PAOLE 1:28 - KITTA' MATANGKASA'

²⁸ Jari apa matu-matunta mange anjoreng? Anjo tau nikiringa mange anjoreng napakamalla' maki' lanri nalaporo'na ke'nanga angkana anjo bansa niaka anjoreng la'bi kassakangngangi siagang la'bi baraniangngangi na ikatte, kammayatompa lalangi ke'nanga ammantang ri kota-kota nikallika tembo' kammaya langi' tinggina. Acciniki ke'nanga rassasa anjoreng!’

PAOLE 1:28 ပူးပေါင်းရင်းမြစ်များ

PA'JARIANG 11:4

Nakanamo ke'nanga, “Umba kimbangung kota siagang se're menara ta'rapika coppo'na sa'genna ri langi', sollanna ki'jari masahoro' siagang tena kisisa'la'-sa'la ri sikontu linoa.”

KALAPPASSANG 15:15

Annekkere'mi tu baranina Moab, ca'dimi pa'mai'na tu Kanaan.

YESAYA 13:7

Tunggala' taua lanakasiaki mate limanna siagang tappela' kabaranianna.

YEHEZKIEL 21:7

Punna akkuta'nang ke'nanga angkana angngapa nukkunrareng, paumi angkanaya si'nai pa'mai'nu lanri kabara' laniaka battu. Anjo kabaraka lanapannekkereki nyawana ke'nanga, lammai limanna ke'nanga, annekkereki kulantu'na siagang tappelaki sumanga'na. Tojeng, narapi'mi wattunna, na kabusu'na anjo lakajariang ngasemmi. INakke, Batara Kaminang Tinggia anne akkana.”

PAOLE 1:29

Mingka kukanamo: Teako mallakki mae ri anjo taua.

PAOLE 2:10

Anjo Ar riolo tu Emim ampammantangngi. Lompoi pakkaleanna ke'nanga, sangkammai tu Enak, kamma tongi ke'nanga bansa rassasa.

PAOLE 20:20

Poko'-poko' maraenganga akkullei nuta'bang untu' nupare' kalli' pakkulilingang sa'genna nubeta anjo kotaya.”

PAOLE 20:8

Sikamma komandanga musti napau tongi anne kana kammaya mae ri tantaraya, ‘Niakka ri kau ranggasela siagang malla'? Punna nia', akkullei ammotere'. Punna tena, lanapanraki sumanga'na tau maraenga.’

PAOLE 7:17

Gassing nupikkiriki angkanaya la'bi jaiangngangi anjo bansa-bansaya sa'genna tanukulleai ambongkai ke'nanga.

YOSUA 11:22

Tena manna sitau battu ri bansa Enak ammantang tassesa ri daera Israel; ia mami niaka iamintu niaka ri Gaza, Gat, siagang Asdod.

YOSUA 14:8

Sikamma tau kuaganga a'lampa, napakamalla'-mallaki umma' Israel. Mingka inakke tuli majarreka' mannuruki ri Karaeng Allata'alaku.

YOSUA 15:14

Ia jari-jarina Enak iamintu Sesai, Ahiman, siagang Talmai. Nabongka ngasemmi Kaleb anjo ke'nanga battu ri Hebron.

YOSUA 2:11

Nalangngere'na ikambe anjo carita-carita kammaya, a'jari malla' sikalimi ikambe. Sikontu taua tappela' ngasemmi kabaranianna lanri ikau ngaseng. Karaeng Allata'alanu ma'nassa Ia tojeng Allata'ala Kaminang Makoasaya ri langika siagang ri buttaya.

YOSUA 2:24

Nampa nakana ke'nanga, “Mattantu Napassareangi Batara anjo sikontu pa'rasanganga mae ri katte; sikontu tau niaka anjoreng malla' ngasengi mae ri katte.”

YOSUA 2:9

nampa nakana ri ke'nanga, “Kuassengi angkanaya le'ba'mi Napassareang Batara anne pa'rasanganga mae ri kau ngaseng. Sikontu tau niaka anrinni malla' ngasengi ri kau ngaseng.

HAKING-HAKING 1:10

kammaya pole kota Hebron, iamintu kota niarenga Kiryat-Arba riolo. Anjoreng nabetami tu Yehudaya iamintu tu Sesai, tu Ahiman siagang tu Talmai.

HAKING-HAKING 1:20

Nipassareammi kota Hebron mae ri Kaleb situru' parentana Musa. Saba'na kariolo nia' tallu golongang turunganna Enak le'ba' nabongka Kaleb assulu' battu ri anjo kotaya.