PAOLE 1:25 - KITTA' MATANGKASA'

²⁵ Manna ammotere' ke'nanga mae ri katte angngerang rappo-rappoang nagappaya ke'nanga anjoreng, siagang nalaporo'mi angkanaya anjo pa'rasangang laNapassareanga Karaeng Allata'alata teai sipato' copponna buttana.

PAOLE 1:25 ပူးပေါင်းရင်းမြစ်များ

KALAPPASSANG 3:8

Lanri kammana anjo, erokKa' naung untu' allappassangi ke'nanga battu ri limanna tu Mesirka, nampa Kuerang ke'nanga assulu' battu ri anjo pa'rasanganga naKuerang mange ri pa'rasangang luaraka. Buttana coppongi siagang akkalumanynyangi. Kamma-kamma anne anjo pa'rasanganga napammantangi bansa Kanaan, bansa Het, Amori, Feris, Hewi siagang Yebus.

PAMMILANGNGANG 13:20

Pakajarreki pa'mai'nu. Ciniki apaka coppongi buttana siagang jai poko'-poko' kayuna. Teako takkaluppai angngerang ammotere' sike'de' rappo-rappoang attimboa anjoreng.” Anjo wattua pakkaramulami wattu anggoroka.

PAMMILANGNGANG 13:27

Nakana ke'nanga mae ri Musa, “Le'ba'mi nasalidiki ikambe anjo pa'rasanganga; anjo pa'rasanganga kalumanynyangi siagang coppongi buttana nacini' ikambe. Iaminne sike'de' rappo-rappoang niaka anjoreng.

PAMMILANGNGANG 14:7

Nanakana ke'nanga mae ri sikontu anjo ra'yaka, “Anjo pa'rasangang le'baka nasalidiki ikambe teai sipato' baji'na.

PAOLE 1:24

Antama'mi ke'nanga ri anjo daera monconga sa'genna Ka'bung Eskol bellana, nampa a'la'ba' ke'nanga anjappai.

PAOLE 1:26

Mingka nutumpaki parentaNa Karaeng Allata'alanu, siagang taerokako ampantamakki anjo pa'rasanganga.