PANGNGEBARANG 8:14 - KITTA' MATANGKASA'

¹⁴ Inakkemi assare pikkirang. Na inakke todong ampa'rupai. Inakke cara'de' na kugassing todong pole.

PANGNGEBARANG 8:14 ပူးပေါင်းရင်းမြစ်များ

PANGNGEBARANG 1:25

Sikontu pappakaingakku nubalang parekangi siagang pappasaileku nusorongbokoi.

PANGNGEBARANG 18:1

Tau ampakabellayai kalenna battu ri paranna tau kalennaji bawang naparhatikang; yangaseng panggappana taua nageakki.

PANGNGEBARANG 19:20

Punna nungai appilajara' siagang allangngere' pappakainga', sallang la'jariko tau nia' kacara'dekannu.

PANGNGEBARANG 24:5

Tau cara'deka la'bi nikangalikangi na tau kassaka; pangngassenganga la'bi paralluangngangi na kagassinganga.

PANGNGEBARANG 3:21

Lanri kammana anjo, anna'galakko mae ri kacara'dekanga siagang mae ri tangara' bajika, na'! Tea sikaliko lappassangi,

KATO'BA 7:19

Kacara'dekanga napa'jari taua poreangngang na sampuloa tukoasa ri se'rea kota.

YESAYA 28:29

Anjo kacara'dekanna, iamintu kacara'dekang nagappa battu ri Batara Kaminang Makoasaya. Sikontu rancanaNa Batara pore ngasengi siagang tuli a'jari ngasengi.

YESAYA 40:14

Inai Napakkuta'nangngi Batara sollanna anggappa pangngassengang siagang pammahang? Inai assarei pitunju' untu' angngalle tindakang cocoka?

YESAYA 9:6

Ammarentai salaku turunganna Daud, kakoasanNa tamaka lompona. Tuli laamangi na salewangang pa'rasanganNa; pamarentahanNa ta'dongkoki rate ri hukkung siagang kaadelang anne kamma siagang satunggu-tungguna. Batara Kaminang Makoasaya, mattantu laNarupaina.

YEREMIA 32:19

Hebaki rancana-rancanaTa, siagang appakalannasaki sikontu panggaukanTa; Kiciniki sikontu apa nagaukanga rupataua, siagang Kibalasaki ke'nanga situru' panggaukanna ke'nanga.

YOHANES 1:9

Singara' sitojennaya, assingariai sikontu rupataua, nia'mi battu ri lino.

ROMA 1:22

Nakanai cara'de' kalenna, padahala' sikontutojenna toloi.

1 KORINTUS 1:24

Mingka untu' sikamma tau le'bakamo nikio' ri Allata'ala – baji' tu Yahudi yareka bansa-bansa maraenga – iami a'jari pammatei ri butti Napa'nyatana kakoasanNa siagang kabajikanNa Allata'ala.

1 KORINTUS 1:30

KalenNa Allata'ala ampasse'rei katallassannu siagang Isa Almasi. Tete ri Isa Almasi nanipa'jariki' cara'de'. Siagang tete ri Iatommi naNapasibajiki maki' Allata'ala mae ri KalenNa, iamintu Napa'jari maki' umma'Na, kammayatompa Napa'jari bebasa' maki'.

KOLOSE 2:3

Almasimi ampa'nyatai sikontu apa-apa tenayapa niassengi battu ri kacara'dekanNa siagang pangngassenganNa Allata'ala, ia taccokkoa riolo.