kalenTa ambongkai bansa-bansaya sollanna ammantang ummatTa ri pa'rasanganna ke'nanga. Bansa-bansa maraenga Kicilakai, mingka ummatTa Kilappassang a'bakka'-bakka'.

AMOS 3:2

“Battu ri sikontu bansaya ri lino, ikaumi se're-se'rea bansa Kuassenga siagang Kuparhatikanga. Iaminjo saba'na nalompo dosanu, siagang ma'nassa laKuhukkung ngasengko.”

PAMMILANGNGANG 14:8

Punna Naerokangi Batara, laNaerangki' mange anjoreng nampa Napassareang anjo pa'rasangang kalumanynyanga siagang copponga mae ri katte.

ROMA 11:28

Lanri teana tu Yahudia antarimai Kabara' Baji' battua ri Allata'ala, a'jari musumi ke'nanga ri Allata'ala; na iaminjo ba'lalo ampa'jari upaki bansa-bansa maraenga. Mingka lanri nipilena ri Allata'ala, tuli nikamaseammi ri Allata'ala anjo tu Yahudia, passabakkang boe-boena ke'nanga.

PAOLE 4:37

Lanri Nakamaseangi boe-boenu, na Napile mako; lanri koasa malompoNa na Naerang mako assulu' battu ri Mesir.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.