PANGNGEBARANG 7:27 - KITTA' MATANGKASA'

²⁷ Punna a'lampa taua mae ri balla'na, sangkammami angkana angngallea oloang pammolongang mange ri kamateanga.

PANGNGEBARANG 7:27 ပူးပေါင်းရင်းမြစ်များ

PANGNGEBARANG 5:5

Nare'resangko naung ri linona tau matea; oloang naoloa iamintu oloang lamange ri kamateanga.

PANGNGEBARANG 7:8

Ri karuenna alloa, ri appakkaramulanamo sassanga, a'jappa-jappami anjo lapung tau rungka ri ampi'na pa'bilukanga, ri oloang mangea ri tampa' pammantanganna se'rea baine.

PANGNGEBARANG 9:18

Anjo tau nagappaya tanaassengai kalenna angkana tau battua ri anjo bainea lanarapi'mi a'jala'na anjoreng; siagang inai-nai antama'mo ri balla'na, sangkammami angkana antamaki ri linona tau matea.

KATO'BA 7:26

Kupahammi angkanaya anjo bainea paikangngangi na matea. Pangngaina bainea rapang jala siagang sikko', sadiai ero' anjakkala'. Tau anggaukangai ero'Na Allata'ala, nipalili battu ri anjo sikko'na, mingka tau dorakaya mattantu laniallena.

1 KORINTUS 6:10

inai-nai a'lukka', angngoa, siagang painung, inai-nai nangai ambicara kodi paranna tau siagang ampaccoki paranna tau – yangasemmi anjo tau kammaya takkullea a'jari umma'Na Allata'ala.

1 KORINTUS 6:9

Maka nuassenji angkanaya takkulleai a'jari umma'Na Allata'ala tu tenaya namannuruki? Teako eroki nitipu. Inai-nai a'gau' bawang, inai-nai anynyomba ri barhalaya, inai-nai a'gau' bawang, inai-nai a'gau' sala siagang paranna bura'ne yareka paranna baine,

PAPPICINI' 22:15

Mingka sikontu tau anggaukangai apa-apa tenaya matu-matunna, tau ammakea pangngissengang baca-baca, tau a'gau' bawanga, tau ammunoa, tau anynyombaya barhala, siagang tau a'balle-ballea, baji' na'balle-balle lalang bicara yareka lalang panggaukang, sikontu anjo tau kammaya pantaranganna ngasengi anjo kotaya tampa'na.