PANGNGEBARANG 8:10 - KITTA' MATANGKASA'

¹⁰ Anggaraki pappakaingakku la'biangngang na pera' ti'noka paralluangngangi pangngassenganga la'biangngang na bulaeng ti'noka.

PANGNGEBARANG 8:10 ပူးပေါင်းရင်းမြစ်များ

AYUB 28:15

Kacara'dekanga takkulleai nipassambe siagang bulaeng ti'no', yareka takkulleai niballi siagang pera'.

AYUB 28:17

Bulaenga siagang kaca alusu' takkulleai sangkamma anggaranna, takkulleai nibayara' siagang paramata bulaeng toa.

PAMMUJI 119:127

Kungai sikamma parentaTa la'biangngang na bulaeng, la'biangngang na bulaeng ti'noka.

PAMMUJI 119:162

JanjinTa ampakarannua', sanrapang tau ammuntuluka pa'barang-barangngang.

PAMMUJI 119:72

Untu' inakke tinggiangangi anggaranna hukkunTa kala sikontu bulaenga siagang peraka ri lino.

PANGNGEBARANG 10:20

Kana-kananna tau bajika sanrapangi pera' ti'no'; pikkiranna tau ja'dalaka tena anggaranna.

PANGNGEBARANG 16:16

Bella' la'bi baji'na anggappaya kacara'dekang kala anggappaya bulaeng; la'bi lompoangngangi anggaranna anggappaya pangngassengang kala anggappaya pera'.

PANGNGEBARANG 20:15

Kana-kana ammonea pangngassengang, tinggiangngangi anggaranna kala bulaenga na barlianga.

PANGNGEBARANG 23:23

Ajarang annabaya, kacara'dekang, pangngajara', siagang pammahang, yangasenna anjo siratangi niballi, mingka tena nasiapa anggaranna lanibalukang.

PANGNGEBARANG 8:19

Apa nugappaya battu ri nakke la'biangngangi na bulaeng ti'noka; la'bi lompoangngangi anggaranna na pera' ti'noka.

KATO'BA 7:11

Tau attallasaka mustina nia' kacara'dekanna; anggaranna anjo kacara'dekanga sangkammai barang pisaka;

LAMPA-LAMPANA 3:6

Mingka nakanamo Petrus ri anjo tau pesoka, “Tena sikali doekku. Mingka apa niaka ri nakke, iaminjo lakusareangko: Lanri koasaNa Isa Almasi, battua ri Nazaret, kukana ri kau a'jappa mako!”

2 KORINTUS 6:10

Manna nanipakasi'na pa'maitta, mingka tuli rannujaki'. Kasi-asi maki' nicini', mingka jaimi tau nipa'jari kalumanynyang. Tena nicini' apa-apanta, mingka sikontutojenna nia' ngasemmi ri katte sikontu apa-apaya.