PANGNGEBARANG 8:29 - KITTA' MATANGKASA'

²⁹ ri wattunna Naparenta je'ne' tamparanga sollanna tena nalaloi pa'baeng-baenna. Inakke nia' tonga' hadere' anjoreng ri wattunna Napadongko' pa'lapa'na buttaya.

PANGNGEBARANG 8:29 ပူးပေါင်းရင်းမြစ်များ

AYUB 26:10

Nagambaraki bo'donga ri tompo'na tamparanga untu' ansa'laki singaraka siagang sassanga.

PAMMUJI 104:5

Kijarreki Kitannang buttaya ri dasara'na, sa'genna tena nalata'lengga satunggu-tungguna.

PAMMUJI 104:9

Kipattantui pa'baeng-baeng takkullea nalaloi, sollanna tena nammotere' ammantang ri bontoa.

PAMMUJI 136:5

Lanri kaporeanNa napa'jari langika; pangngamaseanNa sa'genna satunggu-tungguna.

PAMMUJI 33:7

Sikontu je'ne' tamparanga Napasse'rei ri se'reang tampa', tamparang lompoa Natahangi lalang se're pannahangngang je'ne'.

PANGNGEBARANG 3:19

Lanri kacara'dekang, naNapa'jari Batara buttaya; lanri akkala' baji'Na naNaka'rang langika ri sikamma tampa'Na.

PANGNGEBARANG 8:28

ri wattunna Naboli' Batara rammanga rate ri allaka, siagang Nasungke sikamma kabattuanna tamparang lompoa,

YEREMIA 5:22

INakke Batara; angngapa natena numalla' ri Nakke? Mustina annekkerekko mae ri Nakke! INakke ampa'jari biring tamparanga a'jari pa'baeng-baeng tamparang tenaya nakkulle nilaloi sa'genna satunggu-tungguna. Tamparanga akkullei lompo bombanna siagang a'jallo' bombanna, mingka takkulleai nalalo anjo pa'baeng-baenga.

YOHANES 19:22

Mingka appialimi Pilatus nakana, “Apa le'baka kutulisi', boli'mi kamma anjo tattulisi'.”