PAOLE 10:13 - KITTA' MATANGKASA'

¹³ Turuki sikontu parentaNa Batara kupabattua mae ri kau anne alloa, lanri untu' kabajikang kalennu tonji.

PAOLE 10:13 ပူးပေါင်းရင်းမြစ်များ

1 KARAENG-KARAENG 3:3

Salomo mangngamaseangi ri Batara siagang mannuruki ri pitunju'-pitunju' battua ri manggena. Mingka tuli anynyamballe iji siagang assare iji koro'bang olo'-olo' ri tampa' a'rupa-rupaya.

PANGNGEBARANG 9:12

Punna kacara'dekang nupatang, ikau kalennu laupa'. Mingka punna nusorongboko kacara'dekanga, ikau tonji pole napakarugi.

YEREMIA 32:39

LaKusarei ke'nanga poro se're bawang oloang mange ri katallassanga: iamintu, napakalompoA' satunggu-tungguna; anjo kammaya langngerangi kabajikang mae ri kalenna ke'nanga, siagang mae ri jari-jarina.

PAOLE 10:12

“Kamma-kamma anne sari'battangku ngaseng, parhatikang lalomi apa Natuntuka Karaeng Allata'alanu battu ri kau, angkanaya: Pakala'biriki Karaeng Allata'alanu siagang gaukang laloi sikontu Naparentakanga. Mangngamaseangko mae ri Ia, siagang gaukang laloi ibadanu mae ri Ia ilalang sikontu batangkalennu siagang nyawanu.

PAOLE 10:14

Karaeng Allata'alanu ampatangi langi' kaminang tinggia; kammayatompa buttaya siagang sikontu apa-apa niaka ri tompo'na Ia ngaseng pata.

PAOLE 6:24

Nasuroki' Karaeng Allata'alata anturuki siagang anggaukangi sikontu anjo parentaya kammayatompa mappakala'biri' mae ri Ia. Punna nigaukangi kammaya anjo, latuli Naparakai bansata sollanta tuli salewangang lalang tallasatta.

YAKOBUS 1:25

Anjo hukkunNa Allata'ala sukkuki siagang makoasai untu' ampakabebasaki rupataua. Na inai-nai ansalidiki siagang amparhatikang baji'-bajiki kammayatompa anggaukangi anjo hukkung-hukkunga, jari tena na nalangngere'ja bawang nampa nakuluppai, iami lanibarakkaki ri Allata'ala lalang sikontu apa-apa nagaukanga.