PAOLE 1:38 - KITTA' MATANGKASA'

³⁸ Mingka pakajarreki nyawana pambantunu, iamintu Yosua ana'na Nun. Iami lampimpingi tu Israel langngallei anjo buttaya.’

PAOLE 1:38 ပူးပေါင်းရင်းမြစ်များ

KALAPPASSANG 24:13

Nampa sadiamo Musa siagang pambantuna iamintu Yosua untu' nai' ri anjo moncong pammantanganNa Batara.

KALAPPASSANG 33:11

Assidallekammi a'bicara Batara siagang Musa, rapang tau a'bicaraya siagang aganna. Le'baki anjo ammotere'mi Musa mae ri pakkemaanga. Mingka Yosua ana'na Nun, turungka pambantuna Musa, tuli ammantanna lalang ri anjo Kemaya.

PANGNGEBARANG 22:29

Le'bakko anciniki tau cara'deka anggaukangi jama-jamanna? Anjo taua lanisarei jama-jamang ri balla' lompona sikamma karaenga, teai balla' biasaya.

YEREMIA 40:10

Ammantang mako ri kota-kota nungaia, siagang appasse're mako nummoli' anggoro', rappo-rappoang siagang minynya' zaitun. Inakke kalengku lammantanga' ri Mizpa siagang kuwakkeli ra'yaka punna battu mae anrinni tu Babel.”

PAMMILANGNGANG 13:16

Iaminjo mata-mata nisuroa ri Musa mange ammata-matai anjo pa'rasanganga. Hosea ana'na Nun nisambei arenna ri Musa a'jari Yosua.

PAMMILANGNGANG 14:38

Battu ri anjo sampuloa anrua mata-mata, poro Yosua siagang Kaleb bawang ammantang attallasa' ija.

PAMMILANGNGANG 26:65

Le'ba'mi Nakanang Batara angkanaya lamate ngasengi ke'nanga ri parang lompoa. Na memang mate ngasengi ke'nanga, pantaranganna Kaleb ana'na Yefune siagang Yosua ana'na Nun.

PAMMILANGNGANG 34:17

“Ia mustia ambagei anjo buttaya mae ri kau ngaseng iamintu Imang Eleazar, siagang Yosua ana'na Nun.

PAOLE 3:28

Ajara'mi siagang saremi pangngunju' Yosua. Pakajarreki pa'mai'na, nasaba' iami lampimpingi anjo bansaya untu' a'limbang siagang angngallei anjo pa'rasangang nucinika.’

PAOLE 31:14

Nampa Nakana Batara mae ri Musa, “Tenamo nusallo attallasa'. Jari, kioki Yosua, siagang erangi mae ri KemaKu, sollanna akkulle Kusare siapa are pangngunju'.” Jari a'lampami Musa siagang Yosua mange ri anjo Kemaya,

PAOLE 31:23

Nampa Nakana Batara mae ri Yosua, ana'na Nun, “Paralluko majarre' pa'mai' siagang barani Yosua! Ikau lampimpingi bansa Israel ampatamakki pa'rasangang Kupa'janjianga mae ri ke'nanga, siagang iNakke lantulungko.”

YOSUA 1:1

Ri matenamo Musa, iamintu atanNa Batara, a'bicarami Batara mae ri wakkele'na Musa, iamintu Yosua ana'na Nun.

YOSUA 11:23

Sikontu anjo pa'rasanganga naallei Yosua situru' parentaNa Batara mae ri Musa, nampa nipassareang mae ri bansa Israel untu' napatang ke'nanga. Nibage-bagei anjo pa'rasanganga, na massing-massing sukua anggappai tasse're bageang. Ammarimi bansa Israel a'bundu' siagang amammi nasalewang pa'rasanganna.

1 SAMUEL 16:22

Nampa akkiring Saul pasang mae ri Isai angkana, “Kungai Daud. Pa'biammi ammantang tulusu' anrinni na'jari palayangku.”