PAOLE 10:14 - KITTA' MATANGKASA'

¹⁴ Karaeng Allata'alanu ampatangi langi' kaminang tinggia; kammayatompa buttaya siagang sikontu apa-apa niaka ri tompo'na Ia ngaseng pata.

PAOLE 10:14 ပူးပေါင်းရင်းမြစ်များ

PA'JARIANG 14:19

nampa nabarakkaki Abram nakana, “Poro Allata'ala Kaminang Tinggia, ampa'jariai langika siagang buttaya, ambarakkakiko Abram!

PA'JARIANG 14:22

Mingka appialimi Abram nakana, “Assumpa' ri dallekanNa Batara, Allata'ala Kaminang Tinggia, ampa'jariai langika siagang buttaya,

1 KARAENG-KARAENG 8:27

Mingka, o Allata'ala, maka attojeng-tojengKi' larella ammantang ri anne buttaya? Manna sikontu langika taganna' luara'na untu' iKatte, la'biangampa naanne balla' kubangunga!

2 PATTOTTORANG 6:18

Mingka o Allata'ala, maka ma'nassa ero' tojenjaKi' ammantang ri anne tompo'na buttaya, ri tangnga-tangngana rupataua? Manna sikontu langika tagannaki luara'na untu' Kipammantangngi, la'biangampa naanne balla' sambayang kubangunga!

NEHEMIA 9:6

Nampa appala' doammo ra'ya' Israel kamma anne, “IKattemi Batara, iKattemi tena ruanTa; Kipa'jari bintoenga na sikontu langika, kammayatompa tamparang, butta siagang sikontu bonena, nampa Kisare katallassang siagang Kiparakai. Ri Kattemi anynyomba sikamma koasaya ri langi'; akkulantuki ke'nanga, tundu' mae ri Katte.

AYUB 41:11

Inai akkulle ambakkai natalokoka? Tena tau ri linoa anne akkulle anggaukangi.

PAMMUJI 115:16

Langika iamintu Bataraji bawang pata, mingka buttaya Napassareangi mae ri rupataua.

PAMMUJI 148:4

Pujimi, he langi' kaminang tinggia, pujimi, he je'ne' irate langika!

PAMMUJI 24:1

Pammujina Daud. Batara pata sikontu linoa siagang bonena, linoa siagang sikontu ammantanga ilalang.

PAMMUJI 50:12

Punna cipurukKa', taparalluai Kupau mae ri kau, saba' linoa siagang sikontu bonena iNakke pata.

PAMMUJI 68:33

Makkelongko mae ri Allata'ala, he sikamma kakaraengang, akkelongko lagu-lagu pammuji mae ri Batara,

KALAPPASSANG 19:5

Kamma-kamma anne punna mannurukiko mae ri Nakke siagang majarrekko ri parjanjiangKu, laKupa'jariko umma' KalengKu. Sikontu buttaya ikau ampatangi, mingka ikau la'jariko umma' nikarimangngingKu,

KALAPPASSANG 9:29

Nakanamo Musa ri karaenga, “Tasalloai battuku assulu' ri pantaranna kotaya, lakuangkaki limangku untu' appala' doang ri Batara. Anjo gunturuka siagang anjo bosi eska lammari siagang la'jari sannangi, sollanna kiasseng karaeng, angkanaya anne buttaya Batara pata.

YESAYA 66:1

Nakana Batara, “Langika empoang kala'birangKu, na buttaya pattuppuang bangkengKu. Jari balla' antekammaya ero' nubangungangA' siagang tampa' apaya lanupa'jariangA' pammantangangKu?

LAMPA-LAMPANA 17:24

Allata'ala ampa'jariai anne linoa siagang sikontu bonena, Iami Batarana langika siagang buttaya. Tena nalalang ammantang ri sikamma balla' rewata napareka rupataua.

1 KORINTUS 10:26

Nasaba' nia' tattulisi' lalang ri Kittaka angkanaya, “Anne linoa siagang sikontu bonena, Batara ngaseng pata.”

1 KORINTUS 10:28

Mingka punna nia' angkana mae ri kau, “Anne kanrea le'ba'mi nipassareang mae ri barhalaya,” tea' mako kanrei anjo kanrea, lanri paralluna nuparhatikang kaparalluanna anjo taua, kammayatompa lanri batami lalang nyawanu.

2 KORINTUS 12:2

Nia' kuasseng se're tu Karisteng sampulo angngappa' taung allaloa, niangkaka nai' ri lonjo' kaminang tinggina surugaya. (Takuassengai angkanaya maka tubuna tojeng-tojeng niangka' nai' ri suruga yareka paccinikkuji bawang. Allata'alaji bawang angngassengi.)

PAOLE 10:13

Turuki sikontu parentaNa Batara kupabattua mae ri kau anne alloa, lanri untu' kabajikang kalennu tonji.

PAOLE 33:26

“E, Israel, parallui nuasseng angkanaya, la'biangngangi Allata'ala kala sikontu rewataya. Nalaloi langika lalang kala'biranNa natarrusuki rammanga untu' antulung ngasengko.