PANGNGEBARANG 9:18 - KITTA' MATANGKASA'

¹⁸ Anjo tau nagappaya tanaassengai kalenna angkana tau battua ri anjo bainea lanarapi'mi a'jala'na anjoreng; siagang inai-nai antama'mo ri balla'na, sangkammami angkana antamaki ri linona tau matea.

PANGNGEBARANG 9:18 ပူးပေါင်းရင်းမြစ်များ

PAMMUJI 82:5

Ikau ngaseng tena apa-apa nuasseng, dongokko, siagang linguko, passabakkang ikau napanra' atorang katallassanna tau jaia.

PANGNGEBARANG 1:32

Tau tenaya pangalamanna lamatei lanri tanajampangia', kammayatompa tau toloa laancuruki lanri tanajampangia'.

PANGNGEBARANG 1:7

Sollanna akkulle nigappa pangngassengang sitojennaya, uru-urua parallu niparhatikang iamintu parallui taua mappakala'biri' siagang malla' mae ri Batara. Tau toloa tena naanggaraki kacara'dekanga siagang taerokai niajara'.

PANGNGEBARANG 5:5

Nare'resangko naung ri linona tau matea; oloang naoloa iamintu oloang lamange ri kamateanga.

PANGNGEBARANG 6:26

Anjo baine salaya akkullei nisewa sanrapang kanre sipannea anggaranna, mingka nikanaya a'gau' sala siagang bainenna tau maraenga musti nibayaraki siagang nyawa.

PANGNGEBARANG 7:26

saba' jaimi bura'ne naancuru' katallassanna. Tanila'busami nirekeng angkana siapami jaina ancuru' lanri ia.

PANGNGEBARANG 7:27

Punna a'lampa taua mae ri balla'na, sangkammami angkana angngallea oloang pammolongang mange ri kamateanga.

2 PETRUS 3:5

Napakkunjungiangi taeroka ke'nanga angngassengi angkanaya langika siagang buttaya nipa'jari la'bi riolo tete ri kananNa Allata'ala; angkanaya je'ne' siagang battu ri je'neki nipa'jari buttaya;