PAOLE 1:30 - KITTA' MATANGKASA'

³⁰ Karaeng Allata'alanu lampimpingko siagang labarjuang untu' ikau sangkamma le'baka nucini' Nagaukang ri Mesir,

PAOLE 1:30 ပူးပေါင်းရင်းမြစ်များ

2 PATTOTTORANG 32:8

Ia ke'nanga kagassingang rupatau napake, mingka ikatte nia' Karaeng Allata'alata untu' ambantuki' siagang la'bunduka untu' ikatte.” Nalangngere'na kana-kananna karaenna ke'nanga, a'jari baranimi ra'yaka.

NEHEMIA 4:14

Kucini'na angkana mallaki ra'yaka, kukanamo ri ke'nanga siagang ri tutoa-toana kammayatompa sikamma pamimpinna ke'nanga, “Teako mallaki ri musua! Angngu'rangiko mae ri Batara makassaka siagang sannaka heba'na, siagang barjuangko untu' sikamma sari'battannu, ana'-ana'nu, bainennu kammayatompa balla'nu.”

NEHEMIA 4:20

Jari, punna allangngerekko tarompe', karo-karoko a'rappung ri tammulilina ikambe anrinni. Allata'alata la'bundu' untu' ikatte.”

PAMMUJI 46:11

Nakana, “Pammari a'bunduka; assengi, angkana iNakke anne Allata'ala, iNakke malompo ri alla'na bansa-bansaya, malompo ri sikontu linoa.”

KALAPPASSANG 10:21

Nakanamo Batara ri Musa, “Angkaki nai' limannu, na nitongko' butta Mesir ri sassang makkappu'.”

KALAPPASSANG 14:14

KalenNa Batara la'bundu' untu' ikau, na ikau tena apa-apa parallu lanugaukang.”

KALAPPASSANG 14:25

Napassala-salangi rodana karetaya sa'genna takkullea tapputara', sa'genna sanna' susana ke'nanga lamaju. Nakanamo tu Mesirka, “KalenNa Batara a'bundu' untu' tu Israel na nabaliangki'. Umba kilari battu anrinni!”

KALAPPASSANG 19:4

“Le'ba' ngasemmi nucini' apa Kugaukanga mae ri tu Mesir, siagang antekamma bateKu angngerangko mae ri KalengKu ri anne tampaka lalang kakoasang lompoKu, rapang jangang-jangang rajawali angngerangi ana'na lalang ri ka'nyi'na.

ROMA 8:31

Apamo lanikana kamma-kamma anne ri passala' kammaya ngaseng anjo? Punna Narurungangki' Allata'ala, maka inai akkulle angngewaki'?

ROMA 8:37

Tena! Ba'lalo lalang ri sikammaya ngaseng anjo anggappa maki' pammetang tojeng-tojenga lanri Ia mangngamaseanga mae ri katte ngaseng!

PAOLE 1:29

Mingka kukanamo: Teako mallakki mae ri anjo taua.

PAOLE 11:3

siagang sikamma gau' appakalannasa' le'baka Nagaukang. Kalennu anciniki apa Nagaukanga mae ri karaeng Mesir siagang sikontu pa'rasanganna.

PAOLE 29:2

Nasuroi Musa asse're sikontu tu Israel, nampa nakana mae ri ke'nanga, “Le'ba'mi nucini' kalennu apa Nagaukanga Batara mae ri karaeng Mesir, sikontu pagawena siagang sikontu pa'rasanganna.

PAOLE 3:22

Teako mallakki mae ri ke'nanga, lanri Karaeng Allata'alanu labarjuang untu' ikau.”

PAOLE 31:3

KalenNa Karaeng Allata'alanu la'jappa ri dallekannu siagang ampanraki bansa-bansa ammantangnga anjoreng, sa'genna akkulle nupammantangngi buttana ke'nanga. Yosua la'jari pamimpinnu, sangkamma le'baka Napau Batara.

PAOLE 34:11

Tena anggaukangi gau'-gau' malompoa siagang appakalannasaka sangkamma nagaukanga Musa mae ri pa'rasangang Mesir, karaenna siagang sikamma pagawena situru' parentaNa Batara.

PAOLE 4:34

Le'bakika nia' rewata barani angngalle se'reang bansa battu ri bansa-bansaya nampa napa'jari ke'nanga umma' kalenna, sangkamma Nagaukanga Karaeng Allata'alanu untu' ikau ri Mesir? Kalennu anciniki antekamma bateNa Allata'ala appabattu kagassingang lompo, angngeranga bala siagang pa'bundukang, anggaukangai gau'-gau' appakalannasaka siagang apa-apa hebaka.

PAOLE 7:18

Mingka teako mallakki mae ri ke'nanga; u'rangi apa le'baka Nagaukang Karaeng Allata'alanu mae ri karaeng Mesir siagang sikontu ra'ya'na.

YOSUA 10:14

Tale'bakai kajariang siagang tena le'bakai lakajariang se'rea allo kamma anjo, angkanaya napinawangi Batara ero'na rupataua. Niaki Batara angngagangi tu Israel a'bundu'!

YOSUA 10:42

Lalang sikali bawang pa'bundukang na nabeta ngaseng Yosua sikamma anjo karaenga siagang naalle daera-daera kakoasanna ke'nanga, lanri Batara, Allata'alana Israel a'bundu' untu' tu Israel.

YOSUA 23:3

Le'ba'mi kucini' ngaseng sikontu apa Nagaukanga Karaeng Allata'alanu mae ri sikontu bansa niaka anrinni lanri untu' ikau ngaseng. KalenNa Karaeng Allata'alanu barjuang untu' ikau.